1 Kolinita 2:14 - Loina Nuahuana

¹⁴ Ta hesi 'eguma geya, geya'abwa wete sisanasanapu, weyahina 'oidiya 'abehega ginaula yauyauledi tuwa. Coinega geya sowasowahidi ma ginaulaedi sisanapudi, weyahina Yehoba Yaluyaluwana geya 'i'abihenuwa sabwalenidi.

1 Kolinita 2:14 ပူးပေါင်းရင်းမြစ်များ

Madiu 16:23

Ma Yesu 'itehinowa, ta Pita 'oina 'igwae, “Cowa Seitani, bewa tuwa 'u'ebesinegau! Sahena 'u'au'ausigau! Cino nuwatuhu tomota 'idi nuwatuhu, ma geya Yehoba 'ina nuwatuhu gide.”

Yoni 10:20

Nage 'oina tomota baibaiwa hedade sigwae, “Loheya beno hi'ahi'a 'oina 'imiyamiya, 'oinega 'i'abi'abi heyauyaule. Sahena 'ina gwae wahehesagohedi.”

Yoni 12:37

Yesu 'ila'ilala moisa baibaiwadi 'ihe'itediya, ma hesiyage geya sihemisae toho.

Yoni 14:17

tauna tuwa Yaluyaluwa moisa ma dumwadumwaluna. Ma 'oinega tauna 'oimiya 'imiya hataya. Mebale'u geya sowasowahidi ma Yaluyaluwanaina 'oina sitagwaledi, weyahina 'ana 'ita geya si'ita ma geya wete sisanapu. Ma hesiyage 'omi Tolemainaina wasanasanapu, weyahina sauga 'aigeda 'aigeda 'oidiya 'atemiya 'imiyamiya.

Yoni 14:26

Ma hesi sauga muliya 'oina 'abwa hesi tolemaina saniguwega Yehoba 'ihesumaneyama 'oimiya, tauna tuwa Yaluyaluwa Tabuna, nuwatuhu mabwaiyana 'ihe'itegomi ma wete 'igu gwaeyedi mabwaiyadi 'oimiya 'i'abi henuwatuhu yahigomi.

Yoni 15:26

“Comi nata 'ami tolema Tamagu 'oinega yahesumaneyama. Tauna Yaluyaluwaina, gwae moisa huhuna. Tauna nata 'ihetohepwaila weyahigu.

Yoni 5:44

Ta moisa tuwa, 'omi nuwanuwami ma 'ami hepwatu waboi 'oimiyega wahesagohedi. Ma hesi geya watohona ma 'ane Yehoba 'iboimo 'oinega 'ami hepwatu walobadi. Beno 'oinega geya sowasowahimi ma wahemisaegau.

Yoni 8:43

Coinega to'aha weyahina 'igu gwae geya wada sanapudiya? Nuwana 'igu hepwailaedi geya wada hesagoha bwaibwainidiya.

Paihowa 16:14

Ma 'aigeda wahine 'oidiyega sanina Lidiya, 'asa Tayataila wahineina, ma Yehoba 'ana tohemisa, ta 'ina paihowa beno 'aigeda 'ale'o wasawasa 'ana tohegimwane. Ma wahiwahineyedi 'ima gwae sihehesagohedi, ma Yehoba hemisa Lidiya 'atena 'ilaguya, ma Paulo 'ina guguya 'ihemiseya,

Paihowa 17:18

Ta tupwadi tosinasinapuwao wete, taudi sihesaniyediya Epikulo, ma tupwadi Sitoike wete, Paulo ba'idadiu sihehegwaegwae ta tupwadi taudimo 'oidiya sihe'ote'otetela, sigwaeya, “Ciya! Toheyauyaule to'aha 'igwaeneya?” Ma tupwadi sigwae, “Nuwana hali Yehoba weyahina 'iloguloguguya,” weyahina sihesagoheya Yesu 'ina toholohila 'amasega weyahina 'ilologuguya.

Paihowa 17:32

Ma bodaedi to'amasa 'idi toholo hila wasana sihesagoheya, ma tupwana sihenameya, ta tupwadi sigwaeya, “Nuwanuwama ma 'abwama nuwatuhu bewa weyahina 'uhe'ote'otetela hila ma 'ada hesagoha.”

