THUSIMTU 9:12 - Bawm Common Language Bible Version

¹² Na hun a hawng tlung ding mi na theih loh. Thang nih va a awh sawm mi, lên lakah ngâ a tâng sawm mi hâwi hen, mêtê hen kan ruat mi thilsual nih zeikarlo ah hawng kan awh.

THUSIMTU 9:12 ပူးပေါင်းရင်းမြစ်များ

SAM 11:6

Misual tlûnah mei leh kâtalh a hawng thlâk le, thli rumro hen a rêp na.

THUFING LASUIBU 24:22

Chu tla chu sâwtlotê ah siat-le-râwk hen an um lai. Pathian leh lal nih chun siat-le-râwknâk an tlungtir kho ti na theih lo ma?

THUFING LASUIBU 29:6

Misual tla chu anmah thang nih a awh na le, mi zumhkâi tla lam chu anna lâwm hen an thaw a suak.

THUFING LASUIBU 6:15

Churuang chun siatnâk nih simkannâk umlo thlo hen a hawng tlung lai le, thih phah rê hen liamh hen an um lai.

THUSIMTU 3:19

Chubang nûnah chun minung leh ramsa chu bang cho hen thi ding mi an si. Pakhat a thi mi hâwi hen a dang khawm a thi lai. An panih hen thilsiam bang cho an si vevê. Minung hi ramsa ngâk hen an ṭha dauh lêm lo, nungnâk lakah anna dang lo ruangah.

THUSIMTU 8:11

Zei rangah mi nih thilsual âwlzâng tak hen an ti zia? Thilsual ti chu rêp sâwm an si lo ruangah.

THUSIMTU 8:8

Âukhawm a thi ding mi lakah a vêng hen a thih ni a lanh kho lo. Chu chu raltuknâk kan âwl kho lo mi chu asi; kan lampi ah kal ding kan âwl kho lo.

THUSIMTU 9:13

Hi laikulh ah finghnâk leikâng ruatnâk thu ah zei hâwi asi ti zauhtawnh ding ṭha tak thil zeimawh ka muh mi a um.

ISAI 24:18

Ṭihnungkâi lakah mi suak tumtu chu khur lakah a tlâ lai le, khur thawk hen suak mi chu thang nih a awh na lai. Ruah tukpi vân thawk hen tî tla hâwi hen a hawng sûr lai le, tual ram â nin lai.

ISAI 30:13

Nan sual rawh. Kulh sâng tak a kak le, a chim mi hâwi nan si; nan tlû sawm lai.

EZEKIEL 32:3

Phun tam tak anna pûm tikah ka lên hen ka nan tleih lai le, vakap leiah ka nûktir na lai.

HOSEA 7:12

Sikhawmsele an kal liauah lên ka zâr lai le, va hâwi hen ka tleih na lai. Thilsual an ti mi ruangah ka rêp na lai.

HOSEA 9:8

Israel mi tla theihtirtu ding ah Pathian nih khuavâng ah hawng ka fial. Sikhawmsele ka kalnâk mun kip ah thang nih va a awh mi hâwi hen tleih ding nan hawng ka tum. Pathian ram ah mi tla chu khuavâng mêlma tla an si.

LUK 12:20

Sikhawmsele, Pathian nih a sinah, Mi â, tuzân hin na thlarau an lâk piak awt asi; na thil timhtuah tla kha âu tâ me si lai rawh ne?’ a ti.

LUK 12:39

Sikhawmsele, hi hi theih u, mifîr a hawng tik ding in dâwngpu nih theih sele, a vêng lai le, a in a pemhtir lai lo.

2 KORIN 6:2

“Tik lawmhkâi ah ka nan ngâi le, Ruangsuahnâk ni ah ka nan ṭangpi,” ti hen Pathian nih a sim mi chu ngâi u. Ngâinik u! Tu hi tik lawmhkâi chu asi, tu hi ruangsuahnâk ni chu asi!

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

2 TIMOTHE 2:26

Pathian duhzia ti ding hen Lalpa to-aw nih a tleih hen, diabol thang lakah mi an suak kho dah ah.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

2 PETER 2:12

Sikhawmsele, hi bang dawnruatnâk nei lo tla hi, vâkrit hâwi cho hen suak an si le, thil an theihthiam lo mi tla chu an simsiat le, anmah khawm ramsa hâwi hen veih hen an um lai.