ZEPHANIAH 1:6 - Bawm Common Language Bible Version

⁶ Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

ZEPHANIAH 1:6 ပူးပေါင်းရင်းမြစ်များ

2 SAMUEL 22:22

LALPA dân ka zâwt le, Ka Pathian chu ka hawitâk lo.

2 CHRONICLES 15:13

Âuzawng, upa ngâksia, nunau mawh mipa sawnh lotu zawng chu thah ding asi.

SAM 10:4

Misual nih chun LALPA chu a sunhsak lo; a putsonâk thinlung hen Pathian chu zeikhawm silo hen a ruat.

SAM 125:5

Sikhawmsele, misual tla na rêp tikah chun Na lampi zawh lotu tla khawm rêp na. Israel tla sinah remnâk um seh!

SAM 36:3

A hawlh a ṭhalo hen âwkrâwl hen a khat; a fing mi leh a ṭha mi ti ding a duh lo.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 43:22

LALPA nih, “Israel, na hawng ka neng rawh ma hi; na hawng ka sawnh lo thlo rawh.

ISAI 9:12

Saklei ah Siria mi leh thlanglei ah Philistia tla chu Israel veih ding hen an kâ an âng. Chu hâwi tluk asi khawm ah LALPA thinthawknâk chu a reh dahlo rih; rêp ding hen a kut chu a zangh nget rih.

ISAI 9:13

LALPA Zeizawng tikho nih Israel tla chu rêp na menza khawmsele, amah leikângah rim hen an kîr dahlo rih.

JEREMIA 10:25

Nangmah a nan sawnh lotu leh a nan duhlotu phun tla tlûnah na thinthawknâk tlungtir. Na mi tla chu an thah na le, hawng kan veih dep le, kan ram khawm râwk dep hen an mâk thlap.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 3:10

Hi bang zawzawng nûnah, Juda, Israel zumhkâilo unaunu chu ka sinah hawng kîr ding a tum salam mi cho asi le; zumh a kâi lo. Kei, LALPA nih ka sim asi,” a ti.

EZEKIEL 3:20

“Mi ṭha nih thilsual a hawng ti palh hen, ṭihnungkâi mun ah ka siah liauah nangnih nun na simh lo chun a thi lai. A sual ruangah a thi lai le, a thil ṭha ti chu ka theih awtlo, a thihnâk mawh chu nangmah tlûnah ka thâng lai.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 7:10

Israel mi tla zumhnâk chu anmah zolanghtu asi. Chubang zawzawng thil a hawng tlung khawm ah kei, LALPA, an Pathian sinah an hawng kîr lo.

HOSEA 7:7

“An thinthawknâk a sa dak mi hen an lâirêltu tla chu an thah na. An lal tla chu pakhat khat hen an thah na. Sikhawmsele pakhat khawm nih ka sinah ṭangpi deih hen thla an cham lo,” a ti.

ZEPHANIAH 3:2

LALPA thu a ngâi duh lo le, a nunsimhnâk khawm a pawm lo. LALPA sinah a ngauh hen ṭangpinâk khawm a deih lo.

ROM 3:11

Âukhawm theihthiam rerêng an um lo, âukhawm Pathian sawnh rerêng an um lo.

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

JOSUA 23:12

Zumh nan kâi lo hen hi phun a leifuan mi hen nanna tlâi hen nupi pasal nanna umh chun,

1 SAMUEL 15:11

“Saul lalchem ah ka siam mi chu thungâi ka sîr, kâng dang leiah âwn hen ka thupêk a ngâilo,” a ti. Samuel chu a thinthawk le, zân khuadei hen LALPA sinah a ngiar.