ZEPHANIAH 3:1 - Bawm Common Language Bible Version

¹ Jerusalem râwk hen um mi, mah minung tla nehsawhtu khuapi chu a vânduai rawh.

ZEPHANIAH 3:1 ပူးပေါင်းရင်းမြစ်များ

ISAI 30:12

Sikhawmsele, hi hi Israel Pathian thenhlimh nih a sim mi asi: “Thu ka nan simh na mi chu ngâi ding nan duh lo le, râwknâk leh perpetnâk ah nanna ngauh.

ISAI 5:7

Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

ISAI 59:13

Na lakah kan hel le, kan nawng le, a nan zûl ding kan êl. Midang rangah kan nehsawh le, kâng dang leiah kan hawitâk. Kan thinlung dawn khawm a diklo rawh, kan thusim tla khawm âwkrâwl asi.

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 5:23

Sikhawmsele nannih mi zapi tla, nan lungkhung hen nan hel le; nanna kiang le, nan hawng ka mâk thlap.

JEREMIA 6:6

LALPA Zeizawng tikho nih lalchem tla chu Jerusalem hual ding hen thing tla hâu ding leh mualpâwng tla siam ding hen thu a pêk na mi asi. “Hi khuapi hi nâunehnâk hen a khat ruangah ka rêp awt.

JEREMIA 6:7

Tikhurchawh nih tî thar a kil mi hâwi hen, Jerusalem nih a thilsual thar chu a kil thlir. Khuapi sungah siat leh râwknâk hâu ka theih; damlonâk leh liam mi tla zawzawng ka muh.

EZEKIEL 22:29

Neihnâk nih a perpet na le, a râwk na. Mipâm tla an nehsawh na le, ramdang mi tla chu dingchang phahnâk ah an mang.

EZEKIEL 22:7

Khuapi lakah âukhawm nu leh pa zahtu an um lo. Ramdang minung chu na perpet le, numei leh mi ngâkṭah tla chu dingchangnâk ah na mang na.

EZEKIEL 23:30

Na zuarnâk leh na hurnâk nih hi hi na lakah a hawng tlungtir mi asi. Phun tla lakah na zuar le, an milem lakah na nawmh.

LEVITICUS 1:16

A chawkpaw leh a zeizawng chu mâichâm sîr saklei kângah vachâm lawnhnâk ah a lawnh ving lai.

AMOS 3:9

Aigupta leh Asdod mun ah um mi tla sinah thu sim u, “Samaria kiangkam tlângah a pûm ule, chunah dân buarnâk leh nawknâk tla chu zauh u,” a ti.

AMOS 4:1

Nannih Samaria ram mi nunau, Basan chawpinu bit tal a châwm mi hâwi tla, mi chaklo leh mipâm tla nehsawhtu, din phung hen nan pasal le nih an châwm na ding hen hauhtu tla, ngâi u!

MIKAH 2:2

Phâisen an duh mi tla an lâk piak na le, in an duh mi zawng an lâk piak na.

ZEKARIA 7:10

Nan lakah numei leh ngâkṭah tla, ramdang mi minung leh ṭangpi herh âuzawng um mi tla chu nâuneh lah na u,’ ka ti na.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.