1 Kolinita 11:23 - Loina Nuahuana

²³ Cida Bada Yesu 'ina 'ai 'ana sanapu 'ihe'ita pwaigauwa ta taugu yahe'itegomi, beno nihuwanaina 'oina Yudasa 'itebaeya, Yesuina beledi 'i'eweya,

1 Kolinita 11:23 ပူးပေါင်းရင်းမြစ်များ

Madiu 26:17

Hataona 'aiina beledi daisina, geya 'ana 'abihesesehamo si'ai'ai. Ta Hataona 'aiina 'ana sabwelo nugeta 'oina Yesu 'ana tomuliyao tupwadi 'oina sinaoma ma sigwaeya, “Bada, ta'eha 'oina nuwanuwau ma Hataona 'e'ahaiina weyahiu 'a'atububu?”

Madiu 26:2

'igwaeya, “Wasanapuya sabwelo 'eluwa ma Hataona Guyaina tapaihowa, ma 'oinega taugu Loheyaiguina 'agu toteba 'i'ebwaegau 'agu 'alehao 'oidiya, ma kelose 'oina silohe'amasigau.”

Madiu 26:34

Ma Yesu Pita 'ihegwaeya, “Yagwae moisa, nihuwana nata, muliyetega 'abwa 'am'am 'idou, ma 'owa matoi 'uuhalegau.”

Madiu 28:20

Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

Luke 22:17

Ta waini mabiyona 'i'eweya, ta weyahina 'iloyauwedowa Yehoba 'oina, ma muliyetega 'ihegwaediya, 'igwaeya, “Biyo bewa wa'ewa ma 'aigeda 'aigeda mabwaiyami wanuma.

Paihowa 20:7

Wiki 'ana sabwelo nugenugetaina 'oina mabwaiyama 'a'eto'autama beledi 'ehisihisi 'ana 'ebe nuwatuhuyahina sabi paihowaina, ma Paulo 'iguguya, weyahina hali sabwelo 'ina tuta tauya. Ta 'ina gwae guguyaina 'iloheduduleya ta 'ana siga hinuwana gamwana, ma tuwa 'abwa 'iguguguguya.

1 Kolinita 10:16

Ceguma sakalemeni weyahina taloyauwedo Yehoba 'oina ma tanuma, beno Keliso bweyahinega 'i'abihe bwebwe'anegita ma Keliso mahetedai tahe'aigeda. Gide beledi 'eguma tahisi ma ta'ai, belediina 'oinega Keliso mahetedai tahe'aigeda, weyahina tauna wahina ta'ai'ai.

1 Kolinita 15:3

Tetelaina lamuna ya'ita lobeya 'oinega yahepwaile 'oimiya 'abehega Keliso 'ida puiyao weyahidi 'i'amasa, gidemusa Buki He'asisi 'ina hepwaila,

Galetiya 1:1

Taugu Paulo Yesu Keliso 'ana tohepwaila 'aigeda, ta 'igu hetohepwaila geya tomota 'idi hesinuwega ma hesi Yesu 'ina hesinuwega, ma Tamada Yehoba wete 'ina hesinuwa. Tauna Yesu Keliso 'amasega 'igihetoholo hileya.

Kolose 3:24

Ma muliyetega Badaina 'oinega 'ami maisa wa'ewa, weyahina 'ida Bada Keliso weyahina tapaipaihowa.

1 Tesalonaika 4:2

Ma wete Bada Yesu 'ina loinaedi 'a'ebwaegomiya wasanapudiya.