1 Kolinita 9:17 - Loina Nuahuana

¹⁷ Yehoba 'agu loinaina bewa 'ilaguya 'igu paihowa weyahina, ta geya taugu 'igu nuwatuhuwega, 'oinega sahena maisa yada 'ewa'ewa paihowaina weyahina.

1 Kolinita 9:17 ပူးပေါင်းရင်းမြစ်များ

Galetiya 2:7

Moisa, tohanugetaedi Yehoba 'ina heguheguyai 'oima si'ita lobeya 'abehega taugu tetela bwebwe'ana yalologuguyae taudi toguguyou 'oidiya, ma Pita hesi meYudiya daisidimo 'oidiya 'ilologuguya.

1 Kolinita 3:8

Ma hesi 'abwa tauma tanoha 'ana topaihowao 'ama maisa 'aigeda 'aigeda 'ada loba gidemusa 'ima hetapewa 'ana madou.

Kolose 1:25

Eeta tohekalesiyao 'omi weyahimi taugu wete Yehoba 'ina loinega yahetopaihowa, ma 'oinega Yehoba 'ina gwae yahehepwaila latuhe.

1 Kolinita 4:1

Sowasowana ma wasanapumai 'abehega tauma Keliso 'ina topaihowao, weyahina tetelaina Yehoba 'oinega mwalo dahwadahwaina ma bewa tuwa 'ahehepwaile 'oimiya.

Madiu 10:41

Ma 'eguma 'owa palopita 'utoe 'ina hepalopita weyahina, 'abwa palopita 'ana maisa 'uloba. Ma 'eguma 'owa loheya 'ausalana 'utoe 'ina mumuga bwebwe'ana weyahina, 'abwa loheya bwebwe'ana 'ana maisa 'uloba.

1 Tesalonaika 2:4

Weyahina 'ima paihowa bewa Yehoba 'itagwala 'oima ma tetela bwebwe'ana 'ahepwaila latuweya, 'oinega 'ima hepwailaedi beno geya to'aha tomota nuwanuwadi, ma hesi to'aha Yehoba nuwanuwana. Eeta nuwatuhuwedi 'atema simiyamiya, bwebwe'adi bo galadi, Yehoba 'iboimo 'isanasanapu.

1 Kolinita 3:14

Taudi si'abi bwaibwaina 'adi maisa si'ewa.

Pilimoni 1:14

Ma nata geya yanuwanuwahi, weyahina 'owa 'ana toloina. Ma wete nuwanuwagu 'ino tagwala 'oiguwa helauwega 'upaihowa ma sahena 'igu he'i'ima 'oinega.

2 Kolinita 8:12

Sahena wagwaegwae ma wagwae, “Geya 'eta ginaula 'oima ma 'oinega 'ahelau.” Hesi tuwa wahetapewa ma to'aha 'oimiya 'imiyamiya 'oidiyega wahelau, ma Yehoba wa'abihe yaliyaya.

1 Kolinita 9:16

Cigu paihowa bewa tetela bwebwe'ana 'ana hepwaila weyahina, ma geya 'abehega paihowaina 'oinega 'agu hepwatu yaloba, weyahina bewa tuwa 'igu paihowaina, ta 'ilobwainegauwa ma yapaihowa. Ma 'eguma yaguipaila nata mwau madouna 'oiguwa 'ilatu.

Luke 12:42

Ta Yesu 'igwaeya, “Topaihowa bwebwe'adi ma sanasanapuidi mumugadi bewa gide, 'eguma taiya tauna 'ina bada 'ihesinuwe ma hada 'i'itayahi, ma 'iyanao 'adi 'i'ebwaedi sabwelo 'aigeda 'aigeda 'oidiya,

Madiu 24:25

Ma 'omi ginaula bewa weyahina yahepwaila nugeta pwaiya 'oimiya.

Yoni 4:36

Ma hesi taiyawedi 'eguma 'e'etahiina 'oina si'etahi, nata 'adi maisa siloba. Tanohinaina 'e'etahinaina yawasi miyamiya hatayana weyahina. Tanohinaina 'ana todauna hagadi ma wete 'ana to'etahi hagadi, ma hesi mabwaiyadi nata 'idi yaliyaya mahemahetena.

1 Kolinita 9:18

Beno tuwa yayaliyayamo weyahina tetela bwebwe'ana helauwega ya'ebwaegomi, ma hesi sahena yanuwanuwatuhu maisa weyahina.