1 Kolinita 4:12 - Loina Nuahuana

¹² Tauma nimamega 'apaipaihowa, ma 'eguma taiyewedi si'ahwa galagalaemai gwae helauwega 'ahemaisadi, ma wete 'eguma si'abi hemuyamuyaemai tuwa 'a'alama'i'ita.

1 Kolinita 4:12 ပူးပေါင်းရင်းမြစ်များ

Madiu 5:11

Ma 'eguma weyahigu tomota siloloheliwegomi, si'ale'alehegomi, ma 'idi 'abowega si'ahwa galegalegomi, wayaliyaya tuwa.

Madiu 5:44

Ma taugu yahegwaegomi 'ami 'alehao wahelauwedi, ma taudi si'abi hemuyemuyegomi weyahidi wa'ahwanoi Yehoba 'oina ma 'i'abihetedi.

Luke 23:34

Coinega Yesu 'igwaeya, “Tamagu yo, 'idi pui bewa 'unuwasamudi, weyahina geya sisanapu to'aha sipaipaihowa.” Ma tolo'alehaowedi Yesu 'ana 'wama si'eweya, ta 'oinega si'eheyaheyaleya, tuwa gide siulahesinuwa, ma 'oinega 'eguma taiyawedi sinugeta 'wamaedi si'ewadi.

Luke 6:28

ma wete taudi si'ahwa'ahwa galegalegomi wa'ahwa bwebwe'anedi, ma taudi silolo'alehegomi weyahidi wa'ahwa'ahwanoi ma Yehoba 'i'abihetedi.

Yoni 15:20

“Gwaeyedi ya'ebwaegomiya wanuwatuhuyahi pa'alidi, tutaina yagwaeya 'abehega geya 'eta topaihowa sowasowahina ma 'ina 'inapwana 'ihanesine. Weyahina taugu mwalona gide silo'alehegauwa, 'oinega 'omi nata wete gide silo'alehegemi. Ma 'eguma mwalona 'igu gwae sida muliyaediya, 'omi wete gide 'imi gwae nata simuliya.

Paihowa 18:3

ma taudi 'idi paihowa hebai 'wapidi 'oidiyega sisahisahila yoheyohe, gidemusa Paulo 'ina paihowa. Ta 'ihetaumana 'idi hada, ma mabwaiyadi yoheyohe sipaihowediya.

Paihowa 20:34

ma hesi wasanapu pwaigauwa 'abehega taugu 'igu paihowega 'aguwa ta 'igu tobwatobwa yalobedi, ta 'igu 'ali'eyao wete ya'abi'abihetedi.

Paihowa 7:60

Ta 'i'ahetulasa, 'ibwau 'enana madounega, 'igwaeya, “Bada yo, 'idi mumuga galana bewa geya'abwa 'uhehemaise 'oidiya.” Cina gwaeina 'igumwala, ta yawasina 'igumwala.

Loma 12:14

Ma 'eguma taiyawedi siguipailegomi geya sowana waheheliyedi, ma hesi wagwae helau 'oidiya.

Loma 12:20

Ma 'eguma 'ami 'alehao sigomale 'e'ahai wa'ebwaedi, bo 'eguma tani'odi 'iyahala we'aha wa'ebwaedi, eema 'ane 'idi puiyedi weyahidi sideba mwadina ma sinuwabui.

Loma 8:35

Coinega geya 'eta ginaula sowasowahina ma Keliso 'ina helauina 'oidega 'i'ewa yahule, mwauwedi gidemusa muya bo woya bo gomale bo hewewelohe bo hesilae ma wete 'amasa.

1 Kolinita 9:6

Taugu ma Banaba geya hesi 'oima gidemusa wada paihowa 'esa. Tauma 'aboi 'a'ita'ita yahimai, 'ima paihowa 'ana maisa 'oidiyega.

2 Kolinita 11:8

Cana 'ita gide yayagayagaha hali hekalesiyao 'oidiyega, weyahina mane si'ebwaegauwa ma 'abehega 'omi weyahimi yapaihowa.

Epeso 4:28

Toyagaha 'ilobwainediya ma silolagu, ma hesi paihowa bwebwe'ana nimadiyega sida paihowadi ma paihowaina 'ana maisa 'oinega lema sida 'ebwa'ebwaya towewelohe 'oidiya.

1 Tesalonaika 2:9

Ciyamayao, wanuwatuhuya mwalo 'ima paihowa 'oimiya, sabwelo ma nihuwana 'oidiya 'apaipaihowa sinabwana, ta 'oinega taumamo 'ahehe'aimai, ma wete Yehoba tetelina 'ahehepwaila 'oimiya, weyahina geya nuwama 'ami mwau 'alagu 'ama 'itayahina weyahina.

2 Tesalonaika 3:8

Gide wete tauma 'aboi 'amega 'ahehe'aimaiya, nihuwana ma sabwelo 'oidiya 'apaipaihowa. Weyahina geya nuwama ma 'ami mwau 'alagulagu, 'e'ahai weyahina.

1 Timoti 4:10

Weyahina tuta bewa 'oina ma'ida hetapewa ma ma'ida guibiga, Yehoba tahehemise tauna 'iboimo miyamiya hatayana, tomota mabwaiyadi 'adi To'abihetena, 'eguma sihemisae. Eeta 'ida nuwatuhuyahina 'oina talaguya ma 'ane 'i'abihetegita.

1 Pita 2:23

Ma tutaina si'ahwa galagalaeya geya wete 'oidiya 'ihe'isa, ma wete si'ehemuyeya, geya wete 'igamwasowaledi, ma hesi Yehoba 'ihemiseya moisa, weyahina tauna Toloina dumwadumwaluna.

1 Pita 3:14

Ma geya'abwa tomota wamatamatautedi bo nuwana wanuwanuwa mwau 'oidiya, ma hesi wayaliyaya, 'eguma ginaula bwebwe'ana wapaipaihowa ma si'ehe'ehe muyegomi,

1 Pita 3:9

Ma 'eguma tupwadi 'oimiya sipaihowa galana, geya'abwa 'oidiya wahehemaisa, ma 'eguma wete siheliyegomi geya'abwa waheheliyedi. Ma hesi wahemaisedi gwae bwebwe'ana 'oidiyega, weyahina Yehoba 'igwae hemisa pwaiya 'abehega 'ihelauwegomi, 'eguma 'omi gwae bwebwe'anega 'oidiya wahemaisa.

1 Pita 4:19

Coinega 'eguma 'omi Yehoba 'ina nuwatuhu 'oinega muya walobalobadi, yawasimi watagwaledi tauna 'oina, ma 'ane 'i'itayahigomi, weyahina tauna 'ada Topaihowa bwebwe'ana moisa, ma 'omi wete gidemusa wamumuga bwebwe'ana.

Yude 1:9

Ma aneloseyao 'idi tohanugeta Maikeli mwalohene 'ihe'ahupanapanawa Seitani 'oina, Mosese wahina weyahina, ma Maikeliina geya Seitani 'i'asone, ma hesi tuwa 'igwaeya, “Bada 'i'ausigo.”