ZEPHANIAH 2:7 - Bawm Common Language Bible Version

⁷ Juda thibang um tla nih, na ram chu an luah lai. Chunah an dawrâ tla an tlawngtir lai le, Askelon khua mi in ah an riak lai. LALPA an Pathian chu an sinah a um lai le, sul-le-lam tluang hen a siam nawlh na lai.

ZEPHANIAH 2:7 ပူးပေါင်းရင်းမြစ်များ

GENESIS 50:24

A unau tla sinah, “Ka thih a nâi rawh, Pathian nih ka pu Abraham, Isak leh ka pa Jakob sinah a tiamh thlir mi ram leiah hi mun thawk hen an kalpi na lai,” a ti.

SAM 80:14

Zeizawng tikho, Pathian, kanmah lei hawng a her! Vân thawk hen hawng kan zauh le, hawng le, na mi tla ruangsuah na!

SAM 85:1

LALPA, na ram rangah chun khua na ruat le, Israel tla sul-le-lam chu na tluangtir nawlh.

EXODUS 4:31

LALPA chu an sinah a hawng mi leh nehsawh hen an um mi a muh na ti an theih rawh chun an lung rawh le, an kûn le, Pathian an sawnh rawh.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 11:14

Thurual hen thlanglei mi Philistia tla an do na lai le, saklei ah um mi tla khawm an rûn na lai. Edom leh Moab mi tla chu an neh na lai le, Amon mi tla nih an thu an ngâi piak lai rawh.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

JEREMIA 23:3

Ka mi tla ka rekrâwitir na mi ram thawk hen a um rih mi tla vial chu ka pumh na lai le, anmah ram leiah ka kîrpi nawlh na lai. Fa tam tak an nei lai le, cherkhet an zan lai.

JEREMIA 29:10

“LALPA nih, ‘Babulon ah tângnâk kum sâwmsarih a tling rawh chun, ka nan ruat na mi ka langh lai le, in leiah an kîrpi na ding hen thu ka tiam mi ka theihkumza lai.

JEREMIA 29:14

Asi, nan ka tawng lai le, nan ram ah ka nan umtir nawlh na lai. Ka nan rekrâwitir na nâk ram leh munkip thawk hen ka nan pumh na lai le, sal ah kan kal tâktir na mi ram ah kan kîrpi nawlh na lai. Kei, LALPA nih ka sim asi,’ a ti.

JEREMIA 3:18

Israel leh Juda chu anna fawnh lai le, munkhat hen marlei ram thawk hen sal ah tâng mi an hawng kal lai le, an thlâktu tla sinah ting pawt ding hen ka pêk na mi ram ah an hawng kîr lai,” a ti.

JEREMIA 30:3

thu ka nan simh mi zawzawng lasuibu ah rîn rawh. An thlâktu tla sinah ka pêk na mi ram ah ka kîrpi nawlh na lai le, chu mun chu anna ting nawlh lai. Kei, LALPA nih ka sim asi,” a ti.

JEREMIA 31:7

LALPA nih, “Phun zawzawng lakah phun rokual chem Israel rangah lâwm hen la sak u. A vei bang, LALPA nih a mi tla ruang a suah na rawh ruangah sawrnâk la sak u.

JEREMIA 32:44

Mi nih an châwk lai le, chu lakah an min tla an rîn lai le, an singsiah lai le, theihpitu tla an siam lai. Chu chu Benjamin ram ah mi khua tla leh Jerusalem kiangkam ah, Juda khuapi tla ah, tlângram ah mi khua tla ah, tlângbul tla leh Juda ram simlei kâng tla ah a um lai. Mi tla chu an ram ah ka umtir nawlh na lai. Kei, LALPA nih ka sim asi,” a ti.

JEREMIA 33:12

LALPA, Zeizawng tikho nih, “Hi ram minung leh ran umlonâk ramkaro hâwi mi lakah hin, dawrâpu tla nih an dawrâ tla râwlno an tlâttir nawlh lai.

JEREMIA 33:7

Juda leh Israel tla chu sul-le-lam tluang tak hen ka siam na lai le, a lânah mi hâwitê hen ka dirh nawlh na lai.

JEREMIA 47:5

Gaza mi tla sinah ngaihsiatnâk rokual tak a hawng tlung, Askelon mi tla chu an dâisip. Philistia um rih mi tla nih zeitiang an ulh awt?

