TITA 3:3 - Bawm Common Language Bible Version

³ Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

TITA 3:3 ပူးပေါင်းရင်းမြစ်များ

GENESIS 38:9

Sikhawmsele, Onan nih chun fa nei khawmsele kei fa ding asi lêm lo a ti le, a ihpi kip ah anna pâwl mi thisen chu lênglei ah a zut tir vima, a unaupa rangah chi a thlâk kho lonâk ding hen.

GENESIS 39:16

A hotunu nih a pasal in leiah a hawng lânlo chu puan chu a kil ko.

SAM 36:2

Chu hâwi tluk hen sâng hen â ruat ruangah, Pathian nih a sual muhlo ding leh mawhtir lo ding hen a ruat.

THUFING LASUIBU 8:5

Nan chu lo rih ma? Kum tling leikâng fûk u. Nan lungfiang lo rih ma? Theihnâk a sîn u.

THUFING LASUIBU 9:6

Zeikhawm theihlo mi minung tla kha kaltâk na le, nung rawh. Theihnâk lampi ah kal rawh,” a ti.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

OBADIAH 1:3

Na zûmnâk nih an âttir rawh. Na khuapi lian tla chu lungpi hen kulh asi le, na in chu tlâng sâng hâwi a sâng le, churuangah na thinlung ah, ‘Âunih hawng ka niamtir kho lai?’ na ti.

MATHAI 21:29

Anih nih chun, ‘Ka duh loh,’ a ti le, a sâng. Sikhawmsele, a nehnûn ah a thinlung chu a hawng a lêt le, a kal rawh.

LUK 21:8

Chun, anih nih chun, “An perpet na lonâk ding hen a thiamthih u. Mi tam tak nih, ‘Amah chu kasi, a tik a tlung rawh,’ ti hen, keimah min sâl hen an hawng lai; chu minung tla chu zûl lah na u.

JOHAN 8:34

Jisu nih an sinah, “Thungâi tak hen ka nan simh na, âuzawng thilsual titu vial sual sal asi.

ROM 11:30

Nannih Phundang tla rangah lam chun, tuan chun Pathian thu nan ngâilo le, sikhawmsele tuah lam chun, Juda tla nih an ngâilo ruangah Pathian khuaruatnâk nan tawng asi.

ROM 6:12

Churuangah, nan taksa duhzia nan zûlnâk ding hen nan taksa thi kho ah sualnâk nih lâirêl lah seh.

ROM 6:17

Khawmsele, sual to-aw tla si khawm ule, sîntir dân a sinah nanna pêknâk chu thinlung tatak hen nan zâwt hen, chun sual lakah mi suak hen nan um le, repnâk to-aw tla nan hawng si rawh; churuang chun, Pathian sinah lâwmthu um seh; nan taksa chak lo ruangah minung dân hen thu ka sim asi.

ROM 6:22

Tuah lam chun sual lakah mi lît hen nan um le, Pathian to-aw tla nan hawng si hi, thenhlimhnâk tawng phah rê hen rah nan nei asi, chu dawnghnâk ah zungzâl nungnâk hen.

ROM 6:6

Hi bang hi theih sele; kan minung li chu a sinah khenhbêk hen a um bâk rawh, sual put taksa chu tlâutir a um khonâk ding hen, tu thawk hen sual sal ah kan um lonâk ding hen.

2 KORIN 12:20

Ka hawng kal tikah zeitin mawh ka duh hâwi hen ka nan muh na lo hen, kei khawm nan duh hâwi hen nan ka muh lo sual lai ti leh zeitin mawh fâinâk tla, nahsuahnâk tla, thinrunhnâk tla, tawhnâk tla, thu khuar mang tla, sung-û tir tuknâk tla, nawknâk tla a hawng um lebang lai ti leh

GALATIA 6:3

Mi zei silo pet hen mi lian dauh ah â ruat chun mah â perpet mi asi.

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

KOLOSA 3:7

nannih khawm a lânah chubang thil tla lakah nan nung liau khan, chubang lakah nan um tâwn kha.

2 TIMOTHE 3:13

Misual leh perpettu tla lam chu mi perpet leh mah khawm mi perpet a um hen an sual dadauh lai.

2 TIMOTHE 3:6

Chubang tla lakah mi chu, in ah tla lût hen sual ritphurh nunau â dauh tla sal ah tleih tâwntu tla kha an si, chu hâwi nunau tla chu duhnâk kip nih tlâutir hen,

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

TITA 2:12

Lungumnâk lawmhkâi kan Pathian rokual tak Ruangsuahtu Jisu Krist rokualnâk langhnâk chu ngâk hen, Pathian sunhsak lonâk leh laikulh duhnâk tla bângtâk hen, tuliau laikulh ah a sûm hen leh rep tak hen leh Pathian sunhsak hen kan um ding asi ti hawng kan sîntir.

JEM 1:26

Âuzawng phung thu sunhsaktu ah â ruat hen, a lei a veng kho ṭung lo chun amah â perpet mi asi, chu hâwi minung nih phung thu ah a sawnh dân chu zeikhawm asi lo.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;