ZEKARIA 7:3 - Bawm Common Language Bible Version

³ “Biakin a râwk mi thu ruangah kum sâwt tak a thla nganâk thawk hen tusûn ni tiang lungfâk tak hen buh kan ngei mi hi ti vima ding ma asi awt?” an ti.

ZEKARIA 7:3 ပူးပေါင်းရင်းမြစ်များ

Ezra lasuibu 3:10

Lalchem David san liauah sîntirnâk pêk mi hâwi hen Biakin lungphûm anna dawmh rawh chun, bâwlpu tla khawm anmah munah tâwtawrâwt put hen an um le, Asap thlâk Levi chi tla khawm chêngchêng put hen an dîr le, LALPA an sawr.

THUSIMTU 3:4

Ngaihsiat tik leh lâwm tik a ruat. Lungfâk tik leh lâm tik khawm a ruat.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

JOEL 2:17

Bâwlpu tla nih mâichâm leh LALPA Biakin kawtkâ karah LALPA rianṭuan na sele, ṭap hen thlacham na seh: “LALPA, na mi tla hi lungkham na rawh. Phundang tla nih zauhnawmh ding leh nehsawh hen, ‘Nan Pathian zeiah?’ hawng kan ti ding hen hawng kan siang lah,” ti na seh.

HAGAI LASUIBU 2:11

“Bâwlpu tla rangah lâirêl ding hen hi deihnâk hi deih.

ZEKARIA 7:4

Hi hi LALPA thawk hen thuchah ka sinah a hawng tlung mi chu asi:

ZEKARIA 7:5

“Ram lakah mi tla leh bâwlpu tla nih kum sâwmsarih sungah thla nganâk leh thla sarihnâk sungah buh an ngei mi chu keimah sunhsaknâk ruangah asi lo,

ZEKARIA 8:19

“Thla linâk, thla nganâk, thla sarihnâk leh thla rânâk ah buh ngeinâk chu Juda mi tla rangah lâwmnâk puai leh lâwptlonâk puai a hawng si lai. Thudik leh lungngamnâk nan duh ding asi,” a ti.

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

MATHAI 9:15

Chun, Jisu nih an sinah, “Mo lawmhtu tla sinah a pasal ding mi a um kar vial chu mo lawmhtu tla nih chun an ulh kho mazei? Sikhawmsele, a pasal ding mi chu an sinah mi kalpi ving ni tla a tlung teh lai, chu tikah lam chun buh an ngei teh lai.

1 KORIN 7:5

Thlacham ding hen nanna pêk khonâk ding hen leh nanna kawmh nawlh khonâk ding hen sâwtlotê rangah rem nan ti vevê cho lo chun âu lei khawm a thlahthlamh lah u, chu lo chun nanna sûm kho lo ruangah Setan nih a nan lêm na lebang lai.

DEUTERONOMY 33:10

Na fa tla chu na dân zûl ding hen an sîntir lai le; Na mâichâm ah bâwlnâk an hawng ap lai.