1 Kolinita 13:13 - Loina Nuahuana

¹³ Ginaula madouna 'etoi simiya hataya, 'aigeda tahemisa, 'aigeda tanuweya, 'aigeda tahelau, ma mabwaiyadi 'oidiyega helau 'imadou hedadeya.

1 Kolinita 13:13 ပူးပေါင်းရင်းမြစ်များ

Luke 10:27

Ma loheyaina 'igwaeya, “Cehe, loina bewa gidemusa, ‘Cino Bada Yehoba 'uda helauwe 'ateu ta yaluyaluwau ta 'ino waiwai ta 'ino nuwatuhu mabwaiyadi 'oidiyega. Ma wete 'iyamwao 'uda helauwedi gidemusa 'uboi 'uhelauwego.’”

Luke 22:32

ma sahena 'ebetohoina 'oina 'uwe'awe'a, weyahina weyahiu ya'ahwanoi waiwaiya 'ino toholo pa'ala weyahina. Coinega 'eguma to tuta ma 'unuwahilama 'eda 'ausalana 'oina, tasimwao wete 'u'abihe waiwaiyedi.”

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

1 Kolinita 14:1

Coinega 'ilobwainegita ma tatoho waiwai ma tahelau moisa, ma wete tatoho waiwai ma Yehoba Yaluyaluwana 'ina heguyai 'oida talobadi, ma hesi heguheguyai 'aigeda bwebwe'ana hedada, beno palopisai Yehoba 'ina nuwatuhu sowasowana tahepwaila nugete.

1 Kolinita 16:14

ta wete 'imi paihowa mabwaiyana 'oidiya wahehelau hilegomi.

1 Kolinita 3:14

Taudi si'abi bwaibwaina 'adi maisa si'ewa.

1 Kolinita 8:1

Caigeda wete hesilala 'igu leta 'oina wahepwaila pwaiya, beno pwaoliyedi nuwana 'e'ahaiyedi tomota si'ebwa'ebwaya 'idi 'ebe hemisa da'ule bo 'aiwe 'oidiya. Ginaulaedi 'idi 'abo wasanasanapu, ma hesi sahena wanuwanuwahane 'imi sanapuina 'oina, ma 'ilobwainegomiya ma 'iyadao mabwaiyadi 'atemiyega wahelauwedi, weyahina helau ginaula madouna, ma sanapu hesi geya ginaula madouna.

1 Kolinita 8:3

ma hesiyage 'eguma Yehoba tahelauwe, tauda Yehoba 'isanapugita ma 'ihesinuwanegita.

2 Kolinita 5:10

Weyahina 'abwa 'eguma tutaina Keliso 'ina wagahata wasawasa 'oina 'imiyatoi sabi loinegita, mabwaiyada 'ada maisa 'oinega taloba, nuwana 'ausalana nuwana galana, gide 'ida paihowao bale'uwa.

2 Kolinita 5:15

Ta 'ina 'amasa mabwaiyada weyahida huhuna, 'abehega 'abwa mayawasida, geya tauda 'ida paihowao sabi paihowaidi, ma hesi Keliso weyahina, tauna weyahida 'i'amasa ta wete 'itoholo hila.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

Pilipai 1:9

eeta ya'ahwa'ahwanoi weyahimi ta 'abehega wahehelau hilegomi ma 'oimiya helau 'imadou ma'imi sinasinapu ta wete ma'imi sanapu moisa,

Kolose 1:27

Weyahina Yehoba nuwanuwana ma sanapu bewa mwalo dahwadahwaina ma bwebwe'ana hedade, 'abehega 'ilagulatuhe 'omi ganamuli 'oimiya, beno Keliso nuwamiya 'imiyamiya, ma tauna 'oinega wanuwatuhuyahi 'abehega tupwa wasawasa 'oina waluhu.

