1 Kolinita 2:8 - Loina Nuahuana

⁸ Ta gogo gabulena bewa 'ana toloinao sanapuina geya sisanasanapu, ma 'eguma nuwana sida sanapu nugeteya, sahena 'ida Bada galewega silolohe'amasi kelose 'oina.

1 Kolinita 2:8 ပူးပေါင်းရင်းမြစ်များ

Madiu 11:25

Tuta nage 'oina Yesu 'igwaeya, “Yauwedo Tamagu, 'owa galewa ma bale'u 'adi toloina, sanapu bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya.

Madiu 13:22

“Ma patuwedi talitali 'oidiya sibe'uwa, taudi tetela bwebwe'ana sihesagoheya, ma hesi 'idi nuwatuhu bale'u weyahina ma wete wasawasa 'ana nuwatuhuwao, ma nuwatuhuwedi tetela bwebwe'ana silohe'amasiya, ta geya sawasawahina ma sihuwa.

Luke 23:34

Coinega Yesu 'igwaeya, “Tamagu yo, 'idi pui bewa 'unuwasamudi, weyahina geya sisanapu to'aha sipaipaihowa.” Ma tolo'alehaowedi Yesu 'ana 'wama si'eweya, ta 'oinega si'eheyaheyaleya, tuwa gide siulahesinuwa, ma 'oinega 'eguma taiyawedi sinugeta 'wamaedi si'ewadi.

Yoni 16:3

Cidi paihowaedi galadi nata 'oimiya sipaihowadi weyahina Tamagu ma taugu geya sisanapumai.

Yoni 7:48

Ma hesi wada sanapu 'abehega geya 'eta taiya 'inapwanao 'oidiyega bo wete tauma Palisiyao 'oimega Yesu 'ihemisae.

Yoni 8:19

Coinega sihesilaleya sigwae, “Tamauina ta'eha 'imiyamiya?” Ma Yesu 'enadi 'ihemaiseya, 'igwae, “Geya wasanapugau, 'oinega Tamagu wete geya wasanapu. Ma 'eguma moisa wada sanapugauwa, Tamagu wete wada sanapuya.”

Paihowa 13:27

Ta Yelusalema 'ana tomiyao, ma 'idi babadao, To'abihetenaina geya sisanapu, ma wete palopitao 'idi hepwailao Sabati 'aigeda 'aigeda sihasihasili totapwalolo 'oidiya, ma hesiyage geya sisanasanapudi, ta hesi To'abihetenaina sitebaeya, 'oinega palopitao 'idi hepwaila nugetao mwalona hene 'adi moisa tuta bewa si'abilatuheya.

Paihowa 7:2

Ma Sitibeni 'igwae, “Tasigwao ma tamagwao, 'igu gwae bewa wahesagohe. Yehoba tomiya hane hedada mwalohene tubudai Ebalahamo 'oina 'ilatuwa, tutaina Mesopotemi 'oina 'imiyamiya, ma 'abwa geya 'i'asa'asaliya Helana 'oina,

1 Kolinita 1:20

Coinega togidega taudi tosanapuwao bo nuwana tohe'itao? bo nuwana taudi tologuguyao bewa tuwa bale'uwa simiyamiya? Moisa, Yehoba 'idi sanapuina 'i'ahwa ginaula bwagabwagaediya.

1 Kolinita 2:6

Sanapu moisa Yehoba 'oinega yahehepwaile tohemisa pa'alidi 'oidiya, ma hesi geya gogo gabulena bewa 'ana sanapu bo toloinao bewa tuwa 'idi sanapu, taudi simiyamiya tuta to'uto'upana tuwa.

2 Kolinita 3:14

Moisa, meIsileliyedi nuwa potapotadi, mwalohene ta nige, weyahina 'abwa tuwa bewa 'eguma loina miyamiyana 'ana hasila sihesagohe, nuwadi sitala 'au'ausidi 'idi nuwa potepotega, ma sahena sinuwanuwa sabwalena, ma Keliso 'iboimo sowasowahina tala'ausina 'i'ewa yahuledi.

Epeso 1:17

Ma 'igu 'ahwanoi weyahimi 'abehega 'ida Bada Yesu Keliso 'ina Yehoba, tauna Tamada ta Tohewasawasa madouna, 'igihesanapugomi, ma tauna wada sanapu bwaibwaini,

Epeso 4:18

'idi sinasinapu siguguyouwa, ma geya Yehoba yawasina 'oidiya 'imiyamiya, weyahina 'idi debapa'ala 'oinega siheyauyaule pwaiya.

1 Timoti 1:13

Mwalo geya gide, ma hesi Keliso ya'ahwa galagalaeya ma 'ina bodao yalosahiyediya, ma tuwa Yehoba 'isanapuya 'abehega ginaula galadi taugu yapaihowediya 'igu henuwa potapota 'oinega, ma wete geya yahemisa, 'oinega 'i'atemuyemuyegauwa.

Yemesa 2:1

Cae tasigwao, 'omi 'ida Bada Yesu Keliso 'ana tohemisao, tauna tobwebwe'ana 'iya, 'oinega sahena 'imi hesinuwa tohewasawasao 'oidiya walagulagu.