EZEKIEL 39:25

LALPA Zahkâi nih, “Sikhawmsele, tu lam chun Jakob thlâk Israel mi tla tlûnah khua ka ruat lai le, sul-le-lam tluang tak hen ka siam na lai. Ka min thenhlimh chu ka hum lai rawh.

HOSEA 6:11

“Juda mi tla, nannih rangah lam chun nan thilti mi ruangah an rêp na ding hen tik ka ruat rawh.

OBADIAH 1:19

“Simlei mi Juda tla nih Edom ram an luah lai. Thlanglei kângah tlâng bul ah um mi tla nih Philistia ram an lâk lai. Israel tla nih Efraim leh Samaria ram anna ting lai. Benjamin mi tla nih Gilead ram an lâk lai.

MIKAH 2:12

“Sikhawmsele nannih Israel mi tla lakah um rih mi tla, munkhat ah ka nan pumh ver na awt. Dawrâ tla an kâwm sungah an hawng kîr mi hâwi hen kan kîrpi na lai. Ram ningno dawrâ a khat mi hâwi hen nan ram chu nan khat zat nawlh teh lai,” a ti.

MIKAH 4:10

Jerusalem mi tla, nunau nih fa a ring awt mi hâwi a, merh le rûm, tuah khuapi kaltâk hen mâng ah na um awt rawh ruangah. Babulon ah sal ah na kal lai le, sikhawmsele chu lakah mi na mêlma lakah mi LALPA nih ruang an suah lai.

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

ZEPHANIAH 2:9

Kei, Israel Pathian nung tak kasi ruangah Moab leh Amon chu Sodom leh Gomorah hâwi hen ka veih na awt ti ka tiam asi. Chitê khur ah â chang lai le, belh nih khuh dep hen a râwk kumza lai rawh. Ka mi a thibang tla nih an ram chu rûn hen an lâk piak na lai.

ZEPHANIAH 3:13

Israel a thibang tla nih chun âu sin khawm ah thil diklo ti hen âwkrâwl thu an sim lai lo le, perpet ding an tum lai lo. Sul-le-lam tluang leh him tak hen an um lai le, âukhawm ṭih an nei lai lo,” a ti.

ZEPHANIAH 3:20

Rekrâwi hen um mi tla in leiah ka tlungpi na ding mi leh laikulh pumpi ah min thang tak hen ka nan siam na ding mi leh sul-le-lam tluang tak hen kan umtir ding mi ni chu a tlung rawh!” a ti. LALPA nih a sim mi asi.

HAGAI LASUIBU 1:12

Churawhchun, Zerubabel leh Josua, Babulon thawk hen saltâng hawng kîr mi zawzawng nih LALPA an Pathian nih ti ding hen a sim mi chu an ti rawh. LALPA mifial, khuavâng Hagai chu ṭih hen a thu an ngâi rawh.

HAGAI LASUIBU 2:2

Hagai rangah Juda lâirêltu Zerubabel leh Bâwlpu Lian Josua chu zapi tla thu va simh na ding hen simh na ti hen a simh.

LUK 1:68

“Lalpa, Israel Pathian chu sawr hen um seh! A mi tla chu a veh le, tlanhnâk a siam piak na.

LUK 7:16

Chun, mi zawzawng nih an ṭih le, Pathian an sawr le, “Kan lakah khuavâng rokual tak a hawng um rawh,” an ti le, “Pathian nih a mi tla a hawng veh na rawh asi,” an ti.

THILTI 8:26

Chun, Lalpa vânmifial pakhat nih Philip chu a sawnh le, “Thawk le, simlei Jerusalem thawk hen Gaza khua a tleng mi lampi ah khan kal rawh,” a ti. (Chu lampi chu ramkaro lampi asi.)

THILTI 8:40

Sikhawmsele Philip chu mi nih Azota khua ah an muh nawlh rawh. Chun, a kal zar le, Kaisari khua a tlung tiang hen khua kip ah Thâwngthâng Ṭha chu a sim vima.

ROM 11:5

Chu hâwi ber hen, tuliau khawm ah, zângfahnâk ruangah Pathian nih a thîm na mi tâwm an um.

RUTH 1:6

Naomi nih chun LALPA nih a mi tla mîm-leh-fâng tam tak pêk hen mal a sâwm na ti a theih le, churuangah a monu tla hen Moab ram chu kaltâk ding a tum.