1 Kolinita 1:30 - Loina Nuahuana

³⁰ Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

1 Kolinita 1:30 ပူးပေါင်းရင်းမြစ်များ

Madiu 1:21

Ma 'abwa natuna meloheyana 'ihenatune, ma 'uhesaniye sanina Yesu, weyahina tauna 'ina tomotaiyao 'idi pui 'oidiyega 'abwa 'i'abihetedi.”

Luke 11:49

Ginaulaedi weyahidi Yehoba 'ina sanapu 'ilaguya, 'igwae, ‘Cabwa tupwadi palopitao ma 'igu tohepwailao yahesumanediwa, ma tupwadi walohe'amasidi ma tupwadi nata wapa'idi.’

Luke 21:15

weyahina taugu 'abwa gwae dumwaludi ta sanapu ya'ebwaegomi ma 'ami 'alehao gesowana si'ahwa 'abo'abowegomi.

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Yoni 17:26

Coinega mumugau yahe'ita pwaiyeya 'oidiya, ma 'abwa nata wete yahe'ite hiladi, ma 'oinega 'ino helauina 'ateguwa 'imiyamiya taudi 'atediya wete gidemusa 'ida miyamiya, ma taugu wete 'oidiya yada miyamiya.”

Yoni 17:8

Weyahina gwaeyedi 'u'ebwaegauwa yahe'ita pwaidiya ma wete sihemiseya. Coinega sisanapu bwaibwainigauwa 'abehega 'owa moisa 'oiuwega yatauyama ma wete sihemisaegauwa 'abehega 'owa 'uhesumanegauma.

Yoni 8:12

Coinega Yesu wete 'ihegwae hilediya 'igwae, “Taugu gogo gabulena 'ana 'asilala. Ma taiyawedi 'omi 'eguma wamuliyegau, nata taugu 'asilalaina yawasimi 'oidiya yasae hane, ma 'oinega geya'abwa guguyou 'oina watautauya.”

Paihowa 26:18

Weyahina taudi tomiya ganamuli 'oidiya 'abwa yahewasaego, ma matadi 'u'abi he'asilaladi, ma guguyou 'oinega si'ita hila 'asilala 'oina, ta wete Tomudulele 'ina 'ebeloina waiwaina 'oinega sihapwesama, ma Yehoba 'idi puiyao 'inuwasamudi, ma siluhu taudi 'agu tohemisao 'oidiya, beno taudi 'oiguwega si'ehauwa.’

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Loma 11:36

Weyahina tauna ginaula mabwaiyana 'adi topaihowa, ma tauna wete 'ina waiwaiyega 'iboi weyahina 'ipaihowediya. Eeta Yehobaina tauna tahepwatu hatae. Emeni.

Loma 12:5

Tauda gidemusa Yesu Keliso yahunao, ma 'aigeda 'aigeda 'ida paihowao hagana ma hagana, ma hesiyage mabwaiyada Keliso 'oina taheboda 'aigeda ma tahe'abi 'abihetena.

Loma 16:11

Ta Helodiyami weteyage, tauna 'igu susu gwama Yudiya 'aigeda, eema tohekalesiyaedi taudi Nakiso ma 'ina susuwao wete 'oidiya yahelauwa.

Loma 16:7

Ciyagwao Anidaloniko ma Diuniya wete 'oidiya yahelauwa, taudi meYudiya, mwalo mahetegwao deliya 'amiyamiya, siteluwaedi ma'adi 'amayaba Yesu 'ana tohepwailao 'oidiyega, weyahina taudi tohekalesiya nugenugetadi 'abwa muliyega taugu.

Loma 4:25

Tauda tuwa 'ida pui weyahina Yesu 'i'amasa, ma Yehoba 'i'abihetoholo hileya, ta beno 'oinega 'ideuligita ma 'i'ahwa dumwaluwegita.

Loma 4:6

Ma Debida wete gide 'igwaeya mwalo, 'abehega taiyewedi Yehoba 'i'ahwa bwebwe'anediya beno geya 'idi paihowa 'oinega, ma hesiyage 'idi hemisega 'i'ahwa bwebwe'anediya. Ta wete 'idi yaliyaya weyahidi 'ihepwaileya,

Loma 5:19

Ma wete 'aigeda loheya loinaligeha 'oinega galanaina 'ilatuma ta tomota mabwaiyadi sigala, ma wete 'aigeda loheya bwebwe'ana 'ina tagwalega tomota mabwaiyadi 'ideulidiya, ma Yehoba 'i'ahwa dumwaluwediya.

