TITA 1:9 - Bawm Common Language Bible Version

⁹ Sîntirnâk diktak leikângah mi a fawrh khonâk ding hen leh êltu tla chu a mawhtir kho na nâk ding hen sîntirnâk hâwi vima hen thu zumhkai tleih thlir mi asi ber ding asi.

TITA 1:9 ပူးပေါင်းရင်းမြစ်များ

JOB LASUIBU 2:3

LALPA nih Setan sinah,“Ka to-aw Job khi na muh ma?” “Amah hâwi hen mi ṭha leh zumhkâi tual tlûnah âukhawm an umlo, keimah hawng ka sawnh le, thilsual ti leikângah â thiamthih thlo. A san umlo thlo hen amah nganfâk na pêk ding hen hawng ka deih khawmsele, Job zumh a kâinâk chu a mahmun nget asi,” a ti.

JOB LASUIBU 27:6

Dik ka ti mi hi ka lêt ding asi lo; fiang tak hen ka theih asi.

THUFING LASUIBU 23:23

Thudik, finghnâk, sînnâk leh finghnâk ṭha hi na sunhsak ding mi asi. Sikhawmsele zuar ding hen chun an sung-û tuk.

THILTI 18:28

Mi zatlâng theih hen Juda tla chu a êl na le, a dawngh thlo na; Pathian lasui thu mang hen Jisu kha Krist chu asi ti a theihtir na.

1 KORIN 14:24

Nan ektê hen thu nan sim lam chun lunglo mawh, theih lo mi mawh hawng lût sele, a mawh zia a ngâi mi nih a langhtir lai le, a ngâi mi tla zawzawng nih a salh lai rawh, a thinlung thuthup tla chu langhtir hen a um lai rawh.

1 THESALONIKA 5:21

zeizawng nik dauh ule, a ṭha mi vial zâwt ule,

2 THESALONIKA 2:15

Chun, unau tla, dîr thlir ule, thudik tla chu sim hen mawh, kan lasuikuat hen mawh, ka nan sîntir na mi kha tleih thlir u.

1 TIMOTHE 1:10

pung mang tla, tawkua hur tla, minung fîrtu tla, mi âwkrâwl tla,

1 TIMOTHE 1:15

Krist Jisu misual tla ruangsuah ding hen laikulh ah hin a hawng kal ti hi zumh a kâi hen thungâi pawm a tlâk asi, an lakah misual chem kasi hi.

1 TIMOTHE 1:19

lungnâk leh sia leh ṭha theihnâk thiang tak tleih thlir hen, mi zeimaw mi nih chubang chu lawnh hen lungnâk leikângah lawng kuai hâwi hen anna râwk rawh.

1 TIMOTHE 4:9

Hi thu hi zumh a kâi hen thungâi pawm a tlâk asi.

1 TIMOTHE 6:3

Mi âuzawng nih sîntirnâk dang a sîntir hen, kan Lalpa Jisu Krist thudik leh Pathian sunhsak lei sîntirnâk a lung lo chun,

2 TIMOTHE 1:13

Jisu Krist lakah um mi lungnâk leh dâwtnâk nei hen, thudik dân ka kâ thawk hen na theih mi tla kha nei thlir rawh.

2 TIMOTHE 2:2

Chun, theihtu tam tak tla lakah ka kâ ah thu na theih mi tla kha, chubang chu mi zumhkâi midang tla sîntir singsuan khotu ding tla sinah chun kiltir rawh.

2 TIMOTHE 2:25

do ding a tuah mi tla chu dawnhkho tak bû hen sîntir lehlam ding asi; chuvachun Pathian nih thudik chu an theih rangtlingnâk ding hen a rimtir ving hen,

2 TIMOTHE 3:14

Sikhawmsele nang lam chu na lung mi leh sîntir a na um mi thudik tla lakah um kumza rawh. Nangmah sîntirtu tla chu âu me an si ti na theih ruangah.

2 TIMOTHE 4:3

Sîntirnâk dik an ngâi huam lo tik a hawng tlung awt ruangah; an nâ tla a zâ ruangah anmah duhkâng mi sîntirtu tla an sinah an pumh na lai le,

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

TITA 2:1

Nang lam nih chun sîntirnâk dik tak hen â êp mi thu sim rawh.

JUD 1:3

Duhtak le tla, kanna ting chiau mi ruangsuahnâk thu nan sinah rîn ka tum liauah, mi thenhlimh tla sinah lungnâk veikhat pêk rawh mi thu ah lungnâk ruangah râltuk ding hen an fawrh na ding hen nan sinah lasuikuat rîn ding hen a herh ti ka theih.

THUPHUANG 2:25

Nan nei chia lam kha ka hawng kal lânlo chu kil thlir u.

THUPHUANG 3:11

Âukhawm nih na lallukhuh chu an lâk piak lo ding hen na thilneih chia kha kil thlir rawh, ka hawng tuan awt hi.

THUPHUANG 3:3

Ê-aw ngâilo, na sual tla rim le, an sîntir mi tla leh na theih rawh mi tla kha theihkumza rawh. Na vêng lo chun mifîr hâwi hen zei tikah na sinah ka hawng awt ti na theih lai lo.