ZEPHANIAH 1:7 - Bawm Common Language Bible Version

⁷ LALPA ni, Pathian nih thil a ti ding mi ni chu a nâi rawh; churuangah a mâika ah dâisip hen um u. Bâwlnâk ah mang mi hâwi hen a mi tla chu LALPA nih thah ding hen a timhtuah.

ZEPHANIAH 1:7 ပူးပေါင်းရင်းမြစ်များ

JOB LASUIBU 24:1

Amah rianṭuantu tla rangah lâirêlnâk ni rangah zei rangah Pathian nih tik a ruat lo.

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

ISAI 13:3

LALPA nih a zumh na mi leh a rinhsanh na mi kawrsen tla chu râltuk thenhlimh do ding leh an lakah a thinthawk mi minung tla rangah rêp na ding hen a kawh na.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 29:2

“Pathian mâichâm” an ti mi khuapi tlûnah siatnâk Pathian nih a hawng tlungtir lai. Ṭapnâk leh lungfâknâk a um lai le, khuapi pumpi chu thisen nih mâichâm a tuam mi hâwi hen a um lai.

ISAI 34:5

LALPA nih a nâmsâu chu vân ah a timhtuah le, tuah Edom mawhtir hen râwk a tum mi chu a vuak awt.

ISAI 34:6

A nâmsâu chu bâwlnâk dawrâ leh kêl thisen leh thâu â buaih mi hâwi hen an thisen leh an thâu â buaih lai. LALPA nih hi bâwlnâk hi Bozrah khuapi ah a ap lai le; hi thahnâk rokual tak hi Edom ram ah a umtir awt.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

JEREMIA 46:10

Tusûn ni hi LALPA, Zeizawng tikho zahkâi tak ni chu asi: Tusûn ah phû a lam lai le, tusûn ah a mêlma tla a rêp na lai. A nâmsâu nih a khim pang tiang a ei na lai, an thî tla chu a khawp pang tiang hen a din lai. Tusûn hin Zeizawng tikho nih a mi thah tla chu marlei kângah Eufretis kiangah bâwlnâk ah a mang lai.

EZEKIEL 7:10

Israel mi tla rangah siatnâk ni a hawng tlung. Siatnâk a zual. Zumhnâk a fâk.

EZEKIEL 7:7

Ram sungah nan um mi tla rangah dawnghnâk a tlung rawh. Tlâng tlûnah sawnh leh biaknâk umlo hen nawknâk karo tlung ding tik a nâi rawh.

JOEL 1:15

LALPA ni chu a nâi rawh, Zeizawng tikho nih siatnâk a hawng tlungtir ding mi ni chu: Chu ni ah thil a hawng tlung ding mi chu ṭihnung a kâi a!

JOEL 2:11

LALPA nih a kawrsen tla chu khuarît hâu hâwi hen thu a pêk na. Chu kawrsen ê-aw ngâitu tla chu an tam hen thungâi an chak. LALPA ni chu ṭihnung a kâi a! Âu me âwl kho lai!

JOEL 2:31

LALPA ni rokual ṭihnungkâi tak leh rokual tak tlung lânah nî chu a thim lai rawh le, thlâ chu thisen hâwi hen a sen lai. Sikhawmsele LALPA sinah ṭangpi deihtu tla chu an him lai.

AMOS 6:10

A thi mi tla unau pakhat ruak vûitu a um lai le, anih nih in ah mi ruak chu a lâk lai. Chu nih chun in ah a thibang âutal a um mi chu, “Na sinah midang tla an um ma?” ti hen a auh lai. A sângtu hâu nih chun, “A um lo!” ti hen a sâng lai. Churawhchun, unau â chang mi nih, “Dâisip! LALPA min sim ding ko men kanna thiamthih ual ding asi,” a ti.

AMOS 8:3

Chu ni ah chun lal in ah la saknâk mun chu âu nâk leh lungfâknâk mun a si lai. Mun kip ah mithi ruak a um lai. Dâisip hen an lawnh na lai,” a ti.

HABAKUK 2:20

LALPA chu a Biakin thenhlimh ah um hen tual tlûnah mikip chu a mâika ah dâisip hen um na seh.

ZEPHANIAH 1:14

LALPA ni rokual chu a nâi thlo rawh, a tlung tuan lai! Chu ni chu ni hamhkâi tak asi lai le, kawrsen râlṭha chem tla men lungdawng tuk ruangah an ṭap lai!

ZEKARIA 14:1

Lâirêlnâk ah LALPA a to ding ni a nâi rawh. Jerusalem chu râwk hen a um lai le, an thil lâk tla chu ṭhenh zâr hen a um lai.

ZEKARIA 2:13

LALPA chu a mun thenhlimh thawk hen a hawng awt ruangah mikip a mâika ah dâisip hen um u.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 22:4

Chun, anih nih chun, ‘Ka sâwm na mi tla sinah khan, ngâinik u, ka puai chu ka timhtuah thluh rawh; ka châwchal tla leh ka ran châwm bit tla ka thah le, zeizawng lîm asi rawh; lâwinâk puai ei ding hawng kal u rawh’ ti u,” ti hen, to-aw dang tla a fial nawlh.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

ROM 9:20

Asi, sikhawmsele, aw minung, Pathian êltu chu âu me na si le? Thilsiam nih chun a siamtu sinah, ‘Zei rangah me hi hâwi hen na hawng ka siam?” a ti lai ma?

PHILIPI 4:5

Nanna dawnhkho zia mi zawzawng theih si seh; Lalpa chu a nâi asi.

1 SAMUEL 16:5

Anih nih a sâng le, “Si ta a, LALPA sinah bâwlnâk ap ding ka hawng mi asi. A thiangtir ule, ka sinah hawng bâk u,” a ti. Jese leh a fapa tla khawm anna thenhlimh ding hen a simh na le, bâwlnâk ah chun a sâwm bâk na.

1 SAMUEL 20:26

Sikhawmsele chu ni ah chun Saul nih zei thu khawm a sim lo, zeimawh a herh mi leh a thianglo mi a um dahmawh ti a ruat ruangah.