1 Kolinita 15:10 - Loina Nuahuana

¹⁰ Ma hesi Yehoba 'i'atemuya muyaegauwa ta 'ilemegauwa. Coinega geya 'i'abihete daidaisigau, weyahina yahemisa bwaibwaina ma tohepwailao mabwaiyadi 'idi paihowa ya'ebesineya, geya taugu 'igu waiwaiyega, ta Yehoba 'ina helau 'oinega.

1 Kolinita 15:10 ပူးပေါင်းရင်းမြစ်များ

Madiu 10:20

ma geya 'abehega 'omi wagwaegwae, ma Yehoba yaluyaluwana 'oimiyega 'igwaegwae.

Madiu 25:16

“Coinega loheyaina tauna ma'ina paibi handeledi kina 'ina bada 'ina maneina 'i'ewediya, ta 'oidiyega 'ihepaihoweya, ta 'adi loheposeyana paibi handeledi wete 'ilobediya.

Loma 11:1

Ta bewa 'igu hesilala, togidega Yehoba 'ina boda meIsileli 'iguipailediya, bo geya? Geya! Weyahina taugu 'aigeda gwama Isileli, susu Beniyamina 'oinega, ma 'ima susu madouna 'ima babadega, sanina Ebalahamo.

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

1 Kolinita 15:11

Coinega tohepwailaedi 'oimiya siloguguya pwaiya, ma taugu wete 'oimiya yaloguguya pwaiya, ta Keliso wahemiseya.

1 Kolinita 3:10

Weyahina Yehobaina 'ihelauwegauwa ma 'ihesumanegauwa ma 'abehega 'ina to'abi hada, 'oinega 'ohola yalagu bwaibwainidiya ma 'oinega tupwadi topaihowa 'oholaedi 'oidiya ma si'abi, 'ilobwainediya ma sida 'abi bwaibwaina.

1 Kolinita 3:6

Taugu 'igu paihowa todauna tuwa, ma Apolosa to'itayahi. Ma Yehoba hesi 'iboimo 'ina waiwaiyega 'e'ahai 'iyada.

1 Kolinita 4:7

Sahena wanuwanuwa hanehane ma 'abehega 'iyamiyao wabwebwe'ana sinediya, weyahina to'aha bwebwe'ana 'oimiya simiyamiya mabwaiyana Yehoba 'oinega walobeya, 'oinega sahena wagwaegwae hanehane.

2 Kolinita 12:11

Moisa, 'omi 'imi gwae weyahina yahepwaila pwaiya gide yauyauleigu. Cilobwainegomiya wa'ahwa bwebwe'anegau, ma hesi wa'ahwa galegalegauwa, eeta 'imi tohepwailao hauhaudi wa'ahwa bwebwe'anediya.

2 Kolinita 3:5

Geya 'abehega tauma weyahima 'agwaegwae hanehane ma 'agwae, “Tauma 'ima bwebwe'ana 'oinega paihowa 'apaipaihowadi,” ma hesiyage Yehoba 'iboimo 'i'abi'abi hewaiwaiyemai,

2 Kolinita 6:1

Coinega Yehoba ba'idamai 'apaipaihowa, ta 'oimiya 'a'ahwanoi ma sahena 'ina helau wa'ahwa ginaula bwagabwagae,

Galetiya 2:8

Weyahina Yehoba Pita waiwai 'i'ebwaeya 'ina paihowa meYudiya weyahidi, ma taugu wete gidemusa waiwai 'i'ebwaegauwa 'igu paihowa toguguyou weyahidi.

Pilipai 2:13

weyahina Yehobaina 'atemiya 'ihetahetapewa, ta 'abehega tauna 'ina nuwatuhuwega 'omi wanuwanuwatuhu ma wapaipaihowa.

Pilipai 4:13

sawasawahigu miya mabwaiyana 'oidiya yada yaliyaya tuwa, weyahina tauna mahetegu 'igihe waiwaiyegauwa.

1 Tesalonaika 5:12

Ciyamayao, 'ima 'ahwanoi 'oimiya sowasowana 'imi tohanugetao wahe'asisiyanedi, ma wahelau bwaibwainidi, weyahina 'ida Bada 'ina paihowa sipaipaihowa, beno si'ita'ita yahigomi ma siloguloguguya 'oimiya. Ma wete 'aigeda, sahena he'ahwa lasalasa, ma hesi daumwalega wamiyamiya.

1 Timoti 4:10

Weyahina tuta bewa 'oina ma'ida hetapewa ma ma'ida guibiga, Yehoba tahehemise tauna 'iboimo miyamiya hatayana, tomota mabwaiyadi 'adi To'abihetena, 'eguma sihemisae. Eeta 'ida nuwatuhuyahina 'oina talaguya ma 'ane 'i'abihetegita.