1 Pita 1:10 - Loina Nuahuana

¹⁰ Bewa 'abihetenaina mwalo palopitao sihesilaleya ma sibeseya, eeta 'imi 'abihetenaina sigwae hemiseya ma 'abehega Yehoba 'i'ebwaegomi.

1 Pita 1:10 ပူးပေါင်းရင်းမြစ်များ

Madiu 13:17

Moisa, ginaula bewa wa'ebubudi ta wahesagohedi mwalo palopitao ma todumwaluwao nuwanuwadi madouna ma si'itadi bo sihesagohedi, ta geya silobadi.

Madiu 26:24

Taugu Loheyaiguina 'abwa yatautauya 'edaina mwalo Buki He'asisi 'oina sihepwaila nugeteya, ma hesi 'agu totebaina 'atemuyamuyaina, ma bwebwe'ana 'eguma mwalo sahena sinana 'ihehenatune.”

Luke 10:24

Yagwae moisa 'oimiya 'abehega mwalo palopitao ta toloinao baibaiwadi nuwanuwadi ma ginaulaedi si'itadi, ma hesi geya si'ita'ita, ta wete gwaeyedi wahesagohediya taudi wete nuwanuwadi ma 'abehega sihesagohedi, ta geya sida hesagohediya.”

Luke 24:44

Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Yoni 5:39

Yehoba 'ina buki wahasihasili. Ma wanuwatuhu 'abehega bukiina 'oinega yawasimi miyamiya hatayana wada loba. Ma hesi geya wasanapu 'abehega bukiina taugu tuwa weyahigu 'ihehegwaegwae.

Yoni 7:52

Coinega 'inapwanaowedi Nikodimo sihegwae hileya, “Nuwana 'owa Galili loheyaina, 'awa? Ma hesi 'eguma Buki He'asisi 'uhasili, nata 'usanapu 'abehega geya 'eta wete palopita Galili 'oinega 'itauyama.”

Paihowa 10:43

“Palopitao wete mwalona sihepwaila nugeteya 'abehega 'eguma taiyawedi Yesu 'oina sihemisa, nata 'idi puiyao Yehoba 'inuwasamudi Yesu tauna saninega.”

Paihowa 17:11

Mwalo Tesalonaika 'oina meYudiya genuwadi wasaina, ma hesi meYudiya Beliya 'oina 'idi tagwala bwebwe'ana, ma wasaina nuwadi 'i'eweya, 'oinega sabwelo 'aigeda 'aigeda Buki He'asisi sihasihasili ta 'abehega wasa bewa 'ana moisa sida sanapu.

Paihowa 28:23

Ma sabwelo siupaeya, ma boda madouna si'eto'autama Paulo 'ina hada, ma gonegonega 'ana siga 'iboi 'oidiya 'iguguya, Yehoba 'ina hetoloina weyahina, ta Mosese 'ina loina 'oinega, ma palopitao 'idi gwaeyao 'oidiyega, 'ihe'itediya Yesu weyahina, ta 'itohoya ma 'abehega 'i'abihe 'asilaladi.

Paihowa 7:52

Ma wete, tubumiyao palopita mabwaiyadi simumuga galagalaediya ma silohe'amasidiya, palopitaowedi taudi Todumwalu 'ina latuma sihepwaila nugeteya, 'oinega 'omi wete Todumwaluina watebaeya ma walohe'amasiya.

Ibeliu 11:13

Tomota nugenugetadiyedi ma'idi hemisa, ma hesi si'amasa ta gwae hemisaedi huwaidi geya sida lobeya, ta hesi tuwa bwagebwagega si'iteya ta siloyauwedowa weyahina, ma wete taudimo si'ahwa taumanaediya gide taumana tuwa tupwa bewa bale'u 'oina.

Ibeliu 11:40

ma 'iyamo 'ebe yaliyaya tauda weyahida Yehoba 'ihepwaila nugeteya, 'abehega taudi ba'idadao 'abwa tamiya bwebwe'ana.

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

1 Pita 1:13

Coinega ginaula bewa weyahina 'imi nuwatuhu mabwaiyana wagihepa'alidi, ma wete 'imi hemisa walagu bwaibwainidi 'abehega tutaina Yesu Keliso 'ihapwesama 'ebe yaliyaya waloba Yehoba 'oinega.