1 Kolinita 9:18 - Loina Nuahuana

¹⁸ Beno tuwa yayaliyayamo weyahina tetela bwebwe'ana helauwega ya'ebwaegomi, ma hesi sahena yanuwanuwatuhu maisa weyahina.

1 Kolinita 9:18 ပူးပေါင်းရင်းမြစ်များ

Yoni 4:36

Ma hesi taiyawedi 'eguma 'e'etahiina 'oina si'etahi, nata 'adi maisa siloba. Tanohinaina 'e'etahinaina yawasi miyamiya hatayana weyahina. Tanohinaina 'ana todauna hagadi ma wete 'ana to'etahi hagadi, ma hesi mabwaiyadi nata 'idi yaliyaya mahemahetena.

Paihowa 18:3

ma taudi 'idi paihowa hebai 'wapidi 'oidiyega sisahisahila yoheyohe, gidemusa Paulo 'ina paihowa. Ta 'ihetaumana 'idi hada, ma mabwaiyadi yoheyohe sipaihowediya.

Loma 14:15

Bo nuwana 'eguma tupwadi 'iyadao sigwaeya 'abehega 'uibai tupwadi he'ahe'asisidi, ma 'eguma 'u'ai nata tomotaedi sinuwagala. Beno geya helau 'ana 'eda. Ma 'unuwatuhuyahi hesiyage 'abehega tomotaedi weyahidi Keliso 'i'amasa, ee 'oinega sahena ginaulaedi he'ahe'asisinidi matadiya 'u'ai'ai, nata gide 'u'abi hewe'adi.

1 Kolinita 10:33

Gidemusa taugu yatohotoho ma 'abehega sahena taugu 'igu nuwatuhuwega yapaipaihowa, ma hesi to'aha tomota 'idi nuwatuhu gide tuwa yapaihowa 'esa, ma siyaliyaya, ta 'oinega 'adi lema siloba Yehoba 'oinega.

1 Kolinita 3:8

Ma hesi 'abwa tauma tanoha 'ana topaihowao 'ama maisa 'aigeda 'aigeda 'ada loba gidemusa 'ima hetapewa 'ana madou.

1 Kolinita 7:31

ma wete gesowana bale'u bewa ginaulaedi weyahidi wanuwatuhu hedade, weyahina tuta 'i'iuna sisawala ma bale'u bewa 'igumwala.

1 Kolinita 8:9

Coinega 'e'ahai mabwaiyana sawasawahina ta'aidi, ma hesi wanuwatuhuyahi ma sahena 'ami he'ahe'asisiina wa'ai'ai tohekalesiyao we'awe'aidi matadiya, ma 'oinega wa'abi'abi hebe'udi.

1 Kolinita 9:12

Hali tohepwailao wahe'aidi, 'oinega 'ilobwainegomiya ma wete wahe'aimai. Tuwa 'a'alama'i'ita madouna, weyahina tabu ta 'ahohopa'ala 'oimiya ma Keliso tetelina walogwahate.

1 Kolinita 9:15

Ma hesi geya yahegwaegomi ma wahe'aigau, ma wete sahena 'imi letaedi yaleledi ma 'abehega wahe'aigau. Sahena yagwaegwae 'e'ahai weyahina. Ceguma gomaleyega ya'amasa, beno bwebwe'ana, weyahina genuwagu ma 'ami ya'ewadi.

1 Kolinita 9:17

Yehoba 'agu loinaina bewa 'ilaguya 'igu paihowa weyahina, ta geya taugu 'igu nuwatuhuwega, 'oinega sahena maisa yada 'ewa'ewa paihowaina weyahina.

2 Kolinita 4:5

Cima lohatoto geya tauma weyahima, ma hesi Yesu Keliso tauna 'ida Badaina weyahina, ma tauma 'imi topaihowao tuwa Yesu weyahina.

1 Tesalonaika 2:6

Ma wete ginaulaedi 'apaipaihowadi matamiya ma hali tomota matadiya geya tauma 'ama hepwatu weyahina, ma hesi 'omi 'ami lema weyahina.