1 Pita 1:13 - Loina Nuahuana

¹³ Coinega ginaula bewa weyahina 'imi nuwatuhu mabwaiyana wagihepa'alidi, ma wete 'imi hemisa walagu bwaibwainidi 'abehega tutaina Yesu Keliso 'ihapwesama 'ebe yaliyaya waloba Yehoba 'oinega.

1 Pita 1:13 ပူးပေါင်းရင်းမြစ်များ

Madiu 20:4

Coinega 'ibwauwedima ta 'igwaeya, ‘Comi wete watauya 'igu tanoha wapaihowa, ma 'imi paihowa 'ana maisa dumwaluna ya'ebwaegomi.’ Coinega sitauya tanoha.

Luke 12:35

“Coinega wa'atububu bwaibwaina ma 'ami 'wamao wa'otedi, ta wete ma'imi mayale 'asi'asilaladi ma wayamwayamwa,

Luke 17:30

“Ginauledi silatuwa 'oidiya, 'abwa wete gide tomota 'oidiya sida latu 'esa, beno tutaina taugu Loheyaiguina yahilama.

Luke 17:8

ma hesi 'ugwae, ‘Cagu 'u'atububu ma 'u'itayahigau ma ya'ai, ma 'oinega 'owa muliyetega 'u'ai ma 'unuma.’

Loma 13:13

Coinega ta'ita yahigita ma sahena we'aha waiwaina tanumanuma ma taheyauyaule, sahena wete talologwali, ma sahena wete tahe'ahwa panapanawa, nuwana tahe'upwa besobeso.

Loma 8:19

weyahina ginaula mabwaiyana Yehoba 'ipaihowediya siyamwayamwana, ma nuwanuwadi madouna 'abehega tauda natunaowedi 'i'abihe latuhegita ma si'itegita.

1 Kolinita 1:7

Ta wete Yehoba 'ina 'ebwaya bwebwe'adi mabwaiyadi 'oimiya simiyamiya, tuta bewa wayamwayamwana 'ida Bada Yesu Keliso 'ina latu hilama weyahina.

1 Kolinita 13:13

Ginaula madouna 'etoi simiya hataya, 'aigeda tahemisa, 'aigeda tanuweya, 'aigeda tahelau, ma mabwaiyadi 'oidiyega helau 'imadou hedadeya.

Epeso 6:14

Coinega watoholo ma he'ita moisa walogadiwane ma lumalumami wa'ausidi mumuga dumwaluna 'oinega,

Kolose 3:4

Weyahina yawasida bwebwe'ana Keliso 'oinega ta'eweya, 'oinega 'abwa tutaina Keliso 'ilatuma, 'omi wete Keliso ba'idamiu walatu 'ina 'asilala wasawasa 'oina.

2 Tesalonaika 1:7

Yahegwaegomi 'omi tomiya mwau, 'ida Bada Yesu galewega nata 'isulu mwayamwayauma, ma 'ina aneloseyao ta 'aiwe ganinisa wete 'i'eweyama, ma 'omi ma tauma 'ida 'aiyawasi 'i'ebwaegita.

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Ibeliu 10:35

Coinega 'imi hemisaina wa'abiyahi momosi ma sahena walologwahate, weyahina 'abwa 'imi hemisaina 'ana maisa 'ausala hedade waloba.

Ibeliu 3:6

Ma 'iyamo Keliso Yehoba 'ina hada 'ihetapewa, geya topaihowa gide, ta hesi tauna natuna moisa. Tauda taboi Yehoba 'ina hadaina tuwa, 'eguma tahemisa hataya ma'ida 'atepatu ta ma'ida yaliyaya.

Ibeliu 6:19

Cida nuwatuhu yahinaina gide 'ida loho waiwaina, ta 'oinega 'ale'o biliupa taluhubwale ma taluhu Yehoba 'ina 'ebemiya 'oina.

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

1 Pita 1:10

Bewa 'abihetenaina mwalo palopitao sihesilaleya ma sibeseya, eeta 'imi 'abihetenaina sigwae hemiseya ma 'abehega Yehoba 'i'ebwaegomi.

1 Pita 3:15

ma hesi 'atemiyega 'ida Bada Keliso wahe'asisiyane. Ma 'eguma taiya 'ihesilalegomi ma 'igwae, “To'aha weyahina 'uhemihemisa?” nata 'omi wagwaehila ma'imi hepwaila bwebwe'ana 'oidiya, ma ma'imi mumuga nuhana 'oinega wahegwaedi.

1 Pita 4:7

Muhemuhena ginaula mabwaiyana sigumwala. Coinega wa'itayahigomi ma 'imi nuwatuhuwao wagihepa'alidi, ma tuta baibaiwana wa'ahwa'ahwanoi Yehoba 'oina.

1 Pita 5:12

Cimi leta 'i'iuna bewa Sailasa 'ilemegauwa eeta yaleleya weyahimi. Tauna Sailasaina tahesaniyeya 'abehega tauna 'aigeda tasidai ma'ina hemisa. Coinega 'imi leta bewa 'oina nuwanuwagu ma Yehoba 'ina helau moisa yahepwaile 'oimiya, ma 'oina watoholo pa'ala.

1 Pita 5:8

Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.

1 Yoni 3:3

Cida hemisa nuwatuhu bewa weyahina, 'oinega mumugada tagihe'ehaudi, gidemusa Keliso.