1 Kolinita 4:8 - Loina Nuahuana

⁸ Cana 'ita geya bwebwe'ana weyahina wagwaegwae 'abehega wahewaiwai pwaiya, ma ginaula mabwaiyadi sowasowahimi, 'oinega wala'wemaiya. Moisa, nuwanuwagu ma wada hewaiwai ma tapwalolo 'oinega wada hewasawasa, ma 'oinega 'omi ma tauma tada hemahemahetena.

1 Kolinita 4:8 ပူးပေါင်းရင်းမြစ်များ

Madiu 5:1

Yesu boda madouna 'i'itediya, 'oinega 'i'ebesinediya ma 'ihaneya 'oyai ma 'imiyatoiya, 'oina, ma 'ina tomuliyao wete sihanema.

Luke 6:25

Ma taiyawedi 'omi bewa tuwa wamwausuwa, 'abwa wanuwagala weyahina 'i'iuna gomale madouna waloba. Ma wete 'eguma bewa tuwa wahehenama, 'abwa ma'imi nuwagala wadou.

Paihowa 26:29

Ma Paulo 'igwae hila, “Nuwana tuta to'uto'upana, bo nuwana tuta dudulena 'oina, 'owa ma taudi wete bewa 'oiguwa sihehesagoha, 'eguma mahetemwao wahe'wau'wau naowegau, beno 'ebe yaliyaya. Beno tuwa genuwagu ma balae bewa nimaguwa simiyamiya walobalobadi.”

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

1 Kolinita 4:18

Ta hesi tupwadi 'oimiyega sinuwatuhuya 'abehega taugu sahena yanaonaowa. Coinega sinuwanuwahane ma sigagagagasa.

1 Kolinita 5:6

Ma sahena wanuwanuwahane, ma hesi wanuwatuhuyahi 'abehega 'eguma puiina muhemuhena 'oimiya 'imiyamiya nata mabwaiyami 'i'abihe galegomi.

2 Kolinita 11:1

Cigu gwae bewa gide yauyaule yagwaegwae, ma hesi 'eguma wa'alama'i'ita, 'igu nuwatuhu yahepwaila latuwe 'oimiya.

2 Kolinita 13:9

Coinega 'ima we'ao 'oidiya 'ayaliyaliyaya 'eguma 'omi wahewaiwai, ma wete 'a'ahwa'ahwanoi Yehoba 'oina ma watoholo pa'ala bwaibwaina.

Galetiya 6:3

Ceguma taiya wewelohe, ma 'inuwatuhuya 'abehega tohewasawasa, 'iboinamo 'i'abo hileya.

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

Pilipai 2:12

Ciyagwao 'omi hematamatana lamuna. Mwalo mataguwa wahematamatana, ta bewa tuwa 'oimiyega yamiya bwaga, ma tuwa 'abwa wahematamatana moisa. Coinega 'ilobwainegomiya ma Yehoba wamataute ta wete watoho waiwai ma 'ina 'abihetena waloba,

Heꞌitaꞌita 3:17

“Ma 'omi wagwae, ‘Taugu tohewasawasa ta ginaula mabwaiyadi sawasawahigu,’ ma geya wasanapu 'abehega 'omi tuwa towewelohe, ma hesi nuwagalagalaimi, ma wete matagibugibuimi ma bugebugewami.

Heꞌitaꞌita 5:10

Weyahina 'owa 'uhesinuwediya ma 'abehega 'ino 'ebeloina 'alona sihetopwaoli Yehoba weyahina, ma wete bale'uwa sihetoloina.”