ZEPHANIAH 2:9 - Bawm Common Language Bible Version

⁹ Kei, Israel Pathian nung tak kasi ruangah Moab leh Amon chu Sodom leh Gomorah hâwi hen ka veih na awt ti ka tiam asi. Chitê khur ah â chang lai le, belh nih khuh dep hen a râwk kumza lai rawh. Ka mi a thibang tla nih an ram chu rûn hen an lâk piak na lai.

ZEPHANIAH 2:9 ပူးပေါင်းရင်းမြစ်များ

ISAI 11:14

Thurual hen thlanglei mi Philistia tla an do na lai le, saklei ah um mi tla khawm an rûn na lai. Edom leh Moab mi tla chu an neh na lai le, Amon mi tla nih an thu an ngâi piak lai rawh.

ISAI 25:10

LALPA nih Zion Tlâng chu a hum lai le, sikhawmsele Moab mi tla lam chu tual ṭha lakah mi fapawn hâwi hen lamh dep an si lai.

ISAI 49:18

Na kiangkam tla a hawi le, zei thil a hawng tlung zauh! Na minung tla anna pûm hen in leiah an hawng tlung liau chir! Kei Pathian nung kasi ruangah, na mi tla chu mo nih a lungsung â zumh phah mi hâwi hen na mi tla chu zumhnâk ah na mang lai.

JEREMIA 46:18

Kei, LALPA Zeizawng tikho chu lalchem kasi. Pathian nung kasi. Tabor tlângah insâng tla nih tlâng sâng tla a lanh mi leh Karmel tlâng tla chu tipi ngâk hen a sâng mi hâwi hen a nan dotu chaknâk chu asi lai.

JEREMIA 48:1

Hi hi LALPA Zeizawng tikho nih Moab thu a sim mi chu asi: “Nebo mi tla chu pawi tipi na u, an khuapi tla â râwk rawh! Kiriathaim lâk hen a um le, a khua kulh bir tla khawm siat hen a um le, a mi tla khawm ningzak saih hen an um; Moab rokualnâk chu a vei rawh.

JEREMIA 49:1

Hi hi Amon thu LALPA nih a sim mi chu asi: “Israel mi tla zeiah an um? An ram vêngtu ding pakhat khawm an um lo na maw? Zei rangah Milkom sawnhtu tla chu Gad phun ram an lâktir na hen chunah an umnâk ah an umtir na êu?

JEREMIA 49:18

Sodom leh Gomorah kiangkam a mi khuapi â râwk liauah thil an lakah a hawng tlung mi hâwi hen Edom tlûnah a hawng tlung lai. Chunah chun âukhawm an um lai lo rawh. Kei, LALPA nih ka sim asi.

JEREMIA 49:33

Hazor chu kâwlui umnâk mun cho siding hen râwk dep hen ka siam pawt lai rawh. Chunah chun âukhawm an um lai lo rawh. Kei, LALPA nih ka sim asi,” a ti.

JEREMIA 50:40

Sodom leh Gomorah leh a kiangkam ah khuapi tla ka râwk na liau mi hâwitê hen Babulon lakah a hawng tlung lai. Âukhawm chunah chun an um nawlh lai lo rawh. Kei, LALPA nih ka sim asi.

AMOS 1:13

LALPA nih, “Amon mi tla chu an sual nûnah an sual nget ruangah ka rêp nget na awt. An râltuknâk mun tam tak ah Gilead ram nunau râi mi paw an khei piak na.

AMOS 2:1

LALPA nih, “Moab mi tla chu sual nûnah an sual nawlh le, churuangah ka rêp na nget awt. Edom lal ruh chu zahnâk nei lo thlo hen vachâm ah kal dep hen an râwk.

ZEPHANIAH 2:14

Ranrual tla, ran tla, ramsa chi kip an bawk lai. Chu râwknâk mun ah chun sûmbuh tla an um lai le, langawtkawt lakah an âwn lai. Kawtkâ kâinâk bak ah langâk tla an âwn lai. Sidar thing hen sak mi in tla chu râwk dep hen a um lai.

ZEPHANIAH 2:7

Juda thibang um tla nih, na ram chu an luah lai. Chunah an dawrâ tla an tlawngtir lai le, Askelon khua mi in ah an riak lai. LALPA an Pathian chu an sinah a um lai le, sul-le-lam tluang hen a siam nawlh na lai.

ZEPHANIAH 3:13

Israel a thibang tla nih chun âu sin khawm ah thil diklo ti hen âwkrâwl thu an sim lai lo le, perpet ding an tum lai lo. Sul-le-lam tluang leh him tak hen an um lai le, âukhawm ṭih an nei lai lo,” a ti.

ZEKARIA 2:13

LALPA chu a mun thenhlimh thawk hen a hawng awt ruangah mikip a mâika ah dâisip hen um u.

NUMBER 14:21

Sikhawmsele, ka nung mi leh ka umnâk tual sâl hen thu ka tiamh asi,

ROM 14:11

Pathiau lasui thu nih, “Lalpa nih chun, Pathian nung kasi ruangah mikip ka mâika ah an kûn lai le, lei kip khawm nih Pathian kasi zia a phuang lai,” ti hen, a sim hâwi khan.

DEUTERONOMY 29:22

“Hi nûnthâi ah nan thlâk tla leh ramdang mi tla nih nan ram ah siatnâk LALPA nih a hawng tlungtir mi tla chu ram lât tak a thawk hen a hawng muh lai.

DEUTERONOMY 29:23

Phâisen tla chu a karo hen a um lai le, kât leh chitê nih a tuam lai; zeikhawm chîng asi lai lo le, belh tiang a kho lai lo. Nan khuapi tla chu Sodom leh Gomorah, Admah leh Zeboim a thinthawk fâk liauah LALPA nih a râwk mi hâwi asi lai.