TITA 1:3 - Bawm Common Language Bible Version

³ sikhawmsele, amah tik takah chun a thu chu thuchah lakah a langhtir rawh, chu thuchah chu Pathian kan Ruangsuahtu thupêk hâwi vima hen kiltir kasi.

TITA 1:3 ပူးပေါင်းရင်းမြစ်များ

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 45:15

‘Israel Pathian, a mi tla ruangsuahtu a thup hen a um mi Pathian chu asi.

ISAI 45:21

Lâirêlnâkah hawng ule, nan thunawk hawng put u; a dotu ding mi tla chu thu a deih tawnh na seh. Tuan liau khawm ah thil a hawng tlung ding mi simkantu âu a um? Kei, LALPA a mi tla ruangsuahtu kasi lo ma? Pathian dang a um lo.

DANIAL 11:27

Churawhchun, lal panih dawhkân ah buh ei ding an to vevê lai le, sikhawmsele an thiltum chu a sia lai, âwkrâwl anna simh tawnh lai. An duh mi khawm an tawng vevê lai lo, a tik a tlung lo rih ruangah.

DANIAL 8:23

“Chubang lalram tla dawnglei kângah chun, an sual zia a fâk lai, rêp hen an um lai, lal lungkhung leh sual tak leh perpet mang a hawng um lai rawh.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

HABAKUK 2:3

Chu rîn mi chu a hun tak a tlung lo rih ruangah siah ziar. Sikhawmsele a tik chu khulrang hen a hawng tlung lai. Tlâi dauh khawm asi kho, ngâk ko rih le; a hawng um ngelchel lai, a tlâi tuk lai lo.

MARK 1:15

“Tik chu a hawng tlung rawh, Pathian Ram khawm a hawng nâi rawh; rim ule, Thâwngthâng Ṭha hi lung u,” a ti vima.

MARK 13:10

Chun, Thâwngthâng Ṭha hi phun zawzawng sinah sim masa ding asi.

MARK 16:15

Chun, an sinah, “Laikulh zawzawng ah kal ule, thilsiam zawzawng sinah chun Thâwngthâng Ṭha hi sim u.

LUK 1:47

ka thlarau khawm ruang hawng ka suahtu Pathian ah â lâwm.

THILTI 10:36

Anih nih chun lungngamnâk Thâwngthâng Ṭha Jisu Krist kâ ah sim hen, Israel thlâk tla sinah thu a kuat le, (Jisu chu mi zawzawng Lalpa asi.)

THILTI 17:26

Chun, tual tlûn zawzawngah um ding hen phûr munkhat ver hen phun kip minung a siam le, an rangah tik a ruat le, an umnâk ding rî khawm a siam le,

ROM 16:25

Ka Thâwngthâng Ṭha leh Jisu Krist thusim hâwi hen, thuthup phuangnâk hâwi hen, chu thuthup chu zungzâl thawk hen â thup tâwn.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

ROM 5:6

Kan chak lo liau khan, a tik takah Krist chu misual ruangrûl ah a thi rawh ruangah.

1 KORIN 9:17

Chu chu mah thu hen ka ti chun lâwmman ka nei asi; sikhawmsele mah thu thu hen asi lo chun Thâwngthâng Ṭha zauhkhenhnâk rian hawng ka kiltir mi ko asi lai.

GALATIA 4:4

sikhawmsele, a tik a hawng tling rawh chun, fa sinâk kan tawng khonâk ding hen Dân tangah um tla chu tlanh ding hen Pathian nih a Fapa, nunau ring mi, Dân tangah hawng suak hen a fial rawh.

EPHESI 2:17

Chun a hawng kal chun nannih Phundang lât tak a um tâwn mi tla sinah remnâk Thâwngthâng Ṭha a nan simh na le, nâitê ah um tâwn mi Juda tla sin khawm ah remnâk Thâwngthâng Ṭha a sim ber.

PHILIPI 1:13

Chun, ka rêngkhimhnâk tla hi lal in vêngtu kawrsen murui zawzawng leh midang zawzawng sinah chun Krist ruang asi ti a lang rawh.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

1 THESALONIKA 2:4

Thâwngthâng Ṭha kiltir ding hen Pathian nih ṭha hawng kan ti hâwi hen, minung lawmhtir ding hâwi si lo hen, kan thinlung niktu Pathian lawmhtir dauh hen thu kan sim dauh tâwn asi.

1 TIMOTHE 1:1

Pawl, Pathian ruang hawng kan suahtu leh Krist Jisu kan lungumnâk ruat mi hâwi hen, Krist Jisu mifial nih chun:

1 TIMOTHE 1:11

âwkrâwl a siatsirhtu tla, sawrtlâk Pathian Thâwngthâng Ṭha rokual sîntirnâk dik ka sinah kiltir mi hâwi silo hen, thil dang a um mi tla zawzawng rangah siam asi.

1 TIMOTHE 2:3

Chu chu ruang hawng kan suahtu Pathian ngaihnâk ah a ṭha hen lawmh tlâk asi;

1 TIMOTHE 4:10

Chun, kan lungumnâk chu Pathian nung ah chun kan ngauh ruangah hamh tak a ṭuan hen kan ti rarâm asi, anih chu mi zawzawng Ruangsuahtu asi, lungtu tla rangah asi dauh chem.

2 TIMOTHE 4:17

Thâwngthâng Ṭha keimah ruangah simh chiau hen a um khonâk ding hen, Phundang tla zawng nih an theih khonâk ding hen, Lalpa nih chun a ka ṭanh le, a ka chaktir lehlam asi; chun chakeibaknei kâ ah mi kha suah hen ka um rawh asi.

THUPHUANG 14:16

Chun, sûm tlûnah a to mi nih chun a favah chu tual ah a thlâk le, tual mi fâng chu a ât rawh.