1 Kolinita 4:14 - Loina Nuahuana

¹⁴ Gwae bewa yaleleyawa geya 'abehega ya'abihedeba mwadinegomi, ma hesiyage sabi hedumwalugomi gide natugwao moisa 'omi.

1 Kolinita 4:14 ပူးပေါင်းရင်းမြစ်များ

Paihowa 20:31

Coinega walomatayahi ta wete 'igu guguya wanuwatuhuyahi, 'abehega bolime 'etoi geya ya'aiyawasi, sabwelo ma hinuwana 'oidiya, ma hesi mamataneugu yaguguguguya 'aigeda 'aigeda 'oina.

1 Kolinita 15:34

Nuwana tupwami Yehoba wahenainaideya. Bewa 'ebe debamwadina 'oimiya, 'oinega 'ilobwainegomiya ma wada sanapu, ma mumuga galana walolagu.

1 Kolinita 4:15

Moisa, 'imi tohe'itao boda hedada Keliso 'ina 'eda'edao weyahina, ma yaboigumo tuwa tamamiu, weyahina tetela bwebwe'ana 'ana guguya 'oinega ya'ewegomiya Yesu Keliso 'oina.

1 Kolinita 4:17

Ma natugu Timoti yahewasaeyawa ma 'ane 'ihepwaile 'oimiya, 'igu hemisa Keliso 'oina weyahina, gidemusa tohekalesiyao yahe'itediya 'asa mabwaiyana 'oidiya, ta 'oinega sahena wanuwanuwa naidedi. Timotiina yahelauweya ma yahemiseya, weyahina 'ida Bada 'ina paihowa 'oina 'ihetapewa hedada, ma bewa tuwa 'inaonaowa 'oimiya.

1 Kolinita 6:5

Beno ginaula 'ebedeba mwadina. Ma hesi 'eguma taiya 'oimiyega nuwanuwana ma 'iyana mahetena siyatala, 'ilobwainediya ma 'aigeda tosanapu boda hekalesiya 'oinega si'ebesa ma tauna yatalaina 'iloina.

1 Kolinita 9:15

Ma hesi geya yahegwaegomi ma wahe'aigau, ma wete sahena 'imi letaedi yaleledi ma 'abehega wahe'aigau. Sahena yagwaegwae 'e'ahai weyahina. Ceguma gomaleyega ya'amasa, beno bwebwe'ana, weyahina genuwagu ma 'ami ya'ewadi.

2 Kolinita 11:11

Ma to'aha huhuna? Nuwana 'igu gwae bewa weyahina ta yalogwahategomiya? Sahena! Yehoba 'isanapu bwaibwainigauwa yahelauwegomiya.

2 Kolinita 12:19

Ciyagwao, sahena wanuwanuwatuhu 'abehega 'igu gwae bewa 'oidiyega ya'ahwa bwebwe'anegau matamiya. Geya, ma hesi mabwaiyana Yehoba matana Keliso 'ina gwae yagwaegwaeneyawa sabi 'abihe waiwaiyegomi.

2 Kolinita 7:3

Cigu gwae bewa geya sabi heliyegomi, weyahina nuwama wa'ewa pwaiya, mwalo gide yahegwaegomiya ma 'abehega 'omi ba'idagwao tamiya 'ama'amasa.

Kolose 1:28

Tauna Kelisoina 'ahehepwaile, ma'ima sanapu moisa 'aloguguya ta 'ahehe'ita tomota mabwaiyami 'oimiya, ma 'abehega Keliso 'ana tohemisao 'omi ma 'a'abilatuhegomi mamumugami mabwaiyana bwebwe'ana ta matuwana.

1 Tesalonaika 2:11

Weyahina mabwaiyami 'a'itayahigomiya, gide tuwa loheya natunao 'i'ita'itayahi 'esedi.

1 Tesalonaika 5:14

Ma 'iyamayao, sowasowana wete tolowahi'watao walohatotodi, wete to'ateyoho wa'abihe 'atepatuwedi, ma wete towe'a wa'abihetedi, bewa ginaulaedi 'alama'i'itega wapaipaihowadi.

2 Tesalonaika 3:14

Ceguma taiya he'itaedi 'imi leta bewa 'alonega 'isinalidi, loheyaina wa'ebesine, ma 'oinega 'ina paihowaina 'oina debana 'imwadina,

Pilimoni 1:10

beno ya'ahwanoiyego natugu Onesimo weyahina, tauna 'ima miya deliya 'oinega ya'ahwa natuneya, 'ina hemisa Keliso 'oina weyahina.

1 Yoni 2:1

Cae natugwao, 'imi leta bewa yaleleyawa ma 'oinega geya sowana pui wapaipaihowa. Ma 'eguma tapui, Yesu Keliso tauna todumwadumwalu 'i'ahwanoi weyahida, Tamada 'oina,

3 Yoni 1:4

Bewa 'igu 'ebe yaliyaya madouna 'eguma natugwao wasadi yahesagohe 'abehega 'eda dumwadumwaluna 'oinega sitautauya.