1 Kolinita 4:21 - Loina Nuahuana

²¹ Togidega 'imi nuwatuhu? Ma'igu loina pa'alina yanaowa, bo ma'igu helau ma ma'igu nuwabiga yanaowa? Waboi wahesinuwa.

1 Kolinita 4:21 ပူးပေါင်းရင်းမြစ်များ

1 Kolinita 4:18

Ta hesi tupwadi 'oimiyega sinuwatuhuya 'abehega taugu sahena yanaonaowa. Coinega sinuwanuwahane ma sigagagagasa.

1 Kolinita 5:5

Topuiina wa'ebwae Seitani 'oina ma 'abehega wahina 'i'abihegala ma 'oinega muliyetega 'ida Bada 'ina sabweloina 'oina loheyaina yaluyaluwana 'ida 'abihete.

2 Kolinita 1:23

Bewa Yehoba 'isanapuya yagwaegwae moisa 'abehega mwalo geya yabo'enegomi 'imi tupwa Kolinita 'oina weyahina geya nuwagu ma yaloina pa'alegomi 'imi mumuga galana weyahina.

2 Kolinita 10:6

Coinega 'eguma tutaina wahematamatana bwaibwaina, taudi tologwahataowedi 'adi loina 'oidega siloba.

2 Kolinita 10:8

ta loina Yehoba 'i'ebwaemaiya sabi 'abihetegomi ma hesi geya sabi 'abihegalegomi, ma 'eguma yagwaehane hedade 'igu loinaina weyahina, sahena wete 'ebedeba mwadina yalobaloba.

2 Kolinita 12:18

Mwalo Taito yaloineya ta tasidai 'aigeda ba'idana yahesumanediwa 'oimiya. To'aha Taito 'ina 'abo 'oimiya? Taito ma taugu 'ima nuwatuhu ta 'ima mumuga 'oimiya mahemahetena 'awa?

2 Kolinita 13:10

Cimi leta bewa bwagega yalelediwa ma 'eguma tutaina yatauyawa sahena yaloiloina pa'ala 'oimiya, weyahina loinaina 'ida Badaina 'i'ebwaegauwa geya sabi 'abihegalegomi, ma hesi sabi 'abihe waiwaiyegomi.

2 Kolinita 13:2

Mwalo 'igu habo'ena heluwena 'oina 'imi topuiyedi ma baibaiwami yalohatotogomiya, gidemusa tuwa bewa bwaga yamiyamiya ma yahenuwa laguwegomi 'abehega 'eguma yatauya hilawa 'oimiya loina mwauna ya'ebwaedi topuiyedi mwalo ma tupwadi wete ba'idadiyao.

2 Kolinita 2:1

Moisa, tutaina mwalo yanuwatuhuya 'abehega sahena yabo'ebo'enegomi ma yaheheliyegomi ta debamwadina ya'ebwa'ebwaegomi 'iyamiuina 'ina mumuga galana weyahina. Beno namo 'imi leta yaleleyawa.

2 Kolinita 2:3

Ma 'imi letaina yaleleyawa ma'igu 'atemuya ma ma'igu nuwagala ma 'igu dou, ma 'oinega tutaina 'eguma yabo'enegomi wa'abihe yaliyayegau, ma sahena yanuwanuwagala, ma hesi mabwaiyami yahemisaegomiya ma yanuwatuhu yahiya 'abehega taugu 'igu yaliyayega 'omi wete wayaliyaya. Coinega 'imi letaina yaleleyawa, geya 'abehega ya'abihe nuwa galegomi ma hesi 'igu helau madou hedade 'oimiya wasanasanapu.

2 Kolinita 3:10

Wete loina miyamiyana 'ina 'asilala 'ana 'ita gide sawasawalina, ma hesi loina hauhauna 'ina 'asilala bwebwe'ana hedade.

Galetiya 6:1

Ciyagwao, 'eguma tasidai 'aigeda 'ina pui 'oinega 'ibe'u, 'omi yaluyaluwami pa'alidi watoho ma tasidaina wa'abihedumwalu hila, ma hesi ma'imi mumuga nuhana, ma waboimo wa'itayahigomi nata gide 'omi wete wabe'u.

1 Tesalonaika 2:7

Moisa, tauma Keliso 'ana tohepwailao, sowasowana 'ahetoloina 'oimiya, ma hesi geya. Mumugama 'oimiya ma'ima wahinuha, gide wahine natunao 'oidiya ma'ina wahinuha.

Yemesa 3:17

Ta 'eguma taiya 'ina sinasinapu galewega 'itauyama, tauna 'ina mumuga nugeta 'ehauna, ta wete nuwadaumwala, ma mumuga nuhanuhana, ma he'iya'iyagu ma 'atemuyamuya, ta 'abehega wete huwaidi bwebwe'adi silatulatu, ta geya 'iyanao 'ida lososomanediya, nuwana 'ida 'abowediya.