1 Kolinita 1:18 - Loina Nuahuana

¹⁸ Kelose tetelinaina tomota tupwadi si'ahwa 'abo'aboweya, taudi yaluyaluwadi 'ama'amasidi, ma hesi tauda tahemisaeya 'abehega Yehoba 'ina waiwai tetelaina 'oina 'imiyamiya, ma 'oinega 'ilemegita.

1 Kolinita 1:18 ပူးပေါင်းရင်းမြစ်များ

Paihowa 13:41

'Comi tolotuyenao, 'igu paihowa bewa wa'ita ma weyahina nuwami 'ihenainaida, ma muliyetega wahesilae, weyahina 'imi tuta 'oina 'igu paihowaina nata sihepwaila 'oimiya, ma hesi geya wahemisa.’”

Paihowa 17:18

Ta tupwadi tosinasinapuwao wete, taudi sihesaniyediya Epikulo, ma tupwadi Sitoike wete, Paulo ba'idadiu sihehegwaegwae ta tupwadi taudimo 'oidiya sihe'ote'otetela, sigwaeya, “Ciya! Toheyauyaule to'aha 'igwaeneya?” Ma tupwadi sigwae, “Nuwana hali Yehoba weyahina 'iloguloguguya,” weyahina sihesagoheya Yesu 'ina toholohila 'amasega weyahina 'ilologuguya.

Paihowa 17:32

Ma bodaedi to'amasa 'idi toholo hila wasana sihesagoheya, ma tupwana sihenameya, ta tupwadi sigwaeya, “Nuwanuwama ma 'abwama nuwatuhu bewa weyahina 'uhe'ote'otetela hila ma 'ada hesagoha.”

Paihowa 2:47

ma Yehoba sihehepwatuwe. Ta hesi tomota mabwaiyana tohemisaowedi si'ahwa bwebwe'anediya. Ma sabwelo 'aigeda 'aigeda 'oidiya Yehoba tupwana tomota wete 'i'abi'abihetedi, ta tohekalesiyao 'adi baibaiwa 'imadomadou.

Loma 1:16

Tetelaina 'ana loguguya weyahina geya yada debamwadina, weyahina Yehoba 'ina waiwai 'oina 'imiyamiya, eeta 'eguma taiyawedi sihemisa 'i'abihetedi, beno tauma meYudiya 'oima ma muliyetega 'omi tomiya ganamuli 'oimiya.

1 Kolinita 1:21

Weyahina sanapu bale'uwa gesowana 'oinega Yehoba tasanapu, ma hesi Yehoba 'ina nuwatuhu ta 'ina tetela 'ana lohatotomo 'oinega 'ana tohemisao tauda 'ilemegita. Tetelinaina mebale'u siheginaula bwagabwagaeya.

1 Kolinita 2:14

Ta hesi 'eguma geya, geya'abwa wete sisanasanapu, weyahina 'oidiya 'abehega ginaula yauyauledi tuwa. Coinega geya sowasowahidi ma ginaulaedi sisanapudi, weyahina Yehoba Yaluyaluwana geya 'i'abihenuwa sabwalenidi.

1 Kolinita 2:2

Ta hesi nuwanuwagu ma Yesu Kelisomo weyahina yada guguya 'oimiya tauna silohe'amasiya kelose 'oina.

1 Kolinita 3:19

Weyahina sanapu bewa bale'uwa gide yauyaule Yehoba matana. Weyahina Buki He'asisi 'oina 'ihepwaila gidemusa 'igwaeya, “Yehoba tosanapuwao 'i'onediya ma sida hesilae siboi 'idi gomanega.”

1 Kolinita 4:10

Ta 'ama 'ita gidemusa yauyauleima Keliso weyahina, ma hesi 'ami 'ita gidemusa taudi Keliso 'ana tosanapuwao, weyahina tauma we'awe'aima ma 'omi waiwaimi, ta ma'ami he'asisi, ma tauma hesi ma'ima debamwadina.

2 Kolinita 10:4

Wete 'ida tobwatobwa geya mebale'u 'idi tobwatobwa 'aleha gidemusa, ma hesi 'ida tobwatobwa hagana ta 'oidiyega Tomudulele 'ina 'ebeloinao tahewaiwai sinedi, Yehoba 'ina waiwaiyega.

2 Kolinita 4:3

Ma 'eguma tupwana tomota 'ima he'itao geya sisanapu, siboidimo hesilae 'ina 'eda 'oinega sitautauya.

1 Tesalonaika 1:5

Coinega tutaina tetela bwebwe'ana ya'ebwaegomiya, geya 'abehega gwae namo, ma hesi Yaluyaluwa Tabuna gwaeina 'i'abihe pa'aliya 'oimiya, ma 'ane gwaeina wa'ahwa moisae, ta tauma wete 'ima paihowa weyahimi wa'iteya, beno paihowa dumwaluna.

2 Tesalonaika 2:10

Ma taudi tetela moisa 'adi tologwahatao 'idi tupwa 'asa 'ala'alatana, Yehoba 'itagwaledi ma Seitani 'ina 'e'abo'abo mabwaiyana sihemisaedi, ma taudi yatala siloba, weyahina geya nuwadi he'ita moisa, ma hesi silogwahateya,

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 4:12

Moisa, Yehoba 'ina gwae mayawasina ta waiwaina gide 'elepa 'aleha 'ina matamatagi matupwa luwaluwana, ta sawasawahina 'ibadigita 'aloda moisa, beno nuwatuhu ta mumuga dahwanedi simiyamiya.