Kolose 1:5

Weyahina wanuwatuhu yahiya 'abehega 'imi 'ebe yaliyaya 'abwa waloba galewa, gide wasaina moisa mwalo wahesagoheya.

Kolose 3:14

Ma 'ilobwainegomiya mumugami wahehelau hilegomi, weyahina helau 'oinega paihowa mabwaiyana sidumwalu.

1 Tesalonaika 1:3

Cimi hemisa ma 'imi paihowa bwebwe'adi 'anuwatuhu yahidi, ma wete 'imi paihowao helauwega, ma'imi 'alama'i'ita, wete ma'imi hemisa ma 'ane 'ida Bada Yesu Keliso 'i'abihetegomi.

1 Tesalonaika 5:8

Ma tauda hesi gide 'asi'asilalada, 'oinega taboi ta'itayahigita, ma yaluyaluwada tahabodebode, Yehoba 'ana hemisa ma 'ana helau 'oidiyega, ma wete 'ida nuwatuhuyahi 'ada 'abihetena 'abwa taloba 'oinega.

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

2 Timoti 1:7

Weyahina Yehoba yaluyaluwana 'i'ebwaegita sahena matauta weyahina, ma hesi waiwai ma helau ma nuwatuhu moisa 'i'ebwaegita.

Ibeliu 10:35

Coinega 'imi hemisaina wa'abiyahi momosi ma sahena walologwahate, weyahina 'abwa 'imi hemisaina 'ana maisa 'ausala hedade waloba.

Ibeliu 10:39

Ma tauda sahena talolohihila, weyahina beno 'ebe hesilae. Ma tuwa ma'ida hemisa ma 'oinega yaluyaluwada simiya bwebwe'ana.

Ibeliu 6:11

Coinega nuwanuwagu ma 'omi 'aigeda 'aigeda wahetapewa ta 'abehega 'abwa muliyetega 'imi hemisa huwaina mabwaiyana waloba.

Ibeliu 6:19

Cida nuwatuhu yahinaina gide 'ida loho waiwaina, ta 'oinega 'ale'o biliupa taluhubwale ma taluhu Yehoba 'ina 'ebemiya 'oina.

1 Pita 1:21

Eeta tauna Kelisoina 'oinega Yehoba wahemisaeya 'abehega tauna 'amasega 'igihetoholo hileya eeta 'ebemiya wasawasa 'oina 'ilaguya, 'oinega 'imi hemisa ma 'imi nuwatuhu walagu bwaibwainidi Yehoba 'oina.

1 Yoni 2:10

Ma wete 'eguma taiya 'owa 'iyamwao 'uhehelauwedi, 'owa 'asilala 'oina 'umiyamiya, 'oinega geya'abwa 'ube'ube'u.

1 Yoni 2:14

Ma 'omi gwagwama madoumi, gwae bewa yaleleyawa weyahina Tamada wasanapu pwaiya. Babadao yo, gwae bewa yaleleyawa weyahina 'omi tauna mwalohene ta bewa tuwa 'imiyamiya wasanapu pwaiya. Hewahewaliyao yo, gwae bewa yaleleyawa, weyahina 'omi tohewaiwai ta Yehoba 'ina gwae 'imiyamiya 'oimiya, 'oinega tauna topuiina wahewaiwai sineya.

1 Yoni 2:24

Comi mwalo wasadi wahesagoheya, 'oinega 'eguma wasaina 'oimiya 'imiyamiya beno tauna ma Tamana mahetemiyao wamiyamiya.

1 Yoni 3:3

Cida hemisa nuwatuhu bewa weyahina, 'oinega mumugada tagihe'ehaudi, gidemusa Keliso.

1 Yoni 3:9

Coinega wete 'eguma Yehoba 'oinega tali'uma gesowana tapui, weyahina mumuga hauhauna 'ateda 'ilagu pwaiya, 'oinega tauda Yehoba natunao geya sawasawahina ma pui wete tapaihowa.