1 Kolinita 4:9 - Loina Nuahuana

⁹ Ta hesi bewa tuwa 'ana 'ita gide Yehoba 'ana tohepwailao tauma miya mwauna 'i'ebwaemaiya, gidemusa taudi paipaidi sabi lohe'amasidi, ma 'oinega aneloseyao ma loheloheyao ma ginaula mabwaiyana si'e'ebubumai.

1 Kolinita 4:9 ပူးပေါင်းရင်းမြစ်များ

Paihowa 19:29

Coinega tomota baibaiwadi sipili 'autama ma siwuiwui, ma hedagadaga besobeso sipaipaihowa, ta meMasidoniya 'eluwa si'abiyahidiya, taudi Paulo 'ina sakowasi 'oidiya 'ana to'wayabuwao, sanidi Geyo ma Alisitako, ta sipilihediya hada 'ebe 'eto'auta 'oina.

Paihowa 19:31

ta tupwadi wete Paulo 'iyanao, taudi meEsiya babadao, gwae sihewasaeya ta Paulo si'ahwanoiyeya ma 'abehega gesowana 'ida luhu hada 'ebe 'eto'autaina 'oina.

Loma 8:36

Mwauwedi weyahina Yehoba 'ina Bukiya 'aigeda gwae gide 'igwaeya, “Sauga mabwaiyana 'ebe 'amasa 'oina 'amiyamiya, gide guyai bawedi sabi lohe'amasimai, beno 'ino paihowa weyahina.”

1 Kolinita 15:19

Ta wete tauda Keliso 'ana tohepwailao nuwa'ole'oleda, 'eguma Keliso 'ina 'abihetena 'oida tuta bewa bale'umo weyahina, ta geya tuta 'inaonaoma 'ida 'amasa mulina weyahina.

2 Kolinita 11:23

Ceguma taudi Keliso 'ina hewahewaliyao bwebwe'adi, taugu 'ina hewali bwebwe'ana hedade. Cigu gwae bewa gide yauyauleigu. Cigu guibiga 'oinega yanugeta sinediya, 'igu luhu deliya baibaiwa hedade, 'agu sapiyao wete baibaiwana ta tuta mabwaiyana 'oidiyega 'abehega tuwa nata ya'amasa.

2 Kolinita 6:9

Tomota geya sisanapumai ma hesi Yehoba 'isanapumaiya. Tauma gide 'ama'amasima ma hesi yawasima 'ausalana. Si'abi'abi hegalemaiya ma geya silohe'amasimai.

1 Tesalonaika 3:3

ma 'ane sahena 'ami mwauwao 'oidiyega wawe'awe'a. Weyahina miyamwauwedi wasanapudiya 'abehega mabwaiyada talobalobadi.

Ibeliu 1:14

Ta anelose taudi yaluyaluwa tuwa ma tohalewasa, taudi Yehoba 'ilagudiya ta 'abehega si'abihetegita tauda taiyawedi 'eguma 'abihetena weyahina 'ihesinuwanegita.

Ibeliu 10:33

tutaina tupwana tomota si'abihedeba mwadinegomiya ma si'abihe muyamuyagomiya ta tuta tupwana mwalo 'iyamiyao ba'idamiyao wamuyamuya mahemahetena.

Ibeliu 11:36

Tupwadi wete 'adi 'alehao silotuyanediya, ma gulahega sihunuhunudi, ma wete deliya silagu luhuwediya ta sipaidiya.