1 Pita 1:15 - Loina Nuahuana

¹⁵ Ma hesi 'imi paihowa mabwaiyadi 'oidiya wamumuga dumwalu, gidemusa tauna 'ibwauwegomiya 'ina mumuga dumwadumwaluna.

1 Pita 1:15 ပူးပေါင်းရင်းမြစ်များ

Madiu 5:48

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Loma 9:24

Coinega boda 'eluwa 'oidiyega 'ibwauwegita, tauma boda Yudiya ma 'omi tomiya ganamuli.

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

Pilipai 3:14

beno 'ebe masiina, Yehoba 'ana maisa galewa Yesu Keliso 'oinega.

Pilipai 3:20

Ma tauda hesi 'ida tupwa galewa, eema nage 'oinega 'ada To'abihetena, tauna 'ida Bada Yesu Keliso, 'abwa 'ihilama, ta tauna weyahina tayamwayamwa.

1 Tesalonaika 2:12

Ma wete 'alohatotowegomiya ma 'a'abihe waiwaiyegomiya, ta 'ahegwaegomi ma mumugami 'ibwebwe'ana, weyahina Yehoba bo'i 'ihesinuwegomiya 'ina 'ebeloina 'asi'asilalana weyahina.

1 Timoti 4:12

Tomota sahena sisinasinaligo weyahina 'abehega 'owa hewali tuwa, ma hesi 'ino gwae bwebwe'ana, ma 'ino paihowa bwebwe'ana, 'ino helau, 'ino hemisa, ma mumugau 'ehauna 'oidiyega 'owa 'ebe'ita taudi Yesu 'ana tohemisao 'oidiya.

2 Timoti 1:9

Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

Taito 3:8

Gwae bewa mabwaiyana gwae moisa, 'oinega 'uhewaiwai 'adi lohatoto 'oidiya, ma 'ane taudi Yehoba 'ana tohemisao gwaeyedi sihemisedi ma simuliyedi, ma paihowa bwebwe'adi sipaihowadi, bewa ginaula bwebwe'ana ta tomota 'adi 'ebelema.

Ibeliu 12:14

Watoho waiwai ma wamiya daumwala tomota ba'idamiyao, ta wete watoho ma 'imi mumuga 'ibwebwe'ana mabwaiyana, weyahina 'eguma taiya geya 'ina mumuga bwebwe'ana geya'abwa Bada 'i'ita'ita.

Ibeliu 13:5

Sahena wasawasa bale'uwa nuwami 'i'ewa'ewa, ta hesi wayaliyaya to'aha waloba pwaidiya weyahidi, ma sahena hali ginaula ma hali ginaula weyahidi wahehetapewa, weyahina Yehoba 'igwaeya, “Geya'abwa yanuwanuwa naidego. Geya'abwa ya'ebe'ebesinego. Geya!”

Yemesa 3:13

Ceguma taiya 'owa ma'ino sanapu, 'upaihowa bwebwe'ana ma'ino nuwadobi, ma tomota 'abwa si'ita ma sisanapu 'ino mumuga bwebwe'ana.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.

1 Pita 5:10

Yehoba tauna 'atemuyamuya huhuna ma 'ibwau pwaigita ma 'abehega 'ina wasawasa miyamiya hatayana 'oina tamiyamiya Keliso mahetedai. Ma 'imi muya tuta 'i'iunamo ma sigumwala, ma muliyetega Yehoba 'igihe 'ehaugomi ma 'igihepa'aligomi ma 'igihe waiwaiyegomi ma 'abehega wamiya bwebwe'ana.

1 Yoni 3:3

Cida hemisa nuwatuhu bewa weyahina, 'oinega mumugada tagihe'ehaudi, gidemusa Keliso.

Heꞌitaꞌita 3:7

Aneloseina totapwalolowedi Piladelipiya 'oina 'i'ita'itayahidi 'ina leta 'ulele mePiladelipiya weyahidi ma 'ugwae: Tetela bewa 'itauyama tauna bwebwe'ana ma dumwaluna 'oinega, ma wete tauna nimana kihiina mwalo Debida 'ina 'ebeso'eina 'i'abi'abiyahi, ma 'eguma 'ahwa'eda 'iso'e, geya 'eta taiya sawasawahina ma 'igudu, ma wete 'eguma 'igudu, geya 'eta taiya sawasawahina ma 'iso'e.

Heꞌitaꞌita 4:8

Ma 'aigeda 'aigeda pepediyao 'adi baibaiwa sikisi, ma pepediyaowedi mabwaiyadi matadi 'ebe 'ebubuna baibaiwadi 'atamanega ma 'alonega. Ma tuta mabwaiyana, sabwelo ma nihuwana 'oidiya, siwaliwali, sigwaegwae, “Casilala, 'asilala, 'asilala, Bada Yehoba Tohewaiwai. Tauna tuta mwalo ta bewa ta tuta 'inaonaoma 'oidiya 'imiyamiya.”

Heꞌitaꞌita 6:10

Ma yaluyaluwaedi 'enadi madounega sibwaubwau, sigwaeya, “Bada tohewaiwai hedade, 'owa 'ausalau ma todumwalu, to tuta 'oina eema 'ama tolohe'amasao bale'uwa 'uloinaedi 'idi puiyao weyahidi?”