1 Kolinita 9:5 - Loina Nuahuana

⁵ Ma wete taudi tohepwailaedi ta 'ida Bada Yesu tasinao ta Pita wete, 'idi sakowasi 'oidiya mwanediyao sitoetoedi ma wa'itayahidi. Coinega taugu wete 'eguma yahai ma mamwanegu 'ada sakowasi, 'ilobwaineya ma ba'idagu wa'itayahimai.

1 Kolinita 9:5 ပူးပေါင်းရင်းမြစ်များ

Madiu 13:55

Ma wete sigwae, “Nuwana loheya bewa to'abi'abi hada natuna? Ma sinana Meli, ma tasinao Yemesa ma Yosepa ma Saimoni ma Yudasa,

Madiu 8:14

Coinega Yesu Pita 'ina hada 'iluhuwa, ma Pita lawana 'i'iteya 'ilohala, wahina 'iloyahiyahiya.

Maki 1:30

Ma Saimoni lawana 'ilohala weyahina wahina 'iyahiyahiya. Coinega Yesu sihemataluweya wahineina 'ana lohala weyahina.

Maki 6:3

Ma sigwaeya, “Loheya bewa to'abi hada tuwa. Ma sinana Meli, ma tasinao Yemesa ta Yosese ta Yudasa ta Saimoni, ta wete nuhunao ba'idadao tamiyamiya, 'awa?” Coinega Yesu silogwahateya.

Luke 6:15

ma wete Madiu ma Tomasi ma hali Yemesa, tauna Alipiyo natuna, ma wete hali Saimoni, tauna to'ala'ohe'ohe 'idi miyawasi Loma weyahina,

Luke 8:20

Ma gwaemo sihewasaeya, sigwae, “Bada, sinau ma tasimwao wa'italatu 'atamana sitotoholo, ma nuwanuwadi 'owa.”

Yoni 1:42

Eeta Anduluina tasina Saimoni 'itoeya ma mahetena sitauya Yesu 'oina. Ma Yesu Saimoniina 'i'ebubuya, 'ihegwaeya, 'igwae, “Cowa saniu Saimoni, tamau Yoni. Bewa tuwa saniu hauhauna yabwauwe Pita.” (Pita 'ana bui beno da'ule.)

Yoni 2:12

Hehaiina 'igumwala, ma Yesu sinana ma tasinao ma wete 'ana tomuliyao mahetenao sisuluwa Kapaneumi 'oina. Beno 'oina simiyamiya tupwana sabwelo 'oidiya.

Paihowa 1:14

Mabwaiyadi bewa sabwelo 'aigeda 'aigeda 'oina 'idi 'atetagwala 'oinega si'ahwa'ahwanoi Yehoba 'oina, wahiwahine mahetediyao, ma Meli tauna Yesu sinana, ma Yesu tasinao wete mahetediyao.

Loma 16:1

Nuwamiya yalagu nuhudai Pibe weyahina, tauna 'i'abi'abihetena 'asa Kenikiliya 'idi hekalesiya 'oina,

1 Kolinita 1:12

Eeta tupwami wagwae, “Tauma Paulo 'ina boda.” Ma tupwami wagwae, “Tauma Apolosa 'ina boda.” Ma tupwami wagwae, “Tauma Pita 'ina boda.” Ma tupwami wagwae, “Tauma Keliso 'ina boda.”

1 Kolinita 7:15

Ta 'eguma taiya 'owa mwaneu geya Yehoba 'oina 'ihemisa ma nuwanuwana ma 'isa'ilego, 'u'abisine ta sahena 'unuwanuwahi. Weyahina Yehoba nuwanuwana wamiya daumwala, ta genuwana he'ohe'ohe.

1 Kolinita 7:39

Ma 'eguma taiya wahine haihainina mwanena ba'idana sihe'aigeda pwaiya ta 'eguma loheya 'i'amasa, wahineina sawasawahina ma 'ihai hila. Ta hesi 'ilobwaineya Yehoba 'ina loheya 'aigeda mahetena sihai.

1 Kolinita 7:7

weyahina nuwanuwagu 'abehega geya'abwa wahaihai, gidemusa taugu geya yahai, ma hesi mabwaiyada 'ada loina hagana ma hagana Yehoba 'i'ebwae pwaigita, ma tupwama 'amiyamiya wewelohe ma'ima yaliyaya, ta tupwami wahaiya.

1 Kolinita 7:8

Coinega 'omi wewelohe ma hiwahiwape 'ami henuwalagu bewa, 'eguma geya wahai, nuwana bwebwe'ana tuwa gide wamiyamiya, taugu gidemusa.

Galetiya 1:19

Ma Keliso 'ana tohepwailao baibaiwadi geya ya'itadi. Beno tuwa Yemesa, tauna 'ida Badaina tasina.

1 Timoti 3:2

ma 'ana loina bewa: mumugana bwebwe'ana, mwanena 'aigeda tuwa, totoholo pa'ala ma'ina sanapu ta ma'ina he'asisi, ma tauna wete taumanao 'adi to'itayahi, ma wete tohe'ita bwebwe'ana,

1 Timoti 4:3

Cidi 'abowedi bewa gide 'abehega hai ginaula galana, ma wete 'e'ahai tupwadi 'adi 'ai si'ausidiya. Ma 'omi Keliso 'ana tohemisao he'ita moisa wasanapuya 'abehega Yehoba 'e'ahai mabwaiyana 'ipaihowediya 'ai weyahina, ma 'ane ma'ida loyauwedo ta'ai'ai.

1 Timoti 5:2

ma wahiwahine madoudi 'oidiya mumugau gide sinamwao, ma gumalaulau 'oidiya ma'ino nuwatuhu bwebwe'ana ma mumuga 'ausalana 'oidiyega 'u'ahwa nuhunedi.

Taito 1:6

Ta 'igu loina bewa tohanugetao 'adi hesinuwa weyahina, beno gide, to loheya 'eguma 'ina mumuga 'ausalana, ma mwanena 'aigeda tuwamo, ma natudiyao wasadi 'ane geya sida puiya, ta geya sida logwahata, ma hesi taudi ma'idi hemisa Yehoba 'oina.

Ibeliu 13:4

Mabwaiyami hai 'ana loina wahe'asisiye ma sahena wanuwanuwa 'ubuna, weyahina tolopuiyao ta tologwaliyao 'abwa Yehoba 'iloinedi.