Paihowa 18:15

ma hesi nuwatuhu bewa, waboi tuwa 'imi gwaegwae ma saniyao ma loinao 'imi 'asega, 'oinega waboi tuwa waloina. Taugu yalogwahata.”

Paihowa 25:19

ma taboidimo 'idi tapwalolo weyahina sigwaegwae, ta 'aigeda loheya 'i'amasa pwaiya, sanina Yesu, ta Paulo 'ihehepwaila 'abehega Yesuina mayawasina 'imiyamiya.

1 Kolinita 1:18

Kelose tetelinaina tomota tupwadi si'ahwa 'abo'aboweya, taudi yaluyaluwadi 'ama'amasidi, ma hesi tauda tahemisaeya 'abehega Yehoba 'ina waiwai tetelaina 'oina 'imiyamiya, ma 'oinega 'ilemegita.

1 Kolinita 1:21

Weyahina sanapu bale'uwa gesowana 'oinega Yehoba tasanapu, ma hesi Yehoba 'ina nuwatuhu ta 'ina tetela 'ana lohatotomo 'oinega 'ana tohemisao tauda 'ilemegita. Tetelinaina mebale'u siheginaula bwagabwagaeya.

1 Kolinita 1:23

Ma tauda hesiyage tetelinaina talohatotoweya, Keliso 'ina 'amasa kelosemo 'oina weyahina, eema meYudiya silogwahateya ma wete tomiya ganamuli si'ahwa ginaula bwagabwagaeya.

1 Kolinita 1:25

Weyahina to'aha Yehoba 'ina paihowa we'awe'ana bo 'i'iuna, tomota tauda 'ida waiwai madouna 'ihewaiwai sineya.

1 Kolinita 15:44

weyahina wahi bale'uwa sigaligalihedi ta wahi galewa sitotoholo hila, weyahina wahi bale'u hagana ma wahi galewa hagana.

1 Kolinita 15:46

Loheya yaluyaluwana geya 'ilatu nugeta, ma hesi wahida 'ihapwesa nugeta ma yaluyaluwa muliyetega.

1 Kolinita 2:12

Yehoba Yaluyaluwana geya gogo gabulena yaluyaluwadi gide, ma hesi Yehoba 'i'ebwaegita Yaluyaluwanaina, 'oinega tanuwa sabwalena 'ina helauwedi taudi 'iheguyaiyediya.

1 Kolinita 3:1

Ma tasigwao, geya sowasowahina ma sanapu moisa yahehepwaile 'oimiya, weyahina yaluyaluwami geya simatuha, ta 'imi nuwatuhu 'abwa tuwa gogo gabulena 'idi nuwatuhu gidemusa. Weyahina 'omi wahegaina tuwa Keliso 'ana hemisa 'oina, gide sedaseda 'i'iudi.

Yemesa 3:15

Mumugami bewa bo 'imi sinasinapuwedi bewa geya galewega, ma hesi bale'u mumugaidi Tomudulele 'oinega.

1 Yoni 2:20

Ma 'omi taudi geya gidemusa, weyahina Yaluyaluwa Tabuna 'igihesanapu pwaigomiya, ma 'oinega sanapu baibaiwana wasanapuya,

1 Yoni 2:27

Ma sanapuina wasanapu pwaiya, weyahina Yehoba Yaluyaluwana 'i'ebwae pwaigomiya, ta mahetemiu wamiyamiya, ma 'ihe'itegomi. Coinega geya 'aigeda wete loheya sawasawahina ma 'ihe'itegomi, ma hesi Yehoba 'ina 'ebwaya 'oinega sanapu baibaiwana wasanapuya, beno sanapu moisa, weyahina Yehoba Yaluyaluwana geya 'i'abowegita. Coinega 'ina he'itao wamuliyedi, ma Keliso mahetemiu wamiyamiya, ma geya'abwa wa'ebe'ebesine.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Yude 1:19

Togalaedi mumuga bale'u simulimuliye, 'oinega tohekalesiyao 'adi towatahao, weyahina Yaluyaluwa Tabuna geya 'oidiya.