1 Kolinita 3:10 - Loina Nuahuana

¹⁰ Weyahina Yehobaina 'ihelauwegauwa ma 'ihesumanegauwa ma 'abehega 'ina to'abi hada, 'oinega 'ohola yalagu bwaibwainidiya ma 'oinega tupwadi topaihowa 'oholaedi 'oidiya ma si'abi, 'ilobwainediya ma sida 'abi bwaibwaina.

1 Kolinita 3:10 ပူးပေါင်းရင်းမြစ်များ

Madiu 24:45

“Topaihowa 'ausaladi ma sanasanapuidi 'idi mumuga bewa gide: Ceguma taiya tauna 'ina bada 'ihesinuweya ma hada 'i'itayahi ma topaihowao 'adi 'e'ahai 'i'ebwaedi sabwelo 'aigeda 'aigeda 'oidiya,

Madiu 7:24

Cigu gwae bewa 'eguma taiya 'ihesagohedi ma 'ihematamatanedi, tauna gide 'aigeda tohada'abi sanasanapuna, 'ina wahuwahu dimwa 'oina 'i'abiya,

Luke 11:35

Coinega 'u'itayahigo tabu ma 'ino 'asilalaina 'iguguyou.

Luke 21:8

Ta Yesu 'oidiya 'igwaeya, “Wa'itayahigomi 'amuge ta tomota tupwadi si'abowegomi, weyahina 'abwa tomota tupwana baibaiwana saniguwega sinaoma ma 'abehega sinugeta puiyegomi, ma 'aigeda 'aigeda 'igwae, ‘Taugu To'abihetena,’ ma tupwadi wete sigwae, ‘To'abihetenaina 'ina tuta 'i'ehohoyama.’ Ma hesi sahena taudi 'enadi wamulimuliyedi.

Paihowa 18:27

Muliyetega Apolosa nuwanuwana ma 'ihabala Akaya, ta tohekalesiyao silemeya, ta Yesu 'ana tohemisao Akaya 'oina 'idi leta sileleya, ma Apolosa si'ebwaeya ta 'eguma to tuta Akaya 'oina 'ilatu 'idi leta 'i'ebwaedi ma sitoe 'idi hada. Coinega Apolosa 'ihabala ta 'iluhuwa Akaya 'oina, ma taudi meAkaya, mwalo Yehoba 'ina helauwega Yesu sihemisaeya, ma 'iyamo Apolosaina 'ina guguyega 'ilemedi madouna,

Loma 1:5

Yesu Kelisoina tauna 'ihelauwegauwa ma 'ihesinuwegauwa 'abehega yahepwaila weyahina 'asa ganamuli mabwaiyadi 'oidiya, eema 'abehega sitagwala 'oina ma saninega sihemisa.

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

Loma 15:15

Ma 'imi leta bewa ma'igu 'atepatu ya'etoladiyawa ma 'ane tupwadi ginaula wanuwatuhu yahidi, weyahina 'igu paihowaina Yehoba 'i'ebwaegauwa,

Loma 15:20

Nuwanuwagu tupwa 'ehaudimo 'oidiya yaloguguya nugeta, 'asaedi taudi geya Keliso wasana sihesagohe, weyahina geya nuwagu hali tologuguyao 'idi paihowa yaloheposeyane.

1 Kolinita 3:11

Cida 'oholaina 'imiyamiya, tauna Yesu Keliso, 'oinega geya sowasowahina ma hali 'ohola tahetoholo.

1 Kolinita 9:2

Coinega wasanapugauwa taugu Yesu 'ana tohepwaila moisa. Ma tupwana tomota silomugiyegauwa 'abehega taugu geya Yesu 'ana tohepwaila. Ma geya! Comi wanuwatuhuyahi taugu 'igu lohatotowega 'ida Badaina 'oina 'imi hemisa walaguya.

2 Kolinita 10:15

Geya 'abehega hali tomota 'idi paihowa 'oimiya weyahina yagwae hane, taugu tuwa 'igu paihowa weyahina, ma yanuwatuhu yahiya 'abehega 'eguma 'imi hemisa 'imadou, nata 'igu paihowa 'oimiya wete 'imadou hedade,

Epeso 2:20

Comi wete si'abigomiya, 'oinega tauda gide tuwa hada, ma Yesu Keliso tauna 'ida wahuwahu, tauna 'oina logidi madoudi beno Yesu 'ana tohepwailao ma palopitao,

Kolose 1:29

Bewa weyahina yahehetapewa, ta yahewaiwai, tauna 'ina waiwai nuwaguwa 'i'ebwaegauwa 'oinega.

Kolose 4:17

Ma Alikipo wahegwae 'abehega, “Paihowaina Badaina 'i'ebwaegowa 'uhetapewa ma 'ulosalohi.”

1 Tesalonaika 3:2

Coinega 'iyadaina Timoti yahesumaneyawa, weyahina tauna wete 'aigeda 'ima boda Yehoba 'ina paihowa Keliso tetelina weyahina, 'iyadaina yahesumaneyawa ma 'ane 'i'abihe waiwaiyegomi ma Keliso 'oina wahemisa moisa,

1 Timoti 4:16

Timoti, 'u'itayahigo, tuta mabwaiyana 'uhe'ita moisa, ma 'ane Yehoba 'owa ma 'ino tohesagohaowedi ba'idamwao 'i'abihetegomi.

2 Timoti 2:15

Coinega wete 'uhetapewa ma tetela bwebwe'ana 'ana he'ita moisa weyahina 'uguibiga ma 'ane 'owa Yehoba 'ina topaihowa bwebwe'ana, wete 'abwa 'eguma matana 'ulatu 'ihepwatuwego.

Yemesa 3:1

Tasigwao, sahena watohotoho ma baibaiwami wahetohe'ita, ma wasanapu 'abehega 'eguma tahe'ita ma geya tapaihowa, 'abwa Yehoba 'ihetalaegita.

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.

2 Pita 3:15

Ma wanuwatuhuyahi 'abehega 'ida Bada 'ina he'alama'i'ita huhuna 'abehega nuwanuwana ma 'ada 'abihetena taloba. Paulo 'iyadaina moisa, ma nuwatuhu bewa weyahina Pauloina 'oimiya 'ilele pwaiya ma'ina sanapu Yehoba 'oinega 'ilobeya.

Heꞌitaꞌita 21:14

Casaina madouna si'abiya wahuwahu 'aigeda bwebwe'ana 'oina, beno dimwa tuwelo pa'alidi tabwadiya, ma dimwaedi 'oidiya Lami 'ana tohepwaila tuwelowedi sanidiyao silelediya.

Heꞌitaꞌita 21:19

Casaina 'ana wahuwahu dimwanao, dimwa wasawasao ma namanamalidi 'oidiyega sihepaseya.