TITA 2:3 - Bawm Common Language Bible Version

^3-5 Tarnu tla khawm nih Pathian thu chu an simsiat lonâk ding hen, nunau kum no dauh tla chu an pasal zângfah ding leh fa zângfah ding leh thinlung rep tak hen um ding leh thenhlimh tak a um ding leh, mah in ah rianṭuantu ah um ding leh, vêlnei hen um ding leh, mah pasal tla thu thu a um ding hen nun an simh na kho ding hen an umdân lak khawm ah Pathian zah mi tla, phiartu tla leh zû duh mi tla silo hen, ṭhat leikângah sîntirtu siding hen fawrh rawh.

TITA 2:3 ပူးပေါင်းရင်းမြစ်များ

ROM 1:29

Chun, replonâk zawzawng, sualnâk zawzawng tla, hamkahnâk zawzawng tla, ṭhatlonâk zawzawng hen an khat le, nahsuahnâk tla, mi thahnâk tla, tawhnâk tla, perpetnâk tla, nunchan ṭhalonâk tla hen an khat.

ROM 16:2

leh nan bawmh a herhnâk kip ah bawmh ding hen an meltheihtir na ka duh asi. Amah ngelchel khawm hi mi tam tak bawmhtu a hawng si tâwn le, keimah ngelchel khawm a ka bawmh asi.

EPHESI 5:3

Sikhawmsele, mi thenhlimh tla nan si ruangah duhnâk leh nâwmtâmnâk zawzawng, hamkahnâk chu nan lakah sim hen khawm um lah seh;

1 TIMOTHE 3:11

Chu hâwi ber hen an nupi tla mi zahkâi an siding asi, ka tam lo hen sûm kho mi leh zeizawng ah zumhkâi mi an siding asi.

1 TIMOTHE 3:8

Chu hâwi ber hen kawhmi tla rianṭuantu tla chu mi zahkâi an siding asi; mi ka tam, zû duh mi, lêpnâk nâwmtâm ah hamkah mi an siding asi loh.

1 TIMOTHE 5:23

Tî lâwng din mi si lah le, na paw ruangah leh na damlo nget ruangah uain tâwmtê din tâwn rawh.

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.

HEBRAI 5:12

A tik thu ruat hen sîntirtu si rawh ding hen nan a dawh le, Pathian thu phûr dawmhtîrnâk sîntir nan herh nget rih. Buh rum silo hen nûk din herh nget mi hâwi nan si rih.

THUPHUANG 2:20

Sikhawmsele, sâwinâk ka nan nei, nunau Jezebel, Pathian khuavângnu â ti mi kha na sâithiam le, anih nih chun ka to-aw tla chu pung le lêngnâk leh milem sawnhnâk thil ei tla sîntir hen diklonâk ah a nan rui na asi.