1 Kolinita 12:18 - Loina Nuahuana

¹⁸ ta Yehoba bewa gide 'inuwatuhuya ta yahu baibaiwadi 'idi paihowa 'i'ebwaediya.

1 Kolinita 12:18 ပူးပေါင်းရင်းမြစ်များ

Luke 10:21

Tuta nage 'oina Yaluyaluwa Tabuna Yesu 'i'abihe yaliyayaeya, ta 'igwaeya, “Yauwedo Tamagu, 'owa galewa ta bale'u 'adi Toloina, nuwasabwalena bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya. Moisa Tamagu, 'ino nuwatuhu bwebwe'ana bewa.”

Luke 12:32

Ma 'omi moisa Yehoba 'ina sipiyao, 'oinega sahena wa'ate'ateyoho, weyahina tauna 'ihesinuwa paigomiya ma 'ina 'ebeloina 'oina waluhu.

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

Loma 12:6

Tauda 'aigeda 'aigeda sanapu ma waiwai Yehoba 'iheguyaigita, eeta tupwadi 'adi heguheguyai hagana 'iyadiyao 'oidiyega. Weyahina 'eguma taiya ma'ina hemisa, ma Yehoba 'ina nuwatuhu 'igwaehapwese, beno tuwa 'ana lobwaina ma gidemusa 'ipaihowa 'ese.

1 Kolinita 12:11

Heguheguyaiyedi Yaluyaluwa Tabuna tauna 'ana hesinuwa, ma 'iheguheguyai 'aigeda 'aigeda 'oida, ta 'i'ebwaegita ma gide tapaihowa 'ese.

1 Kolinita 12:17

Weyahina 'eguma matamo beno geya sawasawahina ma 'ihesagoha, ma wete 'eguma tenamo geya sawasawahina ma mahai 'iniso,

1 Kolinita 12:19

Weyahina 'eguma yahu 'aigeda tuwa, beno geya wahi mabwaiyana.

1 Kolinita 12:24

ta geya yahudao mabwaiyadi 'adi 'itayahina gide. Weyahina Yehoba wahida 'ihemasaleheya ma 'abehega yahunaowedi taudi geya 'adi hepwatumo ta'itayahi bwaibwainidi.

1 Kolinita 12:28

weyahina 'ida paihowao hekalesiya 'alona hagana ma hagana. Yehoba 'iheguyaiyediya 'oida, nugeta tauma Keliso 'ana tohepwailao, ta muliyetega palopitao taudi Yehoba 'ina nuwatuhuwao sihehepwaile nugete, muliyetega tohe'itao, ma ginaula 'ebe henainaida 'adi topaihowao, ma to'abi hebwebwe'ana, ma to'abihetenao, ma tohanugetao, ta taudi hali 'enana 'adi tohegwaegwaeyao.

1 Kolinita 15:38

weyahina toloina tauna Yehoba, ma 'aiwe ta pwatula 'aigeda 'aigeda 'adi 'ita 'ina nuwatuhu gidemusa, ta 'ilagudiya.

1 Kolinita 3:5

Togidega taugu ma Apolosa weyahima wahehe'ohe'ohe? Tauma topaihowa tuwa, 'ida Bada weyahina. Cida Badaina 'ima paihowa 'i'ebwaemaiya hagadi ma hagadi 'apaipaihowadi, ma 'oinega 'omi Keliso wahemisaeya.

Epeso 1:5

Ma 'oinega Yehoba nuwanuwana ta 'ina helauwega 'ihesinuwegita ma Yesu Keliso 'oinega 'i'ahwa natunegita,

Epeso 1:9

Wete sonoga ma sanapu mabwaiyadi 'i'ebwaegita, eeta tauna 'ina nuwatuhu dahwadahwanidi tasanapudiya weyahina bewa 'iloina nugeteya ma 'abehega Keliso 'oinega 'ilosalohidi,

Heꞌitaꞌita 4:11

“Cowa 'ima Bada ta 'ima Yehoba, 'ilobwainemaiya ma 'ahepwatuwego ma 'ahe'asisiyego, weyahina 'ino waiwaiyega ginaula mabwaiyana 'u'abi hemasalehediya. Cuboi 'ino nuwatuhuwega 'upaihowediya, ta nige mayawasidi.”