ZEPHANIAH 2:8 - Bawm Common Language Bible Version

⁸ LALPA Zeizawng tikho nih, “Amon leh Moab mi tla nih ka mi tla an ram lâk piak na ding hen an zauhnawmh hen an siar na lo ti ka theih.

ZEPHANIAH 2:8 ပူးပေါင်းရင်းမြစ်များ

GENESIS 19:37

A upa dauh mi fanu nih fapa a nei le, a min ah Moab a sak. Tu liauah Moab murui thlâktu chu asi.

GENESIS 19:38

A fanu niang dauh mi khawm nih fapa a nei bâk le, a min ah Benammi a sak. Tu liauah Amon tla thlâktu asi.

ISAI 15:1

Hi hi Moab thu ah thuchah chu asi: Zân khat ko ah Ar leh Kir khuapi chu veih asi le, Moab ram chu a dâi dep.

ISAI 16:6

Juda mi tla nih, “Moab mi tla anna zûm zia chu kan theih. Anna zûm zia leh anna sung-û tir zia khawm kan theih le, sikhawmsele anna khâwngnâk tla chu a karo asi,” an ti.

JEREMIA 12:14

LALPA nih, “Israel zâwlbâwm tla, ka mi Israel rangah ka pêk na mi ram râwktu thu sim ding zeimawh ka nei. Chubang misual tla chu thil phun mi a ram phâwi zek mi hâwi hen an ram lakah mi ka lâk ving na lai le, anmah lakah mi Juda tla chu ka hum na awt.

JEREMIA 48:1

Hi hi LALPA Zeizawng tikho nih Moab thu a sim mi chu asi: “Nebo mi tla chu pawi tipi na u, an khuapi tla â râwk rawh! Kiriathaim lâk hen a um le, a khua kulh bir tla khawm siat hen a um le, a mi tla khawm ningzak saih hen an um; Moab rokualnâk chu a vei rawh.

JEREMIA 49:1

Hi hi Amon thu LALPA nih a sim mi chu asi: “Israel mi tla zeiah an um? An ram vêngtu ding pakhat khawm an um lo na maw? Zei rangah Milkom sawnhtu tla chu Gad phun ram an lâktir na hen chunah an umnâk ah an umtir na êu?

LUNGFÂKNÂK 3:61

“LALPA, an ka zauhnawmh mi leh an ka phiarnâk tla na theih.

EZEKIEL 21:28

“Thikho mi minung, thu simkan rawh. Kei, LALPA Zahkâi nih ka sim mi hi Amon mi tla Israel zauhnawmhtu tla sinah sim. Hi hâwi hen simh na: ‘Nâmsâu chu veih ding hen tîm chia asi le; Mîmthlalek hâwi a tlêu hen thah ding hen tât asi rawh.

EZEKIEL 25:1

LALPA nih ka sinah thu a sim.

EZEKIEL 35:12

Churawhchun, Israel tlâng tla chu a karo hen a um le, anmah veih ding hen nangmah tâ si rawh hen na sim mi chu kei LALPA nih ka theih ti na theih lai rawh.

EZEKIEL 36:2

kei, LALPA Zahkâi nih an rangah thuchah ka nei mi chu ngâi ding hen simh na: Israel mêlma tla nih diriamh hen, ‘Tuah chun a lânah tlâng tla chu kan tâ si rawh!’ an ti.

AMOS 1:13

LALPA nih, “Amon mi tla chu an sual nûnah an sual nget ruangah ka rêp nget na awt. An râltuknâk mun tam tak ah Gilead ram nunau râi mi paw an khei piak na.

AMOS 2:1

LALPA nih, “Moab mi tla chu sual nûnah an sual nawlh le, churuangah ka rêp na nget awt. Edom lal ruh chu zahnâk nei lo thlo hen vachâm ah kal dep hen an râwk.

ZEPHANIAH 2:10

Hi hâwi hen Moab leh Amon tla, LALPA Zeizawng tikho minung tla zauhnawmh hen siarlotu tla chu rêp hen an um lai.

JOSUA 5:9

LALPA nih Josua sinah, “Tusûn ni ah hin Aigupta ram ah mualpho tak hen sal nan si mi chu ka lawnh rawh,” a ti. Churuangah asi, a mun min ah Gilgal an tinâk chu- chu min chu a put nget ko rih.