1 Kolinita 10:13 - Loina Nuahuana

¹³ Weyahina 'ebe tohowedi 'oidiyega Seitani 'itohotohogomi, mabwaiyada wete 'itohotohogita, ta hesi Yehoba tahemisaeya weyahina 'ina loina 'ilaguya ma sahena Seitani 'itohotoho hedadegita. Eema 'eguma tahe'alama'i'itana nata 'eda bwebwe'ana 'ihe'itegita ma 'oinega 'ebe tohowedi tahewaiwai sinedi.

1 Kolinita 10:13 ပူးပေါင်းရင်းမြစ်များ

Madiu 6:13

Ma sahena 'utohotohomai, ma hesi togalaina 'oinega 'u'abihetemai.”

Luke 11:4

Ta 'ima mumuga galadi 'unuwasamudi weyahina 'iyamayao 'idi puiyao 'oima 'anuwasamudi. Ma hesi sahena 'utohotohomai.”

Luke 16:26

Ma wete 'uda sanapu 'abehega gamwagamwanida sa'ala madouna 'imiyamiya, 'iwatahigita, 'oinega geya sowasowahina ma bewa 'oinega 'ahabalawa 'oimiya. Comi wete, geya sowasowahimi ma wahabalama 'oima.’

Luke 22:46

eeta 'ihegwaediya, 'igwaeya, “Sahena wa'eno'eno! Watoholo ma wa'ahwa'ahwanoi, sahena Seitani 'itohotohogemi.”

Paihowa 27:44

ma tupwama wagaina tupwatupwana 'oidiyega 'atube laga, ta mabwaiyama ma'ima bwebwe'ana 'atube haneya 'oya'oya.

1 Kolinita 1:9

Yehobaina ma'ana hemisa madouna eeta 'ibwauwegomiya ma natunaina tauna 'ida Bada Yesu Keliso ba'idamiu wahe'iya'iyagu.

2 Kolinita 1:10

Ma 'i'abihete pwaimaiya 'ebe hesilaeina 'oinega, ma wete 'anuwatuhu yahiya 'abehega 'abwa 'i'abihetemai tuta mabwaiyana 'oidiya.

1 Tesalonaika 5:24

Yehobaina 'ihesinuwegomiya, tauna ma'ana hemisa, eeta to'aha 'ihegwaegita, nata 'ipaihowa.

2 Tesalonaika 3:3

Ma hesi Badaina ma'ana hemisa sowasowahina 'i'abihe pa'aligomi, ma 'i'itayahigomi ma 'ane sahena Seitani 'i'abi'abi tohogomi.

2 Timoti 4:18

Mwauwedi 'oidiyega Cinapwanaina nata 'i'abihetegau ma 'ina 'ebeloina galewa 'oina yaluhu, 'oinega tada hepwatuwe hataya. Emeni.

Ibeliu 10:23

Coinega tatoholo pa'ala ma 'ida hemisa Yesu 'oina ta'abi'abiyahi, ma tahepwaila latuwe tomota 'oidiya, weyahina Togwae hemisaina geya 'i'abo, ta hesi 'ina gwaeyedi gide 'ipaipaihowa 'esedi.

Ibeliu 11:11

Sela wete 'ihe'ai'aihaleya tuwa ma 'ina hemisega wahina 'ihewaiwaiya ta 'igamwa, weyahina Yehoba 'ina gwae hemisaina 'ihemiseya.

Ibeliu 12:4

Ma 'omi tutaina mumuga galana walo'aleheya 'imi miyamwau 'i'iuna tuwa, ta geya sida lohe'amasigomiya Yesu gide.

Ibeliu 6:18

Ginaula waiwaidi 'eluwaedi miyamiya hatayadi, beno Yehoba 'ina gwae hemisa ma 'ina 'eta'wata'walulu. Coinega tasanapuya 'abehega Yehoba geya 'eta tuta 'i'abo. Weyahina tauda bo'i Yehoba 'oina tadena ta 'i'abihetegita, 'oinega ta'atepatu ma tanuwatuhuyahi 'abehega 'ina gwae hemisa 'oida geya'abwa 'i'ebe'ebesinegita.

1 Pita 4:19

Coinega 'eguma 'omi Yehoba 'ina nuwatuhu 'oinega muya walobalobadi, yawasimi watagwaledi tauna 'oina, ma 'ane 'i'itayahigomi, weyahina tauna 'ada Topaihowa bwebwe'ana moisa, ma 'omi wete gidemusa wamumuga bwebwe'ana.

2 Pita 2:9

Coinega tasanapuya Yehoba sowasowana tobwebwe'adi 'ebe tohowao 'oidiyega 'i'abihetedi, ma togalaedi 'iloinaedi ee 'ana siga sabwelo bwa'omatana 'oina.

1 Yoni 1:9

Ma hesi 'eguma tahepwaila moisa ma tagwae “Yapui pwaiya.” beno Yehoba 'ida pui 'inuwasamudi ma 'igihe 'ehau hilegita, weyahina Yehoba mumugana dumwaluna ma ma'ana hemisa.

Heꞌitaꞌita 19:11

Ta ya'iteya galewa 'i'eso'eya, ma hosi wa'ewa'e'ena 'ihapwesa, ta 'ana togeluina sihesaniyeya Toguibiga Dumwaluna. Ma 'ina loina dumwaluna 'oinega 'iyatala ta wete 'ilolo'aleha.

Heꞌitaꞌita 2:10

“Ta geya'abwa wamatamatauta 'eguma to ginaula 'oina muya waloba. Wanuwatuhuyahi 'abehega 'abwa Seitani 'itohogomi, ma tupwami sipaigomi, ma deliya silagugami, ma hesi 'ami mwauwedi sabwelo nima luwaluwa weyahidi. “Ma watoholo pa'ala 'ana siga 'amasa, ma 'oinega yawasimi miyamiya hatayaina ya'ebwaegomi.

Heꞌitaꞌita 3:10

“Ma 'abwa tuta mwau 'ilatu bale'uwa, ma tomota mabwaiyadi 'itohodi, ma hesi 'omi mwauina 'oina ya'itayahigemi, weyahina 'igu gwae wahematamataneya, ma weyahigu wa'alama'i'ita.