ZEPHANIAH 3:8 - Bawm Common Language Bible Version

⁸ LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

ZEPHANIAH 3:8 ပူးပေါင်းရင်းမြစ်များ

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 123:2

LALPA, kan Pathian, to-aw nih a pu a ngauhsan hâwi hen leh to-awnu nih a pi a ngauhsan hâwi hen, kan lakah khua na ruat lânlo chu nangmah lei kan hawng hawi kumza lai.

SAM 27:14

Lungdawng lo hen LALPA chu zumh le, amah lakah a ngauh rawh. LALPA chu zumh rawh.

SAM 37:34

LALPA lakah lungum le, a thupêk tla zûl rawh; ram an pêk mi hen thangṭhat an lawhtir lai, chun misual tla nar an si mi na muh lai.

SAM 37:7

LALPA thilti chu felfê tak hen ngâk le, Mi le sul-le-lam tluang ruangah na thasia lah le, Misual tla an thilsual tum lakah an dingchangnâk ruang khawm ah.

SAM 62:1

Pathian nih ruang hawng ka suah ding hen, felfê tak hen ka ngâk le; amah sin cho ah ka ngauh.

SAM 62:5

Pathian lak cho ah ka ngauh, amah lakah ka lungumnâk ka siah.

SAM 79:5

LALPA, kan lakah na thin a run awt kumza na maw? Na thinrunhnâk chu mei hâwi hen a kâng vima awt na maw?

SAM 79:6

Nangmah a nan sawnh lotu phun leiah na thinrunhnâk suah le, nangmah sinah thlacham lotu minung tla tlûnah chun.

THUFING LASUIBU 20:22

Thil diklo rangah a pêk lah, LALPA lakah a ngauh le, amah nih a diktir lai.

LA TLA LA 8:6

Mikip duh lo ding hen na thinlung khâr le, keimah lâwng hawng ka duh, keimah lo chu âukhawm na kut hen sih lah na. Dâwtnâk chu thihnâk hâwi hen thil a ti kho le, duhnâk chu thihnâk hâwi ber hen a chak. Meialh a hawng suak le, mei a tlân mi hâwi hen a kâng.

ISAI 14:26

Hi hi laikulh rangah ka thiltum leh phun tla rêp ding hen ka bân ka phar,” ti hen siat a sirh.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 34:2

LALPA chu phun zawzawng leh an kawrsen zawzawng lakah a thin a run. Siat leh râwk ding hen a mawhtir na.

ISAI 63:6

Ka thinthawknâk hen phun tla chu ka lamh na le, ka râwk na. An nungnâk thisen chu tual tlûnah ka thlêt,” a ti.

JEREMIA 10:25

Nangmah a nan sawnh lotu leh a nan duhlotu phun tla tlûnah na thinthawknâk tlungtir. Na mi tla chu an thah na le, hawng kan veih dep le, kan ram khawm râwk dep hen an mâk thlap.

HOSEA 12:6

Churuangah Jakob thlâk tla, tuah nan Pathian chu rinhsanh ule, a sinah kîr u. Zumhkâi leh rep tak hen um ule, nan Pathian nih thilti ding mi dawnh kho tak hen ngâk rarâm u.

JOEL 3:2

Phun tla zawzawng ka pumh lai. Lâirêlnâk (Jehoshaphat) Vakuam ah ka put na lai. Chun ka mi le tlûnah thil an ti mi ruangah lâi ka rêl lai. Ramdang ah Israel tla chu an rek phin na le, Israel umnâk ka ram chu an semsâi ver.

MIKAH 7:7

Sikhawmsele, LALPA lei ka zauh kumza lai le, Pathian ruang hawng ka suahtu chu ka rinhsanh. Ka Pathian nih hawng ka ngâi lai.

HABAKUK 2:3

Chu rîn mi chu a hun tak a tlung lo rih ruangah siah ziar. Sikhawmsele a tik chu khulrang hen a hawng tlung lai. Tlâi dauh khawm asi kho, ngâk ko rih le; a hawng um ngelchel lai, a tlâi tuk lai lo.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

HAGAI LASUIBU 2:22

lalram tla leh an thiltikhonâk ka dawngtir awt, an kari leh a khalhtu tla chu ka thal tlak lai le, rang tla an thi lai le, a tlûnah totu tla chu anmah leh anmah anna thah lai.

MATHAI 25:32

Chun, a mâika ah phun kip anna pûm lai le, dawrâ vêngtu nih kêl lakah mi dawrâ a thlei hâwi hen annih tla chu a thlei lai.

2 PETER 3:10

Sikhawmsele, Lalpa Ni chu mifîr hâwi hen a hawng tlung lai. Chu ni tla chun vân tla chu rihâu fâk tak hen a tlâu lai le, veih asi lai; tual leh a sungah mi tla chu a kâng lai.

THUPHUANG 16:1

Chun, Pathian biakin thawk hen hâu fâk tak hen vânmifial pasarih tla sinah, “Kal ule, Pathian thinthawknâk berhbu tla chu tual ah thlêt u,” a ti mi ka theih.

THUPHUANG 16:14

Chun, chu tla chu khuri thlarau thilche titu tla an si. Hi thlarau pathum tla hi Zeizawng tikho Pathian ni rokual ah râltuknâk ah kalpi na ding leh laikulh lal zawzawng tla pumh na ding hen an suak rawh.