1 Pita 1:2 - Loina Nuahuana

² Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.

1 Pita 1:2 ပူးပေါင်းရင်းမြစ်များ

Madiu 24:22

Mwau nage 'ana sabwelowao 'eguma Yehoba sahena 'i'abi'abi heto'uto'upadi, nata tomota mabwaiyadi si'amasa, ma hesi Yehoba sabwelowedi 'i'abihe to'uto'upadi beno 'ina boda hehe'asaidi weyahidi.

Madiu 24:24

Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Madiu 24:31

Ma wete yoguli simu'a ma 'igu aneloseyao yahesumanedi ma 'igu boda hesihesinuwaidi sihe'autedima bale'u mabwaiyana ma yaumai mabwaiyana 'idi tupwa 'oidiyega.

Maki 13:20

Mwau nina 'ana sabwelowao 'eguma Yehoba sahena 'i'abi'abi hetoto'upe beno tomota mabwaiyadi si'amasa, ma hesi Yehoba sabwelowedi 'abwa 'i'abi hetoto'upadi, tauna 'ina tomotaiyao hesihesinuwaidi weyahidi.

Maki 13:22

Weyahina Keliso 'abo'abodi ma palopita 'abo'abodi beno silatulatuma ma 'ila'ilala waiwaidi tomota 'oidiya sihe'itaedi, ma 'oidiyega 'eguma sawasawahidi Yehoba 'ina bodao hesihesinuwaidi si'abowedi.

Maki 13:27

'oinega 'igu aneloseyao yahetunedi, 'igu bodao hesihesinuwaidi sihegogonedima bale'u ta galewa ta yaumai mabwaiyadi 'idi tupwa 'oidiyega.

Luke 18:7

Wete gide Yehoba 'ina tomotaiyao hehesinuwaidi nata 'ilemedi, 'eguma si'ahwanoi hilahila 'oina, sabwelo ma nihuwana 'oidiya.

Paihowa 15:18

Bewa Bada 'ina gwae, tauna mwalo hene nuwatuhu bewa 'i'abilatuheya.’”

Paihowa 2:23

Yehoba mwalo hene Yesuina weyahina 'iloina, ma to'aha bale'uwa Yesu nata 'iloba Yehoba 'isanapu nugeteya, beno 'omi watebaeya, ta 'imi loina 'oinega tomota galadi kelose 'oina silohe'amasiya.

Paihowa 20:32

“Wete yahenuwa lagugomi tuta sinaonaoma weyahidi, 'abehega Yehoba tauna 'i'ita yahigomi, ma wete tauna 'ina helau tetelina 'i'abihe pa'aligomi, ma 'oinega 'ina bodao, taudi 'i'abihe 'ehaudiya 'oidiya, 'omi wete waluhu.

Loma 1:5

Yesu Kelisoina tauna 'ihelauwegauwa ma 'ihesinuwegauwa 'abehega yahepwaila weyahina 'asa ganamuli mabwaiyadi 'oidiya, eema 'abehega sitagwala 'oina ma saninega sihemisa.

Loma 1:7

Tamadai Yehoba ma 'ida Bada Yesu Keliso 'idi helauwega tuwa wamiya daumwala.

Loma 11:2

Coinega yasanapuya 'abehega tauma Yehoba 'ina tomotaiyao, mwalo hene 'ihesinuwanemaiya ma 'abehega 'ina bodao, ee 'oinega nata geya 'ilolososomanemai. Ma mwalo heneyage, Ilaitiya meIsileli 'ilomugiyediya Yehoba 'oina, ta 'ina Bukiya 'ileleya, 'igwaeya,

Loma 11:28

Ma bewa tutaina moisa meYudiyaedi Yehoba silolo'alehe, weyahina tetela bwebwe'ana siguipaileya, 'oinega 'omi tomiya ganamuli 'abihetena wa'eweya, ma hesiyage wanuwatuyahi 'abehega meYudiyaedi Yehoba 'ihelauwediya, weyahina mwalona tubudiyaowedi Yehoba 'ihesinuwediya 'ina bodao.

Loma 15:16

ta 'abehega Yesu Keliso weyahina yahetohalewasa 'omi tomiya ganamuli 'oimiya. Cigu paihowa Yehoba 'oina gide pwaoli, ma 'oinega Yesu wasana wahesagohe, 'abwa muliyetega ya'ebwayaegomi Yehoba 'oina, weyahina Yaluyaluwa Tabuna 'ideuligomiya, ta weyahimi Yehoba 'iyaliyaya madouna.

Loma 16:19

Ma 'omi hesiyage tomota mabwaiyadi sisanapugomi 'abehega tetela bwebwe'ana 'ana tohematamatanao, ta weyahimi yayaliyaya madouna. Eema nuwanuwagu mumuga bwebwe'ana mabwaiyana wasanapu bwaibwainidi ta mumuga galadi walogwahatedi.

