1 Kolinita 5:10 - Loina Nuahuana

¹⁰ ma hesi geya yaloiloina 'abehega tologwaliyedi ma tobwatobwa 'ana tohamwao ma toyagahao ma tolonabwasuwao walogwahatedi, weyahina bale'u bewa 'oina taudi gidemusa baibaiwa hedade, geya sawasawahida ta'ebesinedi.

1 Kolinita 5:10 ပူးပေါင်းရင်းမြစ်များ

Luke 18:11

Coinega Palisiina 'itoholowa ma 'i'ahwanoiya, 'igwae, ‘Yehoba yo, yaloyauwedo 'oiuwa weyahina taugu geya gide 'iyagwao mumugadi, weyahina taudi toyagaha hedade, ma 'abo'aboidi, ma lologwalidi, ma wete taugu geya gide takesi 'ana to'ewa nage.

Yoni 15:19

Ma 'eguma mumugami tomiya bale'u gidemusa tomiya bale'u sihelauwegomi, weyahina sisanapuya 'abehega 'omi 'iyadiyao. Ma 'iyamo sauga bewa 'oina, 'omi yahesinuwane pwaigomiya, 'oinega mebale'u 'oidiyega ya'ewa yahulegomiya. Eeta 'omi geya wete mebale'u 'idi boda 'oidiya wamiyamiya. Beno huhuna 'oinega mebale'u silogwahategomiya.

Yoni 17:6

“Tamagu, mumugau mabwaiyana yahe'ita pwaidiya taudi tomotaedi gogo gabulena 'oina 'u'ebwaegauwa 'oidiya. Ma wete 'enau mabwaiyana si'obigaiya, weyahina tomotaedi 'owa 'u'ebwaegauwa.

Yoni 17:9

Coinega bewa tuwa weyahidi ya'ahwa 'ahwanoiwa 'oiuwa. Ta geya 'abehega mebale'u weyahidi, ma hesi tomotaedi taudi 'u'ebwaegauwa weyahidi, weyahina taudi 'ino tomotaiyao.

Yoni 8:23

Ma Yesu wete 'ihegwaediya, 'igwae, “Comi gogo gabulena 'oinega walatuma, ma taugu hesiyage tabwanega yasuluma. Coinega 'omi moisa 'imi gogo bewa, taugu geya.

1 Kolinita 1:20

Coinega togidega taudi tosanapuwao bo nuwana tohe'itao? bo nuwana taudi tologuguyao bewa tuwa bale'uwa simiyamiya? Moisa, Yehoba 'idi sanapuina 'i'ahwa ginaula bwagabwagaediya.

1 Kolinita 10:27

Ta hesi 'eguma tomiya ganamuli 'aigeda 'ibwauwego ma 'utautauya 'ina hada ma 'au 'ilagu weyahiu, tuwa 'u'ai, ma sahena 'uhesilala to'aha mwalo 'ipaihoweya 'e'ahaiina 'oina, ta sahena wanuwanuwagala weyahina.

1 Kolinita 5:11

Ma bewa tuwa 'igu loina 'oimiya gide, 'eguma taiya 'ihekalesiya ma 'ilogwali, 'eguma tomata tobwatobwa, bo tolonabwasuwa, bo toheliya, bo tonuma bwasi waiwai, bo toyagaha, geya'abwa wa'ahwa 'iya'iyaguwe bo nuwana mahetemiu wa'ai.

1 Kolinita 5:9

Mwalona 'imi leta 'aigeda 'oina yahepwaila 'abehega geya'abwa topuiyedi mahetemiyao wa'ahwa 'iya'iyagu,

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Pilipai 2:15

ma hesi 'abehega 'omi Yehoba natunao bwebwe'ami ma 'ehaumi, ta geya wete 'imi galamo ma mebale'u 'idi mayale 'omi. Weyahina taudi 'idi mumuga guguyou ma galadi.

1 Yoni 4:5

Ma taudi mebale'u, ta mumuga bale'u weyahina sihehegwaegwae, 'oinega mebale'u baibaiwadi 'enadi sihesagoheya.

1 Yoni 4:7

Ciyagwao, sowasowana mabwaiyada tahelau hilegita, weyahina Yehoba helau huhuna, 'oinega tohelauwao taudi Yehoba 'ihenatunediya, ma taudi Yehoba 'ana tosanapuwao.

1 Yoni 5:19

Ma wete tauda tasanapuya 'abehega Yehoba 'ihenatunegita, ma bale'u mumugaina 'ana topaihowao mabwaiyadi topuiina 'ina bodao.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.