1 Kolinita 16:16 - Loina Nuahuana

¹⁶ 'oinega yahenuwa lagugomi ma 'idi gwaeyao wamuliyedi, ma taiyawedi wete mahetediyao Keliso weyahina sipaipaihowa taudi wete wamuliyedi.

1 Kolinita 16:16 ပူးပေါင်းရင်းမြစ်များ

Loma 16:12

Cigu helau wete Talipina ma Taliposa, taudi 'ida Bada 'ina topaihowao 'oidiya. Ta 'iyagu Pelisi wete 'oina yahelauwa, tauna Bada 'ina paihowa weyahina 'i'ala'i'iwasa madouna.

Loma 16:3

Cigu helau wete wahepwaile Pilisila ma Akuila 'oidiya, taudi mahetegwao mwalo Yesu Keliso weyahina 'ahetopaihowa,

Loma 16:6

Meli wete 'oina yahelauwa, tauna weyahimi 'i'ala'i'iwasa madouna.

Loma 16:9

Ma wete 'igu helau Ulibano 'oina, tauna mahetedai Keliso weyahina tapaipaihowa. Ta wete 'iyagu Sitakisi 'oina yahelauwa.

1 Kolinita 12:28

weyahina 'ida paihowao hekalesiya 'alona hagana ma hagana. Yehoba 'iheguyaiyediya 'oida, nugeta tauma Keliso 'ana tohepwailao, ta muliyetega palopitao taudi Yehoba 'ina nuwatuhuwao sihehepwaile nugete, muliyetega tohe'itao, ma ginaula 'ebe henainaida 'adi topaihowao, ma to'abi hebwebwe'ana, ma to'abihetenao, ma tohanugetao, ta taudi hali 'enana 'adi tohegwaegwaeyao.

1 Kolinita 3:9

Bewa tuwa Yehoba ba'idamai 'ina tanoha 'apaipaihowa, ta 'ina tanohina beno 'omi tomota tuwa. Ma wete 'omi Yehoba 'ina hada.

Epeso 5:21

Cimi he'asisi Keliso 'oina gidemusa wete 'omi waboi wahe'asisi hilegomi, ma loina wahematamatanedi.

Pilipai 4:3

Cowa wete tohanugeta, 'owa 'iyagu moisa ya'ahwanoi 'oiuwa ma wahiwahineyedi 'ulemedi, weyahina mwalo taudi mahetegwao 'apaihowa mahemahetena, wasa bwebwe'ana 'ana hepwaila 'oina, ta wete Kelemeniti ma tupwadi wete 'agu tolemao mahetemayao 'apaihowa, taudi sanidi yawasi bukiina 'alona leleleina.

1 Tesalonaika 1:3

Cimi hemisa ma 'imi paihowa bwebwe'adi 'anuwatuhu yahidi, ma wete 'imi paihowao helauwega, ma'imi 'alama'i'ita, wete ma'imi hemisa ma 'ane 'ida Bada Yesu Keliso 'i'abihetegomi.

1 Tesalonaika 2:9

Ciyamayao, wanuwatuhuya mwalo 'ima paihowa 'oimiya, sabwelo ma nihuwana 'oidiya 'apaipaihowa sinabwana, ta 'oinega taumamo 'ahehe'aimai, ma wete Yehoba tetelina 'ahehepwaila 'oimiya, weyahina geya nuwama 'ami mwau 'alagu 'ama 'itayahina weyahina.

1 Tesalonaika 5:12

Ciyamayao, 'ima 'ahwanoi 'oimiya sowasowana 'imi tohanugetao wahe'asisiyanedi, ma wahelau bwaibwainidi, weyahina 'ida Bada 'ina paihowa sipaipaihowa, beno si'ita'ita yahigomi ma siloguloguguya 'oimiya. Ma wete 'aigeda, sahena he'ahwa lasalasa, ma hesi daumwalega wamiyamiya.

1 Timoti 5:17

Ma 'ami tohanugetaowedi 'eguma silema bwaibwainigomi, 'omi wa'ita'itayahi bwaibwainidi, beno 'idi guguya ma 'idi he'ita maisana bwebwe'ana wa'ebwaedi.

Ibeliu 13:17

Cimi tohanugetao 'oidiya wahematamatana ma watagwalegomi 'idi loinao 'oidiya, weyahina yaluyaluwami si'ita'ita yahidi, ma 'oinega tuta 'inaonaoma 'oina 'imi mumuga weyahina sihepwaila Yehoba 'oina. Coinega 'ilobwainegomiya watoho ma wasami weyahina ma'idi yaliyaya Yehoba 'oina sihepwailegomi, ma hesi sahena ma'idi mwadina, 'amuge ma loina mwauna waloba.

Ibeliu 13:24

Cima helau yahewaseyawa 'ami tohanugetao ma tohekalesiyao mabwaiyami 'oimiya. Ma meItali wete 'idi helau sihesumaneyawa 'oimiya.

Ibeliu 6:10

Yehoba 'ina loina 'oimiya dumwaluna, 'oinega 'imi paihowao geya'abwa 'inainaidedi, beno 'imi helauwao ta 'imi lemao Yehoba saninega, tohekalesiyao 'oidiya, mwalo ta 'ana siga nige bewa.

1 Pita 5:5

Coinega wete 'omi tubu hanehaneyao sowasowana babadao wahe'asisiyanedi, ma mabwaiyami wanuwadobi ma 'aigeda 'aigeda 'oimiya wahelemalema hilegomi. Gidemusa tuwa Buki He'asisi 'ina gwae gide, 'igwaeya, “Yehoba tonuwahane 'i'ausidi, ma hesi tonuwadobi 'ihelauwedi.”

3 Yoni 1:8

Coinega 'ilobwainegita ma tauda talemedi, eema taudi mahetedao tahetopaihowa mahemahetena 'eda dumwadumwaluna weyahina.

Heꞌitaꞌita 2:3

Ma wete 'alama'i'ita sanigu weyahina wasanapuya, eeta paihowa mwaudi ta madoudi 'oidiyega geya wada we'a.