Loma 5:21

Coinega tasanapuya 'abehega pui huwaina beno 'amasa, 'ihewaiwaiya tomota 'oidiya, ma Yehoba 'ina helau huwaina 'ihewaiwai hedadeya, beno 'etolihasa ma yawasi miyamiya hatayana 'ida Bada Yesu Keliso 'ina paihowa bwebwe'ana 'oinega.

Loma 8:1

Coinega 'eguma Yesu Keliso mahetedai, nata geya 'eta taiya 'ina gwae mwauna 'oida 'ilagulagu.

Loma 8:23

Ma tauda Yehoba Yaluyaluwana lotohona bwebwe'ana 'i'iuna 'i'ebwaegita ee 'abwa muliyetega miya bwebwe'anaina taloba moisa. Coinega bewa tuta ma'ada muya tawelawelaha, ma tayamwayamwa tolahisa 'abwa wahida 'i'abi'ehau hila, ma 'i'ahwa natunegita moisa.

Loma 8:9

Ma 'omi Yehoba Yaluyaluwana 'iloiloinegomi, ta 'oimiya wete 'imiyamiya, eeta waboi 'imi nuwatuhu geya 'ida loinegomiya. Weyahina 'eguma taiya Keliso Yaluyaluwana geya 'oina, tauna geya Keliso 'ina boda.

1 Kolinita 1:24

Ma hesi tauda Yehoba 'ana tohemisao 'ihesinuwanegita boda Yudiya ma hali bodao 'oidiyega, ma Keliso 'oinega Yehoba 'ina waiwai ta 'ina sanapu 'i'ebwaegita.

1 Kolinita 12:18

ta Yehoba bewa gide 'inuwatuhuya ta yahu baibaiwadi 'idi paihowa 'i'ebwaediya.

1 Kolinita 12:27

Coinega 'aigeda 'aigeda tauda Keliso yahunao,

1 Kolinita 12:8

ta hesi hagadi, weyahina loheya 'aigeda 'ana heguheguyai nuwatuhu, ma 'aigeda sanapu, ginaula dahwadahwaina weyahina,

1 Kolinita 4:15

Moisa, 'imi tohe'itao boda hedada Keliso 'ina 'eda'edao weyahina, ma yaboigumo tuwa tamamiu, weyahina tetela bwebwe'ana 'ana guguya 'oinega ya'ewegomiya Yesu Keliso 'oina.

1 Kolinita 6:11

Weyahina tupwami mwalona mumugami gidemusa, ta hesi tuwa Yehoba 'ideuli pwaigomiya, ta wa'ehauwa, weyahina 'ida Bada Yesu Keliso saninega ma Yaluyaluwa Tabuna 'ina paihowa 'oinega 'i'abihedumwalu pwaigomiya.

2 Kolinita 12:2

Caigeda Keliso 'ina loheya yasanasanapu, tauna bolime potini sigumwala 'oina Yehoba 'itoeya galewa, nuwana 'wapina bo yaluyaluwanamo, 'iyamuge, Yehobamo 'isanasanapu. Citoeya ta 'ihaneya galewa 'aigeda 'oina, ta 'ihaneya wete galewa heluwena, ma wete 'ihaneya galewa hetoina 'oina.

2 Kolinita 4:6

Weyahina Yehobaina 'igwaeya, “Guguyou 'oina 'asilala 'ida saehane,” ma Yehoba 'atema 'isaesaehane, 'oinega tauna 'ina 'asilala Keliso manina 'a'ita'ita.

Galetiya 1:4

Weyahina Tamada Yehoba 'ina nuwatuhu bewa gidemusa, eeta Yesu tauna 'itagwaleya ta 'i'amasa 'ida puiyao weyahidi, ma 'oinega tuta bewa galana 'ina waiwaiyega sowasowana 'i'abihetegita.

Galetiya 3:13

Ta geya sawasawahina loina mabwaiyana tahematamatanedi, 'oinega Kelisoina 'ihemiyalaenegita ta 'i'abihetegita loina 'ana mwau 'oinega. Loina 'ana mwau bewa, 'eguma geya tada hematamatanediya ta'amasa, 'oinega Keliso tauda weyahida 'i'amasa gidemusa taudi togala madoudi 'adi lohe'amasa kelose 'oidiya. Buki He'asisi mwalo 'ina gwae bewa weyahina 'igwaeya, “Ceguma taiyawedi kelose 'oidiya silagudi ma si'amasa, to'amasaedi 'ahwa galagala siloba Yehoba 'oinega.” Eeta Keliso tauda weyahida mwauina 'ilobeya.

