1 Kolinita 13:7 - Loina Nuahuana

⁷ Ceguma helau 'ateda 'imiyamiya sauga baibaiwana ta'alama'i'itana moisa, eeta tahemisa moisa, ma'ida nuwatuhuyahina 'ada 'abihetena Yehoba 'oinega 'abwa taloba, ma tuta mabwaiyana tatoholo pa'ala.

1 Kolinita 13:7 ပူးပေါင်းရင်းမြစ်များ

Madiu 10:22

Ma tomota mabwaiyadi silo'alehegomi weyahina 'omi 'abehega 'agu tohemisao. Ma 'eguma taiyawedi si'alama'i'ita ma sitoholo pa'ala ma 'ana siga tuta 'ana 'ebelosaloha 'oina, 'abwa yaliyaya hataya siloba.

Maki 9:23

Ma Yesu loheyaina 'ihegwaeya, 'igwae, “Cugwae pwaiya, ‘Ceguma sowasowana,’ 'awa? Ma hesi 'unuwatuhuyahi 'abehega 'eguma tahemisa, ginaula mabwaiyana sawasawahina 'oida.”

Loma 15:1

Taiyawedi tauda 'ida hemisa waiwaina sawasawahina ma 'iyadao taudi 'idi hemisa we'awe'ana ta'abihetedi. Gesowana taboidamo weyahida tanuwanuwatuhu.

Loma 8:24

Ma 'abihetenaina hemisega talobaloba, weyahina bewa tuta wahida 'idi 'ehau geya tada lobeya, eeta ma'ida hemisa tayamwayamwa 'ana siga 'ida hemisaina huwaina taloba, ma 'ane 'ida hemisaina 'ilolagu.

1 Kolinita 13:4

Moisa, helau ginaula madouna, weyahina 'eguma helauina 'ateda 'imiyamiya, sawasawahina ma tahe'alama'i'itana ma tomota ta'ate muyamuyaedi, ta sahena tahehe'ipi'ipiyedi. Ta sahena wete tanuwanuwahane, nuwana tagagagagasa,

1 Kolinita 9:12

Hali tohepwailao wahe'aidi, 'oinega 'ilobwainegomiya ma wete wahe'aimai. Tuwa 'a'alama'i'ita madouna, weyahina tabu ta 'ahohopa'ala 'oimiya ma Keliso tetelina walogwahate.

Galetiya 6:2

Cami 'aha'ahalao 'oidiya wahelemalema ma'iyamiyao, weyahina bewa gide 'ada loina Keliso 'oinega, eeta 'ilobwaineya tapaihowa.

2 Tesalonaika 1:4

Coinega tohekalesiyao tupwa mabwaiyadi matadiya 'ahehepwatuwegomi, 'agwae, “Moisa taudi Tesalonaika to'alama'i'ita hedade. Bwagana 'adi 'alehao mwau madouna si'ebwaedi, ma tuwa ma'idi 'alama'i'ita ta wete ma'idi hemisa Yehoba 'oina.”

2 Timoti 2:24

Ta he'ahwa panapanawa Cinapwana 'ina topaihowao geya 'ilobwainegita, ma 'atemuyamuya ma he'ita ma 'alama'i'ita hesi.

2 Timoti 3:11

Ma 'asaedi Anitioki ma Ikoniyami ma Lisitila 'oidiya yamiyamwauwa ta 'agu muyaedi tomota 'oidiyega yalobediya wete 'usanasanapu, tupwaedi 'oidiya yamiyamwauwa moisa, ta mwauwedi mabwaiyadi 'oidiyega 'ida Cinapwana 'i'abihetegauwa.

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

Ibeliu 13:13

Tauda wete sowasowana tatauya 'asa tuluhana Yesu 'oina, ma 'ebe mwadina taloba tauna gide.

Yemesa 1:12

Ceguma taiya 'owa 'ebetohonao 'oidiyega 'utoholo pa'ala, 'uyaliyaya, weyahina 'a maisa bwebwe'ana Yehoba 'oinega 'abwa 'uloba, beno yawasi hataya. Bewa Yehoba 'ina gwaehemisa mabwaiyada 'oida, 'eguma tahelauwe.

1 Pita 2:24

Ma weteyage Keliso tauna wahinega 'ida galao 'i'ahalidiya kelose 'oina, ma nage 'oinega 'ida mumuga galadi sigumwala, ma mumuga dumwaluna 'oinega tatauya. Tauna 'ana badi 'oinega 'imi bwebwe'ana walobeya.

1 Pita 4:8

Coinega wahelau hilegomi moisa 'aigeda 'aigeda 'oimiya, weyahina helau sawasawahina ma galana baibaiwadi 'igibodi.