1 Kolinita 14:1 - Loina Nuahuana

¹ Coinega 'ilobwainegita ma tatoho waiwai ma tahelau moisa, ma wete tatoho waiwai ma Yehoba Yaluyaluwana 'ina heguyai 'oida talobadi, ma hesi heguheguyai 'aigeda bwebwe'ana hedada, beno palopisai Yehoba 'ina nuwatuhu sowasowana tahepwaila nugete.

1 Kolinita 14:1 ပူးပေါင်းရင်းမြစ်များ

Loma 12:6

Tauda 'aigeda 'aigeda sanapu ma waiwai Yehoba 'iheguyaigita, eeta tupwadi 'adi heguheguyai hagana 'iyadiyao 'oidiyega. Weyahina 'eguma taiya ma'ina hemisa, ma Yehoba 'ina nuwatuhu 'igwaehapwese, beno tuwa 'ana lobwaina ma gidemusa 'ipaihowa 'ese.

Loma 14:19

Eeta tatoho ma tamiya daumwala eema 'ane tahe'abi 'abihetena mahetedao.

Loma 9:30

Bewa 'oinega tasanapu 'abehega taudi tomiya ganamuli geya sitohotoho ma Yehoba 'i'ahwa dumwaluwedi, ma hesi 'idi hemisa tuwa 'oinega 'i'ahwa dumwaluwediya.

1 Kolinita 12:1

Ciyagwao, nuwanuwagu ma Yehoba 'ina heguyai yaluyaluwada weyahidi yalihasi ma wasanapu.

1 Kolinita 12:31

Paihowaedi mabwaiyana Yehoba 'iheguyaiyeya 'oida, 'oinega 'ilobwainegomiya ma heguheguyai bwebwe'adi nuwami 'i'ewa, ma wete 'eda 'ausalana moisa yahe'itegomi, beno helau.

1 Kolinita 13:13

Ginaula madouna 'etoi simiya hataya, 'aigeda tahemisa, 'aigeda tanuweya, 'aigeda tahelau, ma mabwaiyadi 'oidiyega helau 'imadou hedadeya.

1 Kolinita 13:2

Ta wete 'eguma taugu Yehoba 'ina palopita, ta ma'igu sanapu ma sawasawahigu yahepwaila ginaula dahwadahwanidi, ma 'eguma yahemisa moisa Yehoba 'oina ma 'oinega yagwae 'oya 'oidiya, sawasawahina sitau hali tupwa, ta 'eguma geya helau 'ateguwa, taugu tuwa loheya bwagabwaga.

1 Kolinita 14:22

Ceguma hali 'enana 'oinega tagwaegwae, beno 'ila'ilala geya taudi tohemisao weyahidi ma hesiyage taudi geya sihemisa weyahidi. Ta Yehoba 'ina nuwatuhu 'ana palopisai beno tohemisao 'adi lema weyahidi.

1 Kolinita 14:37

Ma wete 'eguma taiya 'inuwatuhuya 'abehega tauna palopita ma Yehoba yaluyaluwana 'oina 'imiyamiya, nugeta 'ida sanapu 'abehega 'igu gwae leta bewa 'oina, beno Yehoba 'ina loina 'oimiya.

1 Kolinita 14:39

Coinega 'iyagwao, 'ilobwainegomiya ma watoho waiwai ma Yehoba 'ina nuwanuwa wapalopisai, ta hali 'enana 'adi gwaeyao weyahidi sahena wa'au'ausi tapwalolo 'oina.

1 Kolinita 16:14

ta wete 'imi paihowa mabwaiyana 'oidiya wahehelau hilegomi.

Epeso 1:3

Ciyagwao, taloyauwedo Yehoba 'oina, tauna 'ida Bada Yesu Keliso Tamana, ma Kelisoina 'oinega yaluyaluwada 'ihelauwediya beno wasawasa galewa mabwaiyadi 'i'ebwaegita.

1 Tesalonaika 5:20

Coinega 'eguma toguguya 'eta 'ipalopisai, sahena 'ina gwae nugeta walologwahate,

1 Timoti 4:14

Mwalo tapwalolo 'ana babadao si'abidebegowa, ma weyahiu sipalopisaiya 'ino paihowa Yehoba weyahina, eeta paihowaina weyahina Yehoba 'i'abihe waiwaiyego.

1 Timoti 5:10

ma tomota matadiya mumugadi dumwaluna, weyahina natudiyao 'adi 'itayahina 'oina sipaihowa bwaibwaina ma wete taumanao ta tohekalesiyao 'adi 'abihetena 'oina, wete tomiya mwau silemedi ma si'atemuyamuyaedi, beno 'ilobwainediya ma tohekalesiya 'oidiya siluhu, ma tohekalesiyaowedi 'oidiyega 'adi lema, nana 'e'ahai, bo 'ale'o si'ewa.

1 Timoti 6:11

Timoti, 'owa hesi Yehoba 'ina topaihowa, 'oinega bewa mumugaina 'oinega 'u'itayahigo, ma mumuga dumwaluna 'umuliye, bewa gide 'eda'eda bwebwe'ana ma hemisa ma helau ma 'alama'i'ita ma wete hohobiga.

2 Timoti 2:22

Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

Ibeliu 12:14

Watoho waiwai ma wamiya daumwala tomota ba'idamiyao, ta wete watoho ma 'imi mumuga 'ibwebwe'ana mabwaiyana, weyahina 'eguma taiya geya 'ina mumuga bwebwe'ana geya'abwa Bada 'i'ita'ita.

2 Pita 1:7

hesikisina 'ahwa'iya'iyana, ma 'ebelosaloha helau.

3 Yoni 1:11

Ciyagu, geya'abwa mumuga galana 'umulimuliye, ma mumuga 'ausalana hesi. Tobwebwe'anao taudi Yehoba 'ina bodao, ma topuiyao geya Yehoba sida sanapuya.