1 Kolinita 2:10 - Loina Nuahuana

¹⁰ Ta hesi Yaluyaluwa Tabuna 'oinega Yehoba sanapuina 'i'abilatuheya 'oida, weyahina Yehoba Yaluyaluwana ginaula mabwaiyana 'isanapudiya. Coinega Yehoba 'ina nuwatuhu dahwadahwaidi wete 'isanapudiya.

1 Kolinita 2:10 ပူးပေါင်းရင်းမြစ်များ

Madiu 13:11

Ma Yesu 'igwaeya, “Comi Yehoba 'oimiya 'itagwala pwaiya ma 'ina loina 'alona 'ana tosanapuwao, ma bodaedi geya.

Madiu 16:17

Ma Yesu Pita 'ihegwaeya, 'igwae, “Saimoni, Yona natuna, 'owa moisa toyaliyaya 'aigeda, weyahina 'ino sanapu bewa geya tomota 'oidiyega, ma hesi Tamagu galewa 'ina sanapuwega 'i'ebwaegowa.

Luke 10:21

Tuta nage 'oina Yaluyaluwa Tabuna Yesu 'i'abihe yaliyayaeya, ta 'igwaeya, “Yauwedo Tamagu, 'owa galewa ta bale'u 'adi Toloina, nuwasabwalena bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya. Moisa Tamagu, 'ino nuwatuhu bwebwe'ana bewa.”

Luke 2:26

Ma Yaluyaluwa Tabunaina 'ihe'iteya ma 'abehega sahena 'i'ama'amasa ma 'ana siga To'abihetenaina Yehoba 'oinega 'i'ita nugeta.

Yoni 14:26

Ma hesi sauga muliya 'oina 'abwa hesi tolemaina saniguwega Yehoba 'ihesumaneyama 'oimiya, tauna tuwa Yaluyaluwa Tabuna, nuwatuhu mabwaiyana 'ihe'itegomi ma wete 'igu gwaeyedi mabwaiyadi 'oimiya 'i'abi henuwatuhu yahigomi.

Yoni 16:13

Ma hesiyage 'abwa nata Yaluyaluwa Tabuna 'itauyama 'abwa hesi tauna 'ihanugetegomi ginaula mabwaiyana 'ausaladi 'oidiya. Tauna nata geya'abwa 'ina loina 'oinega 'iloiloina, ma hesiyage to'aha gidemusa Tamagu 'oinega 'ihesagoheya nata 'oidiyega 'iloina. Ma wete nata 'ihegwaegomi to'aha 'abwa sauga sinaonaoma 'oidiya silatu.

1 Kolinita 14:30

Ma 'eguma 'aigeda tomota tapwalolo 'alona 'imiyamiya ma lotohona 'ehauna 'iloba, 'ida toholo ma ginaulaina 'ida hepwaila hapwese, ta tologuguyaina 'ida 'alahenono.

1 Kolinita 2:11

Tanuwatuhuyahi tauda tomota weyahida, 'eguma taiya loheya ma'ina nuwatuhu dahwadahwaina loheyaina tauna yaluyaluwana 'isanasanapu hile. Gidemusa wete Yehoba Yaluyaluwana 'iboinamo 'ina nuwatuhu 'isanasanapu hile.

Galetiya 1:12

weyahina geya tomota 'idi hepwailao, nuwana 'idi he'itao 'oidiyega, ma hesi Yesu Keliso 'ina he'ita 'oiguwa 'oinega.

Epeso 3:3

Ma 'igu paihowa bewa sanapu mwalo dahwadahwaina weyahina, ma hesi 'ana sanapu Yehoba 'ihe'ita pwaigauwa, gidemusa yaleleyawa 'imi leta to'uto'upana bewa 'oina,

Epeso 3:5

Ma sanapuina tomota nugenugetadi geya sisanapu, eeta bewa tuwa Yaluyaluwa Tabuna 'igihelatuheya 'ina tohepwailao hesihesinuwadi ma palopitao 'oidiya,

1 Timoti 4:1

Yaluyaluwa Tabuna 'ihepwaila latuwa 'abehega tuta 'ana 'ebe gumwala 'oina tomota tupwadi nata tapwalolo silogwahate ma yaluyaluwa galadi ma Tomudulele 'idi he'ita 'abo'abowedi sihesagohedi.

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.

1 Yoni 2:20

Ma 'omi taudi geya gidemusa, weyahina Yaluyaluwa Tabuna 'igihesanapu pwaigomiya, ma 'oinega sanapu baibaiwana wasanapuya,

1 Yoni 2:27

Ma sanapuina wasanapu pwaiya, weyahina Yehoba Yaluyaluwana 'i'ebwae pwaigomiya, ta mahetemiu wamiyamiya, ma 'ihe'itegomi. Coinega geya 'aigeda wete loheya sawasawahina ma 'ihe'itegomi, ma hesi Yehoba 'ina 'ebwaya 'oinega sanapu baibaiwana wasanapuya, beno sanapu moisa, weyahina Yehoba Yaluyaluwana geya 'i'abowegita. Coinega 'ina he'itao wamuliyedi, ma Keliso mahetemiu wamiyamiya, ma geya'abwa wa'ebe'ebesine.

Heꞌitaꞌita 1:1

Buki bewa 'oina Yesu Keliso 'ina he'ita tetelina. Yehoba 'i'ebwaeya ma 'abehega Yesu 'ihe'itae 'ina topaihowao 'oidiya, ma sisanapu to'aha nata 'ilatu. He'itaina bewa Yesu Keliso 'ina anelose 'ihetuneya, ma 'abehega Yoni 'oina 'ihepwaila.

Heꞌitaꞌita 2:24

“Ma 'omi meTayataila, 'eguma mumuga galana bewa geya wamuliyedi, ma Seitani 'ina nuwatuhu solasola geya wasanapudi, geya'abwa wete 'aha'ahala mwauna ya'ebwaegomi.