TITA 2:2 - Bawm Common Language Bible Version

² Tarpa tla chu a sûm kho mi, zahkâi, thinlung rep tak, lungnâk leh zângfahnâk leh felfênâk ah dik tak um ding hen fawrh rawh.

TITA 2:2 ပူးပေါင်းရင်းမြစ်များ

JOB LASUIBU 12:12

Upa tla nih finghnâk an nei le, sikhawmsele, Pathian nih finghnâk leh thiltikhonâk a nei. Upa tla nih muhnâk an nei le, Pathian nih ti ding hen muhnâk leh thiltikhonâk a nei.

SAM 92:14

tar tiang hen rah suah mi leh ring dal hen bir kumza mi an si.

THUFING LASUIBU 16:31

Sansâunâk hi mirep lâwmman asi. Sam pâr hi rokualnâk lallukhuh asi.

ISAI 65:20

Fasêm thih khawm a um lai lo rawh le, minung san khawm sâutir asi lai. Kum zâ cho a dam mi chu seinotê ah ruat asi lai. Chu lânah a thi mi chu ka rêp na mi singsiahnâk asi lai.

LEVITICUS 19:32

“Tar tla chu zah na ule, chawnglawmh na u. Kei, LALPA hi hawng ka ṭih u.

MARK 5:15

Chun, Jisu sinah an hawng tleng le, khuri vuanh, khuri zapi nih a luah mi kha, puan aih hen, thinlung fîm put hen, to mi an hawng muh le; chun an ṭih rawh.

LUK 8:35

Chun, “Zeise asi rawh ne?” ti hen zauh ding hen an suak. Chun, Jisu sinah an tlung le, khuri nih a suaktâk mi chu puan aih hen, thinlung kêl put hen Jisu kebul ah to mi an va muh; chun an ṭih rawh.

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

1 KORIN 15:34

Rep tak hen lungfîm ule, thilsual ti lah u. Zeimaw mi nih chun Pathian theihnâk rêng nan nei lo hi; hi hi nan ningzaknâk ding hen ka sim asi.

1 KORIN 9:25

Chun, tekzuamnâk tla lakah chun â ṭang rarâm mi chu zeizawng ah anna sûm tâwn asi. Annih lam nih chun lallukhuh râwk kho tawng ding hen anna ṭang, kannih lam nih chun lallukhuh râwk kho lo tawng ding hen.

2 KORIN 5:13

Kan ât leh Pathian rang asi, kan fingh leh nanmah rang asi dangâiah.

GALATIA 5:23

zumhkainâk, mi tangah dawnhkhonâk, sûmkhonâk tla asi dauh; chu hawi kalh kâng hen Dân thupêk rerêng a um lo.

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

1 THESALONIKA 5:6

Churuangah midang tla hâwi hen kan it ding asi lo, kan meng hen kanna ringrâwn dauh lai.

1 THESALONIKA 5:8

Sikhawmsele, kannih lam chu ni a mi kan si ruangah lungnâk leh zângfahnâk phâw chu sawng hen, ruangsuahnâk lungumnâk chu lukhuh ah mang hen kanna ringrâwn lai.

1 TIMOTHE 1:10

pung mang tla, tawkua hur tla, minung fîrtu tla, mi âwkrâwl tla,

1 TIMOTHE 1:14

Chun, kan Lalpa zângfahnâk chu lungnâk leh Krist Jisu dâwtnâk hen cherkhet hen ka lakah a liam rawh.

1 TIMOTHE 1:2

Lungnâk ah ka fa duhtak Timothe sinah: Pathian, Pa leh Krist Jisu kan Lalpa sinah thawk hen zângfahnâk khuaruatnâk leh remnâk um seh.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 TIMOTHE 3:11

Chu hâwi ber hen an nupi tla mi zahkâi an siding asi, ka tam lo hen sûm kho mi leh zeizawng ah zumhkâi mi an siding asi.

1 TIMOTHE 3:2

Chun, kawhmi hotu chu simsâwinâk um lo mi, nupi pakhat nei mi, â sûm kho mi, mi thinlung dik tak, mirep, mi lawmh dân thiam, sîntir thiam mi,

1 TIMOTHE 3:4

zahkâi tak hen fa tla kilkâwi hen mah dâwngsungkhur rep tak hen lâirêl thiam mi siding asi.

1 TIMOTHE 3:8

Chu hâwi ber hen kawhmi tla rianṭuantu tla chu mi zahkâi an siding asi; mi ka tam, zû duh mi, lêpnâk nâwmtâm ah hamkah mi an siding asi loh.

1 TIMOTHE 5:1

Upa tla chu fâi lah le, pa hâwi hen lêm dauh na, tlangvâl tla chu unau hâwi hen,

TITA 1:13

Chu thu theihtir chu a dik asi. Churuang chun Juda tla thuanthu tla leh thudik hawitâk tâwntu tla thupêk chu sunhsak lo hen, lungnâk ah chun an dik khonâk ding hen fâk tak hen nun simh na rawh.

TITA 1:8

Mi lawmh dân thiam, ṭha leikâng duh mi, thinlung diktak, mirep, mi thenhlimh, sûm-nâwl kho mi asi ding asi.

TITA 2:7

Khatlei kângah ṭângṭawm mi tla nih kan tlûnah thu ṭhalo rerêng sim ding a nei lo ruangah an ningzak khonâk ding hen, zeizawng ah thil ṭha ti ding leikângah muhtirtu ah a siam le, na sîntirnâk ah chun na dik zia tla, zah na kâi zia tla, na thusim dik zia tla, sâwi kho lo mi chu langhtir rawh.

PHILEMON 1:9

dâwtnâk ruangah, Pawl tarpa kasi le, tuah Jisu Krist ruangah rêngtlâ khawm ka hawng si; a ngiar hen ka nan ngiar lehlam.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

1 PETER 4:7

Thil zawzawng dawnghnâk chu a nâi rawh. Thla nan cham khonâk ding hen mah lakah sûm leh ringrâwn hen nan um ding asi.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

2 PETER 1:6

nan theihnâk lakah chun sûmnâk telh ule, sûmnâk lakah chun tuarkhonâk telh ule, nan tuarkhonâk lakah chun Pathian sunhsaknâk telh ule,