Loma 16:26

ta bewa tutaina 'i'abi latuheya 'oida, palopitao 'idi leleyao 'oidiyega, ma wete Yehoba miyamiya hatayana 'igwaeya 'abehega tetela bewa 'asa mabwaiyadi 'ana tomotaiyao sida sanapu, ma 'ane sihemisa ma simuliye.

Loma 8:33

Coinega nata geya wete taiya 'ihehe'ewegita, weyahina tauda Yehoba 'ihesinuwegita ta 'i'ahwa dumwaluwegita.

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

1 Kolinita 6:11

Weyahina tupwami mwalona mumugami gidemusa, ta hesi tuwa Yehoba 'ideuli pwaigomiya, ta wa'ehauwa, weyahina 'ida Bada Yesu Keliso saninega ma Yaluyaluwa Tabuna 'ina paihowa 'oinega 'i'abihedumwalu pwaigomiya.

2 Kolinita 10:5

Cida tobwatobwaedi 'oidiyega sowasowahida tahewaiwaisine mumuga galana, he'ohe'ohe, ma gwae hane, beno ginaulaedi Yehoba 'ana hemisa si'etobodeya, ma hesi tomota 'idi nuwatuhuwao tagibuidi ma Keliso 'ina gwae sida hematamatanedi.

2 Kolinita 13:14

Bada Yesu Keliso mabwaiyami 'i'atemuyemuyegomi ma Yehoba 'ihelauwegomi ma Yaluyaluwa Tabuna wete ba'idamiu wahe'iya'iyagu moisa. Taugu Paulo.

Kolose 3:12

Ta 'omi Yehoba 'ina helauwega 'ihesinuwanegomiya tauna weyahina, 'oinega 'ilobwainegomiya ma wa'atemuyamuya, ma wahehelau hilegomi ma wanuwasulu ma'imi hohobiga ta wete ma'imi 'alama'i'ita.

2 Tesalonaika 2:13

Ciyamayao, 'ida Bada 'ihelauwegomiya, weyahina tuta nugeta 'oina 'ihesinuwegomiya ma 'ane Yaluyaluwa Tabuna 'oinega 'i'abihe 'ehaugomi, ma tetela moisa wahemisae 'ami 'abihetena weyahina, 'oinega sowasowana tuta mabwaiyana weyahimi 'aloyauwedo Yehoba 'oina.

2 Timoti 2:10

Bewa weyahina 'igu miya mwauwedi 'oidiyega ya'alama'i'ita, ma 'abehega Yehoba taudi 'ihesinuwediya yalemedi, ma 'ane Yesu Keliso 'i'abihetedi, ta yaliyaya miyamiya hatayana siloba.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

Ibeliu 11:28

Ta wete 'ina hemisega Hataona Guyaina 'ipaihoweya ta bweyahega 'idi hadao 'ilosehulidiya, 'abehega tautuwao 'adi tolohe'amasa sahena 'iluhuluhu 'ihunuhunudi.

Ibeliu 12:24

ta wete Yesu 'oina, tauna loina hauhauna 'ana to'eheleina, ta bweyahina 'ana losehusehula 'oinega 'i'abihetegita, ma geya gide Ebeli bweyahina, weyahina beno 'ebehesilae.

Ibeliu 5:9

ta 'oinega 'ina mumuga mabwaiyana dumwaluna. Tauda wete 'eguma tahematamatane 'abihetena hataya Yesuina 'oinega taloba,

1 Pita 1:14

Yehoba 'oina wahematamatana, ma geya'abwa 'imi nuwa'ubunao siloiloinaegomi gidemusa mwalo 'imi tuta hemwagemwage 'oina.

1 Pita 1:19

ma hesi he'isaina Yehoba 'ina lami bweyahina bwebwe'ana hedada 'oinega 'i'abihetegomiya, tauna Kelisoina bwebwe'ana hedada, geya 'eta to'aha galana 'oina.

1 Pita 1:20

Yehoba Kelisoina 'ihesinuwa nugeteya 'ina paihowa bewa weyahina, ee muliyetega bale'u 'ipaihoweya, ma tutaina 'ebe gumwala bewa 'oina Kelisoina 'ihapwesama, tauda weyahida.

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

2 Pita 1:2

Yehobaina ma 'ida Badaina Yesu 'adi sanapu 'oinega, helau moisa ma yaliyaya 'oimiya sihasiwa.

2 Yoni 1:1

Taugu 'imi bada, ma 'owa wahine Yehoba 'ihesinuwegowa manatumwao 'imi leta bewa yaleleyawa. Moisa tuwa 'ateguwega yahelauwegomi. Taudi wete gide 'eda moisa 'ana tomuliyao sihelauwegomiya,

2 Yoni 1:13

Tasiu tauna wete hesihesinuwana Yehoba 'oinega, tauna natunao 'idi helau 'oiuwa.

Yude 1:2

Yehobaina 'ina 'atemuyamuya ta 'ina yaliyaya ta 'ina helau 'oimiya 'ihemadou.