Epeso 1:10

ta 'ina loinaina bewa 'abehega tuta 'ana 'ebelosaloha 'oina Keliso ginaula mabwaiyadi 'ihegogonedi ma sihe'aigeda, beno ginaula galewa ma wete ginaula bale'uwa mabwaiyadi 'ilagu hegogonedi tauna matana.

Epeso 1:14

gide 'ila'ilala, ma 'oinega tasanapuya 'abehega 'ada maisa galewa Yehoba 'oinega 'abwa ta'ewa, ma weyahina tahepwatuwe, ta wete ta'ahwa bwebwe'ana.

Epeso 1:7

Eeta Natuna bweyahinega 'ilihasigita 'ida puiyao 'oidiyega ta Yehoba 'inuwasamudiya, beno tauna 'ina helau madou hedada 'i'ebwaegita. Ta 'ana madou geya 'ana lihemo.

Epeso 2:10

Ma hesi Yehoba 'iboimo 'ina paihowa 'ateda 'i'atububudiya Yesu Keliso 'oinega, ma 'abehega tapaipaihowa paihowaedi bwebwe'adi Yehoba mwalo hene 'ihesinuwediya weyahida.

Epeso 4:30

Geya'abwa Yaluyaluwa Tabuna nuwana wagihegihegala, weyahina Yaluyaluwa Tabunaina gide 'ila'ilala 'oida, 'abehega 'abwa 'ada gihe'ehau taloba.

Epeso 5:26

'ada gihe'ehau weyahina, beno 'ida pui 'ana 'ebe deula we'ahaina 'ina gwae 'oinega,

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

Kolose 1:14

Weyahina tauna 'oina 'etolihasa talobeya, beno 'ida pui 'oidiyega 'ibuyogita.

Kolose 3:16

Wete Kelisoina 'ina gwae bwebwe'adi 'atemiya sibwala moisa, ma 'aigeda 'aigeda 'oimiya wahehe'ita ma walolohatoto sanapu moisa 'oinega, ta wete 'ami wali ma Same walinao 'oidiyega, wete walibui 'oidiyega, Yaluyaluwa Tabuna 'oinega, ma'imi loyauwedo Yehoba 'oina 'atemiyega.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Ibeliu 9:12

Coinega Yesu Tupwa He'asisi Hedade 'oina 'iluhuwa ma'aigeda, ta bweyaha 'oinega 'ipwaoli, ma bweyahina geya hebai goti bweyahidi bo bulumakau 'i'iudi bweyahidi, ta hesi tauna bweyahina, ta 'oinega 'ada 'abihe'ehau hataya talobeya.

Yemesa 1:5

Ta 'eguma taiyawedi 'omi Yehoba 'ana sanapu moisa geya 'oimiya, Yehoba 'oina wa'ahwanoi, ma 'oimiya 'i'ebwaya, weyahina tauna Totagwala ma To'ebwaya moisa.

1 Pita 1:2

Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

1 Yoni 5:6

Natunaina 'ina tauyama 'oida beno bwasiyega ma wete bweyahega, tauna Yesu Keliso, geya bwasimo 'oinega, ma hesi bwasi ma bweyaha wete 'oidiyega. Bewa weyahina Yehoba Yaluyaluwana 'ihepwaila moisa, weyahina Yaluyaluwana mumugana dumwadumwaluna.

Heꞌitaꞌita 14:4

Ma taudi loheloheyaedi geya sipui wahiwahine mahetediyao 'idi tuta sedasedega ma 'itautauya, ma hesi lami simuliya bwaibwaini 'eguma ta'eha 'itauya. Taudi Yehoba 'igimwane nugetediya tomota 'oidiyega, beno Yehoba ma lami 'idi 'etahi nugenugetana.

Heꞌitaꞌita 5:9

Ma wali 'ehauna siwaliyeya sigwae, “Moisa, 'owa sawasawahiu ma buki beno 'u'ewa, ma wete 'ana losipwa sawasawahiu ma 'ulihasi, weyahina silohe'amasigowa ta bweyahiuwega tomota 'uhemaisediya Yehoba weyahina, taudi bodaedi, 'enanaedi, susuwedi ma 'ebeloinaedi mabwaiyadi 'oidiyega.