1 Kolinita 13:4 - Loina Nuahuana

⁴ Moisa, helau ginaula madouna, weyahina 'eguma helauina 'ateda 'imiyamiya, sawasawahina ma tahe'alama'i'itana ma tomota ta'ate muyamuyaedi, ta sahena tahehe'ipi'ipiyedi. Ta sahena wete tanuwanuwahane, nuwana tagagagagasa,

1 Kolinita 13:4 ပူးပေါင်းရင်းမြစ်များ

Madiu 27:18

Weyahina Pailato 'isanapuya 'abehega he'ipi'ipiyega Yesu sitebaeya sabi lohe'amasina.

Paihowa 7:9

“Ta 'aigeda 'oidiyega sanina Yosepa, ma tasinao site lebeni sihe'ipi'ipiyeya ma sihegimwaneyeya tomota tupwadi 'oidiya, ma taudi Yosepaina sitauyeya 'asa Itipita 'oina,

Loma 1:29

Ta gala mabwaiyana 'ilohemahediya, gide tobwatobwa 'ana henuhenuwa, ma mumuga galagala ma he'ipi'ipi ma lohe'amasa ma he'alagwaegwae ma 'e'abo'abo ma sosomane ma hetalapili,

Loma 13:13

Coinega ta'ita yahigita ma sahena we'aha waiwaina tanumanuma ma taheyauyaule, sahena wete talologwali, ma sahena wete tahe'ahwa panapanawa, nuwana tahe'upwa besobeso.

1 Kolinita 3:3

Moisa, mumugami 'abwa tuwa gogo gabulena gidemusa, weyahina 'abwa wahe'ohe'ohe ma wahe'ipi'ipi tuwa.

1 Kolinita 4:18

Ta hesi tupwadi 'oimiyega sinuwatuhuya 'abehega taugu sahena yanaonaowa. Coinega sinuwanuwahane ma sigagagagasa.

1 Kolinita 4:6

Cebe'ita bewa taugu ma Apolosa 'oimega wa'ita, ma 'oinega 'eda'eda bwebwe'ana sahena wa'ebe'ebesine, ma sahena wagwaegwae hanehane 'imi tohanugetao weyahidi, 'abehega 'aigeda 'imi tohanugeta 'ibwebwe'ana hedada.

1 Kolinita 5:2

Sahena wanuwanuwahane, ma hesi mumuga bewa weyahina wadou, ma topuiina 'imi boda 'oinega wapa'i.

1 Kolinita 8:1

Caigeda wete hesilala 'igu leta 'oina wahepwaila pwaiya, beno pwaoliyedi nuwana 'e'ahaiyedi tomota si'ebwa'ebwaya 'idi 'ebe hemisa da'ule bo 'aiwe 'oidiya. Ginaulaedi 'idi 'abo wasanasanapu, ma hesi sahena wanuwanuwahane 'imi sanapuina 'oina, ma 'ilobwainegomiya ma 'iyadao mabwaiyadi 'atemiyega wahelauwedi, weyahina helau ginaula madouna, ma sanapu hesi geya ginaula madouna.

2 Kolinita 12:20

Moisa, ya'ateyohowa, ta geya nuwagu yatauyawa ma 'imi mumuga ya'ita lobeya 'abehega geya bwebwe'ana, ma 'igu tauyawa weyahina wanuwagala, 'eguma taumimo wahe'ohe'ohena ma wahe'ipi'ipi ma wagamwasowala, nuwana walotobwatobwa hedade, ma 'iyamiyao wa'ahwa galagalaedi, ma wanuwahane, nuwana wapaihowa bwagabwaga.

2 Kolinita 6:6

mumuga 'asilalana, sanapu, 'atemuyamuya, he'iya'iyagu, Yaluyaluwa Tabuna 'ateda, ta wete helau moisa,

Galetiya 5:26

Ma geya'abwa tanuwanuwahane bo 'iyadao talowahi'watedi, bo tahe'ipi'ipiyedi.

Epeso 4:2

ma ma'imi nuwadobi, ta ma'imi 'ate tagwala, ta ma'imi 'alama'i'ita, ma mahetemiyao wahelau hilegomi, ma wa'atemuyamuya 'iyamiyao 'oidiya,

Epeso 4:32

ma hesi wahelau hilegomi, 'atemuyemuyega 'iyamiyao 'idi pui wanuwasamudi 'aigeda 'aigeda 'oina, gidemusa Yehoba 'imi puiyao Keliso 'oinega 'inuwasamudiya.

