1 Kolinita 2:4 - Loina Nuahuana

⁴ Ma wete 'igu guguya 'oimiya geya gwae waiwaidi nuwana sanapu 'oidiyega, ta hesi Yaluyaluwa Tabuna 'ina waiwaiyega.

1 Kolinita 2:4 ပူးပေါင်းရင်းမြစ်များ

Paihowa 26:28

Ta Agalipa Paulo 'ihegwaeya, “Cunuwatuhuya 'abehega tuta to'uto'upana 'oina 'u'abi hekalesiyegau!”

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

Loma 15:19

Ma wete 'igu paihowaedi waiwaidi ma 'ebenuwa henainaida si'itediya, weyahina Yehoba Yaluyaluwana 'ina waiwaiyega Keliso wasana yaloguguya sakowasiyeya Yelusalemega ta 'ana siga Ililikomi.

Loma 16:18

Ceguma taiyawedi 'idi paihowa bewa gidemusa taudi geya 'ida Bada Yesu Keliso weyahina sida paihowa, ma beno siboi tuwa 'idi nuwatuhu si'e'epaihowadi, weyahina 'idi gwaeyao hoto hedada, ma tomota we'awe'adi si'e'e'abo'abowedi ma silisilisi hiledi.

1 Kolinita 1:17

Weyahina 'igu paihowa Keliso 'i'ebwaegauwa tetela bwebwe'ana 'ana lohatotomo weyahina, ta geya 'abihebabitaiso. Ma wete loguguyaina geya 'igu sinasinapuwega, tabu ma Keliso 'ina 'amasa kelose 'oina tetelina ya'abihewe'a.

1 Kolinita 2:1

Tasigwao, wanuwatuhu tutaina mwalo Yehoba tetelina ya'eweyawa ma yahepwaileya 'oimiya, geya 'igu gwae waiwaiyega, gide 'abehega taugu tosanapu moisa.

1 Kolinita 2:13

Coinega 'ida gwae, nuwana 'ida he'ita, geya gogo gabulena 'idi sanapu 'oinega, ta hesi Yehoba Yaluyaluwanega. Coinega taiyewedi taudi Yaluyaluwaina 'oidiya 'imiyamiya sowasowahidi ma gwaeyedi sihesagohedi ma wete sisanapudi.

1 Kolinita 4:20

Weyahina Yehoba 'ina 'ebeloina 'oina geya gwae namo, ma hesi waiwaiyega.

2 Kolinita 6:6

mumuga 'asilalana, sanapu, 'atemuyamuya, he'iya'iyagu, Yaluyaluwa Tabuna 'ateda, ta wete helau moisa,

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

Kolose 2:4

Bewa yagwaegwae ma 'oinega sahena hali tomota 'idi gwae hotohotodiyega si'abo'abowegomi.

1 Tesalonaika 1:5

Coinega tutaina tetela bwebwe'ana ya'ebwaegomiya, geya 'abehega gwae namo, ma hesi Yaluyaluwa Tabuna gwaeina 'i'abihe pa'aliya 'oimiya, ma 'ane gwaeina wa'ahwa moisae, ta tauma wete 'ima paihowa weyahimi wa'iteya, beno paihowa dumwaluna.

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.

2 Pita 1:16

Mwalo 'ida Bada Yesu Keliso 'ina waiwai ma 'ina tauyama 'ahepwailediya 'oimiya, ma 'ima hepwailaina geya tosonosonogao 'idi 'ote'otetelao 'oidiyega, ma hesi matamega tauna 'ina wasawasa 'a'iteya.

2 Pita 2:18

Tohe'itaowedi 'idi mumuga galadi ma'idi gwae gagasa sihe'ote'oteli, ma wete nuwa'ubuna galadi 'oidiyega tonuwabui hauhau silisidi ma sihila 'idi mumuga nugenugetana 'oina.