ZEPHANIAH 1:4 - Bawm Common Language Bible Version

⁴ “Jerusalem mi leh Juda mi zawzawng ka rêp na awt. Chunah Baal sawnhtu tla thu chu ka veih lai le, lunglotu tla sawnhnâk ah bâwlpu mang mi tla chu âukhawm nih an theih lai lo rawh.

ZEPHANIAH 1:4 ပူးပေါင်းရင်းမြစ်များ

2 Lal 21:13

Samaria ka rêp hâwi hen Jerusalem ka rêp lai, Israel lalchem Ahab leh a thlâk tla ka rêp hâwi hen Jerusalem chu a mi tla ka nâwt thiang lai, khêng chu nâwt leh khuh tlek hâwi hen.

2 Lal 23:12

Lalchem Ahaz umnâk in tlûn chuanh ah an siam mi mâichâm tla chu lalchem Josiah nih a râwk hep, lalchem Manaseh nih Biakin kulhsung tualmâi ah a siam mi mâichâm khawm a râwk le, a mântir hep le, Kidron Vakuam ah a vawrh hep.

2 CHRONICLES 34:4

Amah thupêk hen a mi tla nih Baal sawnhnâk mâichâm leh a kiangah mi rimthâw duahnâk tla khawm an râwk hep. Aserah lem leh milem dang tla chu an rial dip le, milem sawnhtu tla thlân ah an vawrh.

EXODUS 15:12

Na vawrhlei bân na phar le, kan mêlma tla chu tual nih a dawlh hep na.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 6:12

An in tla chu midang sinah pêk asi lai le, chu hâwi hen an phâisen leh an nupi tla chu pêk asi lai. Hi ram minung tla hi ka rêp na awt.

EZEKIEL 25:7

Chu hâwi hen nan um ruangah phundang tla sinah ka nan pêk na lai le, annih nih an râwk na hen an rûn na lai. Ka nan râwk dep na lai le, phun ti tlâklo leh mah ram nei lo mi nan si lai rawh. Chu tikah kei, LALPA kasi ti nan theih lai,” a ti.

EZEKIEL 6:14

Asi, ka kut ka phar lai le, an ram ka râwk lai. Simlei ramkaro thawk hen marlei mi Riblah khuapi tiang Israel umnâk zawzawng zuah lo thlo hen a karo hen ka siam awt. Churawhchun, kei, LALPA kasi ti mikip nih an theih lai,” a ti.

HOSEA 10:5

Samaria khuapi ah um mi tla chu an lâu lai le, Bethel ah an ngûn chawchal lem an thlâu mi ruangah lungfâknâk an nei lai. Anmah leh milem sawnhtu bâwlpu tla nih an ṭappi lai. An ngûn milem rokual chu a vei tikah thungâi an lungfâkpi lai.

MIKAH 5:13

Na milem tla leh na lungphun tla chu ka veih lai le, nangmah tak nih na siam mi thil tla chu na sawnh lai lo rawh.

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

ZEPHANIAH 2:13

Asiria tla veih na ding hen LALPA nih a thiltikhonâk a mang lai. Ninevi khua chu ramkaro râwk rawh mi tî umlonâk mun khuapi ah a siam lai.