THUSIMTU 9:2 - Bawm Common Language Bible Version

² Zeikhawm â dangnâk a um lo. Mirep leh misual, mi ṭha leh mi ṭhalo phung leikâng si mi leh silo mi, bâwlnâk aptu leh aplotu sin khawm ah vânduainâk bang cho a tlung. Mi ṭha khawm misual ngâk hen a ṭha dauh lêm lo; siat tleihtu khawm tleihlotu ngâk hen a ṭha dauh lêm lo.

THUSIMTU 9:2 ပူးပေါင်းရင်းမြစ်များ

GENESIS 24:3

LALPA Pathian tual leh vân siamtu min hen siat an sirhtir ding ka duh, hi Kanaan ram mi tla lakah hin ka fapa nupi rangah na thîm lo ding hen.

SAM 73:3

misual tla sul-le-lam tluang ka muh hen anna zûm mi chu ka hua ruangah.

THUSIMTU 2:26

Pathian nih amah lawmhtirtu tla chu finghnâk leh lâwmnâk leh theihnâk a pêk, sikhawmsele misual tla lam chu rian a ṭuantir na, a hâwltir na, a khawng tir na, an tawng mi tla chu amah lawmhtirtu tla rangah pêk ding hen. Zeikhawm an si lo, thli ṭhâwl mi hâwi asi.

THUSIMTU 3:19

Chubang nûnah chun minung leh ramsa chu bang cho hen thi ding mi an si. Pakhat a thi mi hâwi hen a dang khawm a thi lai. An panih hen thilsiam bang cho an si vevê. Minung hi ramsa ngâk hen an ṭha dauh lêm lo, nungnâk lakah anna dang lo ruangah.

THUSIMTU 6:6

sikhawmsele minung kum sâng nih dam hen a dam sungah lâwmnâk tawnglotu ngâk chun dinhnâk tawngtu a ṭha dauh. Chu nûnah chun an panih hen mun pakhat ah an kal vevê lai.

THUSIMTU 7:18

A leiluat hen um lah. Phung leikâng mi na si chun, zei leikâng zawng ah na dingchang lai.

THUSIMTU 7:2

Din leh einâk mun ah kal ngâk hen mithi ulhnâk mun ah kal a ṭha dauh, a nung mi nih thihnâk nih chun kan ektê hen hawng kan ngâk ko ti an theihkumza ruangah.

THUSIMTU 9:11

Hi laikulh ah hin thil dang, mi tek chak nih tekzuamnâk ah an neh dahlo mi, mi râlṭha khawm nih râltuknâk ah an neh dahlo mi ka theih. Mifing tla khawm nih ei ding an tawng kumza lo, theihthiamnâk nei mi tla khawm an nei kumza lo, mi thiltikho tla khawm nih mun sâng an luah kumza lo. Vânduainâk chu mikip sinah a tlung.

THUSIMTU 9:3

Vânduainâk chu an ektê tlûnah bang ver hen a hawng tlung le, hi laikulh ah thil a hawng tlung mi chu thil diklo asi. Minung chu an dam kar vial chu an thinlung chu sualnâk leh âtnâk hen a khat le, an thi sawm.

JEREMIA 43:6

mipa tla, nunau tla, fa tla, lal fanu tla zawzawng hen Aigupta ram ah an kalpi na. Hotu Nebuzaradan nih Gedaliah zauhkhenhnâk tangah a siah na mi leh Baruk leh kei khawm hawng kan kalpi rawh.

MALAKI 3:15

Kan muh mi hâwi hen mi zûm tla chu mi lâwptlo tla an si. Misual tla chu sul-le-lam tluanglonâk lâwng silo hen Pathian dawnhkhonâk chu an thilsual ti hen an nik le, anna kiang ving!” a ti.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

1 SAMUEL 14:26

Chu thing mun chu khuaitizû hen a khat, sikhawmsele, Saul siatsirh ruangah âukhawm nih an ei ngam lo.