ZEPHANIAH 1:5 - Bawm Common Language Bible Version

⁵ Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

ZEPHANIAH 1:5 ပူးပေါင်းရင်းမြစ်များ

1 Lal 11:33

Solomon nih hawng ka nawng le, ramdang pathian tla: Astarte, Sidon pathiannu, Kemos Moab pathian, Milkom Amon pathian a sawnh ruangah chu hâwi hen ka ti awt mi asi. A pa David nih a ti hâwi hen; ka thu ngâilo hen thilsual a ti le, ka thupêk leh ka dân thu tla khawm a zûl lo.

1 Lal 11:5

Sidon pathiannu Astarte leh Amon pathian ṭihnungkâi tak Milkom a sawnh.

1 Lal 18:21

Elija chu mi zapi tla sinah a va kâi le, an sinah, “Zei tiang riamruam me nan thinlung remh lo hen nan um awt? LALPA chu Pathian asi chun amah chu sawnh u; sikhawmsele Baal chu pathian asi chun amah chu sawnh ko u!” a ti. Sikhawmsele, zapi tla chu an dâisip.

2 Lal 17:32

Chu minung tla ber nih LALPA chu sawnh hen anmah chi kip lakah mi bâwlpu ah thîm hen lunglotu pathian sawnhnâk ah an rangah thil ap bâwlnâk siamtu rangah an mang na.

2 Lal 17:33

Chu hâwi hen LALPA an sawnh khawm ah an hawng kaltâk rawh mi anmah ram ah an sawnh dân hen an pathian chu an sawnh fâwn.

2 Lal 17:41

Chu minung tla nih chun LALPA chu sawnh hen an milem khawm chu an sawnh fâwn, chu hâwitê hen chun an thlâk tla khawm nih tutiang hen an ti vima.

2 Lal 23:12

Lalchem Ahaz umnâk in tlûn chuanh ah an siam mi mâichâm tla chu lalchem Josiah nih a râwk hep, lalchem Manaseh nih Biakin kulhsung tualmâi ah a siam mi mâichâm khawm a râwk le, a mântir hep le, Kidron Vakuam ah a vawrh hep.

ISAI 22:1

Hi hi Tivakuam ah Muhnâk thu ah thuchah asi. Zei a hawng tlung? Zei rangah khuapi minung tla nih in tlûnah zei lâwmnâk me an mang?

ISAI 44:5

“Pakhat khat hen mi tla nih LALPA tâ kasi’ an ti lai le, Israel mi tla sinah a fawnh ding hen an hawng lai. Mikip nih an bân ah LALPA min singsiahnâk an siam lai le, LALPA mi tla lakah pakhat kasi an ti lai,” a ti.

ISAI 45:23

Ka thutiam chu a dik le, lêt asi lai lo rawh. Bir tak hen ka sinâk zawzawng hen ka tiamh mi asi; mikip hawng hen ka mâika ah anna siksidîr lai le, zumhkâi ding hen ka sinah thu anna tiam lai.

ISAI 48:1

Juda thlâk Israel mi tla, hi hi ngâi u: LALPA min hen Israel Pathian sawnh ding thu nanna tiam le, sikhawmsele thu nan sim hâwi hen tumnâk nan nei lo.

JEREMIA 12:16

An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

JEREMIA 19:13

Jerusalem a mi in tla, Juda lalchem in tla, ârfi sawnhnâk ding hen a in tlûnah rimthâw duahtu tla zawzawng leh pathian dang tla sinah ap hen uain tawihtu tla zawzawng chu Tophet hâwi hen an nâwm ver lai” a ti.

JEREMIA 32:29

an duah lai. In tla a tlûnah Baal sinah rimthâw an duah mi leh pathian dang tla sinah uain an tawih mi hen ka thin an thawktirnâk chu an duah lai.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

JEREMIA 49:1

Hi hi Amon thu LALPA nih a sim mi chu asi: “Israel mi tla zeiah an um? An ram vêngtu ding pakhat khawm an um lo na maw? Zei rangah Milkom sawnhtu tla chu Gad phun ram an lâktir na hen chunah an umnâk ah an umtir na êu?

JEREMIA 5:2

LALPA sawnh ding hen sim khawm le, na sim mi chu na tum lêm lo.

JEREMIA 5:7

LALPA nih, “Ka mi tla sualnâk zei rangah ka ngaihdam lai? An ka kaltâk le, pathian tak silo mi tla an sawnh. Ka mi tla chu an khim lânlo ka châwm na, sikhawmsele ṭângdang an pawm le, â zuar mi nunau tla hen an tik an mang.

JEREMIA 7:10

Hi bang thil ka hua mi tla hi nan ti le, ka Biakin takah nan hawng le, ka mâika ah dîr hen ‘Kan him mi rawh!’ nan ti.

JEREMIA 7:9

Thil nan fîr, mi nan thah, ṭângdang nan pawmtâk, âwkrâwl sim hen siat nan tleih, Baal sinah bâwlnâk nan ap le, a lânah nan theih dahlo mi pathian tla nan sawnh.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

HOSEA 10:2

An thinlung ah perpet mang mi chu tuah an tuar ding asi. Pathian nih an mâichâm tla leh an lungphun thenhlimh tla chu a râwk lai.

HOSEA 4:15

“Nang, Israel chu ka lakah zumhkâilo hen um menza khawmsele, chu thil lakah Juda tla chu sual rîlmâl lah seh. Gilgal mawh Bethel ah mawh Pathian sawnh hen chunahchun LALPA a nung mi min hen thu tiamh lah u.

AMOS 5:26

Sikhawmsele tu chun, Sakkuth lem, nan lal pathian leh Kaiwan nan ârfi pathian chu,

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

THILTI 10:9

Chun, a thâituan ah, an kal liauah Jopa khua kiang an tlung awt bâi ah, Peter chu thlacham ding hen nî sunh chirah, in tlûnah a kâi.

ROM 14:11

Pathiau lasui thu nih, “Lalpa nih chun, Pathian nung kasi ruangah mikip ka mâika ah an kûn lai le, lei kip khawm nih Pathian kasi zia a phuang lai,” ti hen, a sim hâwi khan.

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.

JOSUA 23:7

chu tikah hi a leifuan um mi minung sinah hin kawpkaihnâk nan nei lai lo le, an pathian min khawm nan lam lai lo, an min sim hen thutiamnâk khawm nan nei lai loh, chubang tla pathian sawnh hen an sin khawm ah nan kûn lai lo.