ZEPHANIAH 3:2 - Bawm Common Language Bible Version

² LALPA thu a ngâi duh lo le, a nunsimhnâk khawm a pawm lo. LALPA sinah a ngauh hen ṭangpinâk khawm a deih lo.

ZEPHANIAH 3:2 ပူးပေါင်းရင်းမြစ်များ

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

SAM 10:4

Misual nih chun LALPA chu a sunhsak lo; a putsonâk thinlung hen Pathian chu zeikhawm silo hen a ruat.

SAM 50:17

A nan diktir ding hen na ka duh lo le. ka thupêk khawm na duh lo.

SAM 73:28

Kei lam chu, na kiangah um hi thungâi chê ka ti le, LALPA, Chungnungchem zauhkhenhnâk ting ding leh a thilti phuang ding hen.

SAM 78:22

anmah ruangsuah ding hen amah chu an zumh lo ruang leh an lunglo ruangah.

THUFING LASUIBU 1:7

Theihnak nei ding hen LALPA chu na zah masa chem ding asi. Simh ngâilo mi tla nih finghnâk khawm an siarlo le, sîn ding khawm an duh lo.

THUFING LASUIBU 5:12

“Zei rangah ka ngâilo aw? Zei rangah nun hawng ka simhtu ding ka duh lo.

ISAI 1:5

Zei rangah a lakah hel kumza hen nan um? Rêp hen um ma nan duh nget rih? Israel, na lû chu liam mâ nih a tuam pang le, na thinlung leh na dawnruatnâk khawm a ngawr.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 43:22

LALPA nih, “Israel, na hawng ka neng rawh ma hi; na hawng ka sawnh lo thlo rawh.

ISAI 9:12

Saklei ah Siria mi leh thlanglei ah Philistia tla chu Israel veih ding hen an kâ an âng. Chu hâwi tluk asi khawm ah LALPA thinthawknâk chu a reh dahlo rih; rêp ding hen a kut chu a zangh nget rih.

JEREMIA 13:25

Hi hi na thihnâk ding mi asi a ti. Amah na philh hen pathian diklo tla na zumh ruangah chu chu na lakah tlung ding hen a ruat mi asi.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 32:33

Ka sîntir na lemang khawm ah an dunglei an hawng ka sît le, ka thu an ngâi hen an châwng duh lo.

JEREMIA 35:17

Churuangah chun tuah Kei, LALPA Zeizawng tikho, Israel Pathian nih Juda mi tla leh Jerusalem mi tla tlûnah siatnâk hawng tlung ding hen ka tiamh mi zawzawng ka hawng tlungtir awt. Nan sinah thu ka sim khawm ah nan ka ngâi piak duh lo le, ka nan auh na khawm ah nan ka sâng lo ruangah hi hi ka ti awt asi,” a ti.

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

EZEKIEL 22:24

“Thikho mi minung, Israel mi tla rangah, an ram a nâwm ruangah ka thinthawknâk hen ka rêp mi asi ti simh na.

EZEKIEL 24:13

Jerusalem, na hurnâk thilti nih a nan nawmh. Thiangtir ding ka nan tum khawm ah na nâwm nget rih. Ka thinthawknâk zawzawng na theih lânlo chu na thiang ding asi lo rawh.

ZEPHANIAH 1:6

Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

2 TIMOTHE 3:16

Pathian lasui thu kip, Pathian thaw khumh hen pêk rawh mi chu sîntir leikâng tla ah, mawhtir leikâng tla ah, nunsimh leikâng tla ah, repnâk sîntir leikâng tla ah a ṭhavak ber asi.

HEBRAI 10:22

Kan thinlung ah sia leh ṭha theihnâk sual thiang rawh hen, kan taksa tla tî fîm lakah ṭâwl hen lungnâk rangtling nei hen, thinlung tak put hen Pathian kan naih lai.