1 Kolinita 7:17 - Loina Nuahuana

¹⁷ Cida paihowa Yehoba 'iheguyai pwaiya 'aigeda 'aigeda 'oida, 'oinega 'ebe paihowaedi 'oidiya tada miyamiya. Bewa gidemusa 'igu loina tohekalesiyao tupwa mabwaiyana 'oidiya.

1 Kolinita 7:17 ပူးပေါင်းရင်းမြစ်များ

Madiu 19:12

'abehega loheloheya tupwana 'idi li'u hohau 'oinega geya sawasawahina ma sihai, ma wete tupwadi loheloheya 'wawadi si'ewediya ma geya sowana sihai, ma tupwadi Yehoba 'ina loina weyahina siboidimo si'ausidiya ma sahena sihaihai. Ceguma taiya gwae bewa sawasawahina ma 'isanapu, ma'ina sanapu 'inuwasabwalena.”

1 Kolinita 10:32

Sahena hali tomota wa'abi'abi henuwagaladi, nuwana meYudiya, bo tomiya ganamuli, bo nuwana Yehoba 'ina tohekalesiyao.

1 Kolinita 11:16

Cada loina bewa gide, ma geya 'eta wete hali loina tohekalesiyao mabwaiyada 'oida, 'oinega sahena 'eta taiya loinaina weyahina 'igwaegwae hila.

1 Kolinita 11:34

Ma 'eguma taiya 'igomale, 'ina hada nobwa 'i'ai nugeta, ta 'oinega gesowana 'i'ai'ai hedade tapwalolo 'alona, tabu ma Yehoba 'igamwasowalegomi 'imi tapwalolo 'ana 'ita galana weyahina. Beno tuwa, loinaina weyahina. Ma hesi tupwana 'ami loina wete simiyamiya. Ceguma tutaina yanaowa loinaedi wete ya'abihe dumwaludi 'oimiya.

1 Kolinita 14:33

weyahina Yehoba 'iloiloina dumwaluwegita, 'oinega ma'ida yaliyaya talotapwalolo.

1 Kolinita 16:1

Ginaula 'aigeda wete, helau Yehoba 'ina tomotaedi Yelusalema 'oina 'adi lema weyahina. Mwalo meGaletiya 'idi helau weyahina yahegwaediya, 'oinega 'omi wete gidemusa wada paihowa 'esa,

1 Kolinita 4:17

Ma natugu Timoti yahewasaeyawa ma 'ane 'ihepwaile 'oimiya, 'igu hemisa Keliso 'oina weyahina, gidemusa tohekalesiyao yahe'itediya 'asa mabwaiyana 'oidiya, ta 'oinega sahena wanuwanuwa naidedi. Timotiina yahelauweya ma yahemiseya, weyahina 'ida Bada 'ina paihowa 'oina 'ihetapewa hedada, ma bewa tuwa 'inaonaowa 'oimiya.

1 Kolinita 7:18

Ceguma taiya 'owa gwama Yudiya ma meYudiya 'ida 'ila'ilala mwalo si'upweya 'wapiu ma muliyetega Yesu Keliso 'oina 'uhemisa, sahena 'unuwanuwagala meYudiya 'ida 'ila'ilalaina weyahina. Ta wete 'eguma geya 'ila'ilalaina 'oiuwa, geya'abwa 'upwaina 'u'ewa,

1 Kolinita 7:24

Ciyagwao, gesowana 'imi 'ebe miyaina walogwahatedi. Ceguma to'aha 'imi 'ebemiya tutaina Yehoba 'ibwauwegomiya ma wahekalesiya, 'ebemiyaedi tuwa 'oidiya wada miyamiya, Yehoba mahetemiu.

1 Kolinita 7:7

weyahina nuwanuwagu 'abehega geya'abwa wahaihai, gidemusa taugu geya yahai, ma hesi mabwaiyada 'ada loina hagana ma hagana Yehoba 'i'ebwae pwaigita, ma tupwama 'amiyamiya wewelohe ma'ima yaliyaya, ta tupwami wahaiya.

2 Kolinita 11:28

Ma wete sabwelo mabwaiyana 'oidiya yanuwanuwatuhu madouna tohekalesiyao tupwa baibaiwadi weyahimi.

2 Kolinita 8:18

Coinega wete tasidai 'aigeda Taito ba'idana 'ahetunediwa, tauna tologuguya 'aigeda wasa bwebwe'ana weyahina, ma sanina madouna tohekalesiyao 'oidiya,

Galetiya 1:22

Ta tutaedi 'oidiya Keliso 'ina tohekalesiyao Yudiya tupwanao 'oidiya manigu geya sida sanapuya.

1 Tesalonaika 2:14

Ma wete miya mwauna walobeya, gide wete taudi Yesu Keliso 'ana tohemisao tupwa Yudiya 'oina, weyahina tohekalesiyaowedi 'idi miyamwau silobeya taudimo 'idi tomotaiyao 'oidiyega, gide wete 'omi 'imi miyamwau walobeya waboi 'imi tomotaiyao 'oidiyega.

2 Tesalonaika 1:4

Coinega tohekalesiyao tupwa mabwaiyadi matadiya 'ahehepwatuwegomi, 'agwae, “Moisa taudi Tesalonaika to'alama'i'ita hedade. Bwagana 'adi 'alehao mwau madouna si'ebwaedi, ma tuwa ma'idi 'alama'i'ita ta wete ma'idi hemisa Yehoba 'oina.”