Pilipai 1:15

Tupwadi tologuguyao he'ipi'ipiyega silologuguya Keliso weyahina, ma tupwadi wete helauwega silologuguya,

Kolose 1:11

Ma wete tauna 'ina waiwai madounega 'i'abihe waiwaiyegomi, ma 'imi paihowa mabwaiyadi 'oidiya wahe'alama'i'itanegomi, ma watoholo pa'ala, ta wete ma'imi yaliyaya,

Kolose 2:18

Coinega sahena 'eta taiya 'i'ahwa'ahwa galagalaegomi weyahina 'omi geya watapwa tapwalolo ma'imi nuwasulu aneloseyao 'oidiya. Weyahina tomotaedi 'adi sanapu nihiyega weyahidi sigagasa, ma sinuwahane mumuga bale'u 'oidiyega.

Kolose 3:12

Ta 'omi Yehoba 'ina helauwega 'ihesinuwanegomiya tauna weyahina, 'oinega 'ilobwainegomiya ma wa'atemuyamuya, ma wahehelau hilegomi ma wanuwasulu ma'imi hohobiga ta wete ma'imi 'alama'i'ita.

1 Tesalonaika 5:14

Ma 'iyamayao, sowasowana wete tolowahi'watao walohatotodi, wete to'ateyoho wa'abihe 'atepatuwedi, ma wete towe'a wa'abihetedi, bewa ginaulaedi 'alama'i'itega wapaipaihowadi.

1 Timoti 6:4

tauna 'ina nuwahane 'oinega 'ihenainaida moisa, ma nuwanuwana 'ihe'ahwa panapanawa. Taudi nage gide tohe'ipi'ipi moisa ma tohegamwagamwagu, wete toheliya ma tosiwapa.

2 Timoti 2:25

Ma wete 'ada 'alehao 'oidiya mumugada nuhana 'oinega ta'abihe dumwaludi, ma 'oinega Yehoba, 'eguma sawasawahina ma 'i'abihetedi ma sinuwabui ta he'ita moisa simuliye,

2 Timoti 3:10

Ma 'owa bo'i 'usanapugauwa, 'igu he'ita, ta mumugagu, 'igu 'edao, 'igu hemisa, 'igu 'alama'i'ita, ta 'igu helau ta 'igu toholo pa'ala.

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

Taito 3:3

Moisa tauda mwalo yauyauleida ta tologwahata hedada, 'oinega henuhenuwa ma yaliyaya besobeso nuwada si'ewa'ewa ma 'eda bwebwe'ana ta'ebesineya. Ma wete nuwanuwada lo'aleha ma he'ipi'ipi, 'oinega tomota tupwadi silo'alehegita, ma wete tauda talo'alehediya.

Yemesa 4:5

Coinega sahena Buki He'asisi 'ina hepwaila wa'ahwa'ahwa muhemuheye tutaina 'igwae, “Yaluyaluwaina Yehoba 'ilaguya 'oida nuwanuwana madouna tauda.”

1 Pita 2:1

Eeta 'imi galao ma 'imi 'e'abo'abowao gwaeyega bo paihowega ma 'imi he'ipi'ipiyao ma 'imi 'ahwa galagalao waguipailedi,

1 Pita 3:8

Bewa 'igu gwae 'ana 'ebelosaloha 'oimiya 'abehega 'imi nuwatuhuwega ma 'ami lotohonega wahe'aigeda ma wahelau hilegomi, ma ma'imi nuwadobi wa'atemuya muyaegomi.

1 Pita 4:8

Coinega wahelau hilegomi moisa 'aigeda 'aigeda 'oimiya, weyahina helau sawasawahina ma galana baibaiwadi 'igibodi.

2 Pita 1:7

hesikisina 'ahwa'iya'iyana, ma 'ebelosaloha helau.

1 Yoni 4:11

Bewa 'oinega Yehoba 'ina helau 'imadou hedadeya. Ciyagwao, 'ilobwainegita ma tauda wete tada helau hilegita.