1 Kolinita 7:31 - Loina Nuahuana

³¹ ma wete gesowana bale'u bewa ginaulaedi weyahidi wanuwatuhu hedade, weyahina tuta 'i'iuna sisawala ma bale'u bewa 'igumwala.

1 Kolinita 7:31 ပူးပေါင်းရင်းမြစ်များ

Luke 21:34

“Ma wa'itayahigomi ma sahena 'e'ahai ta numa we'aha waiwaidi 'oidiya watautauya hedade, ma wete sahena 'imi miya bale'uwa weyahina wanuwanuwatuhu hedade, 'amuge ma sabweloina 'oina Yehoba 'ilohe'ateyohogomi ta gide gomana 'oinega si'onegomi.

1 Kolinita 7:29

Weyahina tuta mwauna bale'u 'ihahoho pwaiya, ma 'omi mehaihai 'ilobwainegomiya mumugami gidemusa taudi geya sihai.

1 Kolinita 7:30

Ta 'omi todou wamumuga gidemusa taudi geya sida douwa, ta wete 'omi toyaliyaya wamumuga gidemusa tonuwagala. Wete 'omi tohegimwane wamumuga gidemusa wewelohedi,

1 Kolinita 9:18

Beno tuwa yayaliyayamo weyahina tetela bwebwe'ana helauwega ya'ebwaegomi, ma hesi sahena yanuwanuwatuhu maisa weyahina.

Ibeliu 12:27

Bewa gide 'igwae 'esa weyahina ginaula hehemasalahadi 'ida 'abinihuwedi, ma 'oinega ginaulaedi geya sipa'ala sida be'u, ma ginaula pa'alidi sitoholo hataya.

Yemesa 4:14

ma hesi geya wasanapu yawasimi 'ina tautauya gona weyahina, weyahina tauda tomota gidemusa hogahoga. Cihapwesa tuta 'i'iuna tuwa, ta wete 'ilohesawala hila.

1 Pita 1:24

Gidemusa tuwa Buki He'asisi 'ina hepwaila 'igwaeya, “Tomota mabwaiyadi gide modumodu ma 'idi wasawasao gide modumoduwedi hoyadiyao. Weyahina modumoduwedi muhemuhena ma si'amasa, 'oinega hoyadiyao wete siwelai.

1 Pita 4:7

Muhemuhena ginaula mabwaiyana sigumwala. Coinega wa'itayahigomi ma 'imi nuwatuhuwao wagihepa'alidi, ma tuta baibaiwana wa'ahwa'ahwanoi Yehoba 'oina.

1 Yoni 2:17

Ma bale'u bewa 'i'iunamo 'isawala, ma nuwatuhu bale'u tobwatobwanao weyahidi 'ilolagu, ma taudi hesi 'eguma Yehoba 'ina nuwatuhu sipaipaihowa simiya hataya.