1 Kolinita 11:16 - Loina Nuahuana

¹⁶ Cada loina bewa gide, ma geya 'eta wete hali loina tohekalesiyao mabwaiyada 'oida, 'oinega sahena 'eta taiya loinaina weyahina 'igwaegwae hila.

1 Kolinita 11:16 ပူးပေါင်းရင်းမြစ်များ

Paihowa 21:21

Ta wasau sihesagoheya 'abehega 'owa 'ino he'ita meYudiya 'oidiya, taudi 'asa ganamuli 'adi tomiyao ba'idadiyao simiyamiya 'abehega 'uhehe'itadi meYudiyaedi ma Mosese 'ina loina silogwahate, ma sahena natudiyao meloheyadi 'wapidi si'upwa'upwa, ma tubudao mumugadi sahena simulimuliye.

Paihowa 21:24

Coinega 'owa mahetediu wa'abihe 'ehaugomi ma watauya Hada He'asisi 'oina, 'abehega debadi si'oli ma sipwaoli Yehoba 'oina, ta 'imi paihowaina 'ana maisa mabwaiyana 'owa 'ulagu, ma bewa 'oinega tomota mabwaiyadi sisanapugo 'abehega 'owa Mosese 'ina loina 'umulimuliya, ta hesi 'ahwa galagalaedi weyahiu sihesagohediya, mabwaiyana gwae bwagabwaga.

1 Kolinita 11:15

ma 'eguma wahiwahine debadi dudulena beno 'adi 'ebe hepwatu ma wete 'ana 'ebe 'ahusam.

1 Kolinita 16:1

Ginaula 'aigeda wete, helau Yehoba 'ina tomotaedi Yelusalema 'oina 'adi lema weyahina. Mwalo meGaletiya 'idi helau weyahina yahegwaediya, 'oinega 'omi wete gidemusa wada paihowa 'esa,

1 Kolinita 4:5

Bewa tuwa sahena 'eta taiya 'iyanao 'oidiya 'ihesihesinuwa 'abehega bwebwe'adi bo galadi, weyahina 'abwa 'ida Bada 'inaoma ma 'iboinamo 'iloinaegita. Ta 'ina loinaina dumwaluna weyahina 'ida nuwatuhu galadi 'ateda Yehoba 'i'abilatuhedi ma 'iloinaegita, eema 'ida nuwatuhu bwebwe'adi 'i'abilatuhedi, ma weyahidi 'i'ahwa bwebwe'anegita.

1 Kolinita 7:17

Cida paihowa Yehoba 'iheguyai pwaiya 'aigeda 'aigeda 'oida, 'oinega 'ebe paihowaedi 'oidiya tada miyamiya. Bewa gidemusa 'igu loina tohekalesiyao tupwa mabwaiyana 'oidiya.

1 Kolinita 9:1

Sahena tomota sitohotoho ma siloinaegau, nuwana silomugiyegau, ma hesi wanuwatuhu 'abehega taugu Bada Yesu 'ina topaihowa 'aigeda, ma Badaina ya'ita pwaiya, ta he'ote'otetelina wete 'oimiya yahepwaileya, ma wahemisaeya.

1 Kolinita 9:6

Taugu ma Banaba geya hesi 'oima gidemusa wada paihowa 'esa. Tauma 'aboi 'a'ita'ita yahimai, 'ima paihowa 'ana maisa 'oidiyega.

1 Tesalonaika 2:14

Ma wete miya mwauna walobeya, gide wete taudi Yesu Keliso 'ana tohemisao tupwa Yudiya 'oina, weyahina tohekalesiyaowedi 'idi miyamwau silobeya taudimo 'idi tomotaiyao 'oidiyega, gide wete 'omi 'imi miyamwau walobeya waboi 'imi tomotaiyao 'oidiyega.